المساعد الشخصي الرقمي

مشاهدة النسخة كاملة : ( بهذا المتصفح ) جميع المحاورات الشعرية التي دارت بين شعراء منتدى قبيلة بلي



عايد السميري
11-12-2007, 09:56 PM
هذا ( المتصفح خاص ) للمحاورات الشعرية التي دارت بين شعراء منتدى قبيلة بلي

احببت جمعها بمتصفح واحد ليسهل الاطلاع عليها ..

اتمنى ان تجدون مايحوز على رضاكم

.
.



الوحيشي غاب لكن ياعسى بالأمر خيره=كان عينتوه قولو له نشد عنك السميري
المشاكل واجده والوقت شره فاق خيـره=وخايفٍ ليصير له ماصار لرفيق الحريري

عايد السميري

______________________________



ياهلا بك يالسميري عد ماتمشـي مسيـره=يوم جيت وناويا تربط مصيرك في مصيري
المشاكل واجده في كل وقـت وكـل ديـره=ياهلا يامرحبابك يـوم مـادورت غيـري


عبد الله الوحيشي
______________________________



البقاء بك ياعميلاً قام يجفل عـن خشيـره=نوب في خرباء ونوبٍ في سكاكا يستديـري
يالوحيشي كم شجيعٍ محزمه مابـه ذخيـره=وانت رجلٍ فيك خير ومنك شور وتستشيري


عايد السميري
______________________________



لاحشاء مترك خشيري لو جي منه كبيره=وانت ياعايد فهيـم ولاتلـف ولاتديـري

تلحس البسكوت بلسانك بعد شرب الوغيره=والسياسه صايره همك وفيهاانته خبيـري



عبد الله الوحيشي

______________________________




انت عينك صاحيه لا كنهـا ماهـي بصيـره=واذنك اللي جنب راسك تحسب المذن صفيري
ياوسيع المعرفه هالعلم هـذا شـوف غيـره=قبل أحدك مثل حدت بوش الأبن لجون كيري



عايد السميري
______________________________





الجمل لنّه برك للحمـل شالـه مايضيـره=وياعمل الخير من علمك ترى منته بصيري
الفهيم من الرجال اللي عرف جرة بعيـره=كانها بالحد لحـد علـى جرفـأ وعيـري



عبد الله الوحيشي
______________________________





مات أبو ليلى المهلهل واشتهر بالأسم زيره=والمشاكل قادها بين العرب سلك الحريـري
الفهيم اللي عرف فرق الوجيه المستنيـره=وانت عمرك راح مابين الأثاري والبعيري



عايد السميري
______________________________



السميري كيف وده يصلح احوال الجزيره=والمثل قال العرب ماتتفق مهما يصيري
فيك ياعايد بلشت وصرت منك بألف حيره=والله يسهل لك بدربك ويصبح مستنيري



عبد الله الوحيشي

______________________________




والله أني داري أن الكسر عاب من الجبيـره=وليت بعد الكسب مايضيع بعجاج القاع طيري
مـن حلالـك يعلـم الله مانبـي كبرالشعيـره=ليش تبلش وانت يابو زيد صرت أنت المديري



عايد السميري

______________________________

عايد السميري
11-12-2007, 10:09 PM
محاوره رائعه بين الشاعر الكبير : عبد الله مناحي منقره

والشاعر الكبير : عبد الله سليمان الوحيشي









يا عبدالله سليمان دافعت عنـي=ومشكور لكن فيه حاجه غريبـة
أظنه دفاعك ضرني مـا نفعنـي=مصيبه ليا جت منك والله مصيبة

عبد الله منقره
______________________________




هلافيك ياللي محسبنـه سمعنـي=دفاعي دفاع اللي حضر عن قريبه
تعذرت عنك ابكل فكـري وفنـي=ومن ضركم يالقرم ربي حسيبـه


عبد الله الوحيشي
______________________________




انا اقرا حروف اهل القصايد ( و) امعني=واعرف العيار اللي يصيـب الضريبـه
انا قلت اظـن ويمكـن يخيـب ظنـي=وابا اترك لك الباقي ( و) وده وجيبـه


عبد الله منقره

______________________________




تمعن بيوتي قبـل لاتمتحنـي=ولافيه احد يرضى لنفسه غليبه
ولاتظن بعظ الظن اثم وتجنـي=وبررغيابك غبت غيبه عجيبه


عبد الله الوحيشي
______________________________





ترى العود الاخضر ما يكب التثني=اقوله وانا جربت خبثـه وطيبـه
ما دامـك تمناهـا عليـه تمنـي=انا غبت لجل احل عقدة صعيبـه


عبد الله منقره
______________________________





علامك تقـل ياخـوي زعـلان منـي=انا ان زان لي مرمى الهدف غير اصيبه
بلـيـا تمـنـي لونـبـي ماتـثـنـي=وصاحبك ماعمره غـدر فـي صحيبـه



عبد الله الوحيشي
______________________________





انا ازعل على اللي يحسب الذيب جني=ومثلك يعرف الوقت ويعـرف ذيبـه
يا وجدك على درب العنـا والتعنـي=ولكن يردك سيـل جـارف شعيبـه



عبد الله منقره

______________________________

عايد السميري
11-12-2007, 10:23 PM
الشاعر الكبير : عبد الله مناحي منقره
و

عايد السميري
.
.
________________________





سلامي عليكم ياالرجـال المناعيـر=سلا ماً يجيـب الاولـه والأخيـره
يا عايد يا عبدالله ترى السالفه غير=تراني وصلت وجيت والامر خيـره




