منيف مناحي منقره البلوي اخوه عبدالله مناحي

[ابراهيم سليمان اللوط]

الشاعر : منيف مناحي منقره البلوي
واخوه
الشاعر: عبد الله مناحي منقره البلوي .. ( شاعر الحكمه )

عسى ان تنال رضاكم
____________________


عبدالله مناحي
________


سلام الله على منيف واللي يسمع منيف
عدد مايركع الشيـخ ويصلـي صلاتـه
سمعناعن خبر والعرب في بادي الصيف
عن اللّي ضيّع المحـزم وفيـه طلقاتـه


_________
منيف مناحي



هلا يامرحبا والخبر روس المشاريف
وعسى سية ولدنا ما ترجح بحسناته
سمعتم عن خبر ما يا كثر السواليف
عن اللّي ضيّع المحزم وفيه فشقاتـه


_________
عبد الله مناحي



يدوم إلـك البقـى وأنـت تعـرف دلـة الكيـف
مـا تصلـح دلـة الكيـف مـن دون استـواتـه
في وداي الجزل ما ادري في واد الحمض ابو ريف
لقيـت الشايـب اللـي جنونـه فـي عصـاتـه
منيف مناحي



انا علمتك تسوي الدله على الكيـف
وذلحينه كبرت وتسوق البن ذاتـه
ليا مني لقيته ضربته ضرب بالسيف
ولنه مات بكره يبـا يُعلـن مماتـه


_________
عبد الله مناحي



لو ان معزب الضيف يعرف قيمة الضيف
لو انه ما لقى فراش يفرش لـه عباتـه
تبا تقراء على الجن في وسط الغضاريف
لونه مات يا منيـف مـا تثبـت وفاتـه


_________
منيف مناحي



دلال الكيف مليـا بغداديـداً مهاديـف
ومن غير الدلال المعزب حـط شاتـه
عسى ربي يسلمك من بعض الصواديف
وراع اللحيه الطيبـه يحمـى اشنباتـه
__________
منيف مناحي


لا تبلش يا غليم ولا فيهـا تكاليـف
يموت الآدمي ما لحق كامـل مناتـه
انا بنشدك عن قصة الولعة مع الليف
هذاك العام يوم الجمل تظهر لهاتـه


__________
عبدالله مناحي


انا ماني ببلشان والدعوى تصاريف
قبل لا يجف حبر القلم داخل دواتـه
هذيك الله يجيرك سواليف وخراريف
يولفها رجل عاش عمرة مع خواته
_________
منيف مناحي


مادام انكم مواليف روحوا يامواليف
انا قررت احوس الزمن والعن ثواته
كلام الحر وافي ولا يقرب من الزيف
ولكن لا تشمت ترى ماهي شماتـه

[قلـــ الكرـــبي]

إبراهيم
أو أبو منيف (كما يحلو لي أن أسميك )

لاهنت على نقل هذه المحاورة بين شاعرين كبيرين
نفتخر أنهما من قبيلة بلي

[ياسر حمدان المقبلي]

رائعـ, ياابراهيمـ,

وخاصهـ, انهــا لبومناحيـ, وابوعليـ,

[سلمان العرادي]

محاورهـ ولا أروع ..

منيف وعبدالله كبار ورب النعم