عبد الله مناحي منقره
______________________________







هلا مرحبا ترحيب واجب وتقدير=لعبد الله مناحي ماهو شخص غيره
عسى خير يابن منقره ياعسى خير=بعد ماوصلت لشرق شبه الجزيره




عايد السميري

______________________________





يدوم البقا والسر مدفون با البيـر=دفنته عن اللي ما يحاسب ضميره
يا عايد نبا ننشدك عن هجرة الطير=عسى هجرته تقدر تحدد مصيـره



عبد الله منقره

______________________________





اليا ارعد سماها طير الارض تطيير=وسبحان منهو عالمٍ بالسريره
كفخ واعتلا وابعد مداليه .. مايصير=يقضي حياته بالثمد والحفيره


عايد السميري

______________________________





ليا ارعد سماها واقتفته المعاصير=تبا تكثر النكبات في كـل ديـره
تقوله وانا ما اقصد بعيد المشاوير=ابا اوّضح الدعوى ولكن خطيـره



عبد الله منقره
______________________________






على طاري النكبات وش صار للزير=ورا باب سورٍ مايصلي خفيره
الا ياوسيع العرف للحلم تفسير=وسيف الحقيقه زينته في جفيره


عايد السميري
______________________________






عيونه كبار تلد بالنـاس وتديـر=يصلي بعد ما كان واجد صفيـره
ابا افسر الاحلام واكتب تقاريـر=وابا ارسلك رساله يا عايد قصيره




عبد الله منقره

______________________________



.

عايد السميري
11-12-2007, 11:37 PM
محاوره بين الشاعر : عبد الله سليمان الوحيشي ...و عايد السميري
.
.



عايد السميري
من هجوس الشاعر اللي يعجبه نظم القوافي
...................................ياسـلام الله سـلام اسـلام والخيـره خفيـه
يالوحيشي مد لي يمنـاك واسلـم والعوافـي
..................................والوعـد ياصاحبـي قـدام والخيـره خفيـه
_______________


عبد الله الوحيشي
البقا باللي يسلم قلتها من قلب صافي
................................عد من الطير طار وحام والخيره خفيه
ياهلا والله بعايد يوم جانا بعلم وافي
.............................صاحبي ماهومن الاخصام والخيره خفيه
_______________


عايد السميري
مالحقنا شك والا ريب يالرجل السنافي
................................إن في مصر الثلاث أهرام والخيره خفيه
ذيب ياذيب الخلا بعواك لاحضنا أختلافي
..............................صوت ماهو مثل صوت العام والخيره خفيه
________________


عبد الله الوحيشي
الله اللي يعلم الاسرارويعرف الخوافي
..................................ناصرا عبده على الضلام والخيره خفيه
كان دعواكم بها بنزين قربنا المطافي
................................صحو النايم كفاه احلام والخيره خفيه
______________


عايد السميري
الذهيبه روحت والجره أخفتها السوافي
..............................وين ادور شرق والا شام والخيره خفيه
احمد اللي قال والرجال رجال امتعافي
..............................وصاحبك ياصاحبي مانام والخيره خفيه
_______________


عبد الله الوحيشي
لاتدور للذهيبه وانت يارجال حافي
.....................................ودها رجال ماينظام والخيره خفيه
القطيره فالبحربحارها ماقال كافي
................................وكان غرقت صاحبك عوام والخيره خفيه
_____________


عايد السميري
يارجل خيره مدام انك بضل الصبح غافي
.....................................والنشاما رزو الأعلام والخيره خفيه
القطيره فالبحر وضويها مرمس وطافي
......................................لفها والتفها الأجرام والخيره خفيه
______________


عبد الله الوحيشي
ياعـميل الـخير جـاك الـعــلـم مايقـفاه قـافي
.....................................الجمل لوهاج فيه اخزام والخيره خفيه
القطيره راسيه وان كان جاها اجرام هافي
...................................تاصل اللي ودها بشمام والــخـيره خفيه
_____________


عايد السميري
الجمل لو نشت خشمه باليديات النظافي
................................تنقلب يمناك دق وشام والخيره خفيه
والله ان تبطي عييناتك تهامل بالمرافي
..................................المطامر مانفع صدام والخيره خفيه
_______________


عبد الله الوحيشي
الجمل وان وصلته يمناي يرضخ للعسافي
................................لعسفه والجمه بلجام والخيره خفيه
خل عنك الغطرسه صدام جاك اليوم لافي
................................وان عصيت امرهـ نسفك اعدام والخيره خفيه
_______________


عايد السميري
دام ماتعرف ثقيلات الأمور من الخفافي
...........................لا تمد أم الشحم لسام والخيره خفيه
ماتغطرسنا ولا حنا من الناس الضعافي
............................ياحليلك (يا حسـن بـلام ) والخيره خفيه
_______________


عبد الله الوحيشي
القوافي حستها واخربتها والكل شافي
..........................طيحتك ماتنكتب باقلام والخيره خفيه
قلت امررها ولاارضى حدتك صوب الجفافي
.........................لكن انك منت كفو احشام والخيره خفيه
_____________


عايد السميري
باول المشوار شف بعيينتك كبر الخلافي
..............................كان تبغا نرتب الأرقام والخيره خفيه
ودام هذا علمك اربض ياولد تحت الحافي
...............................والبـس البسام يابسام والخيره خفيه
______________


عبد الله الوحيشي
لاتحسب ان السعي ياصاحبي مثل الطوافي
................................وان لفوشعاردق الثام والخيره خفيه
ماربض غير انت ياراع الذينات الشرافي
...............................وبعدهذافالسلام اختام والخيره خفيه
______________


عايد السميري
يالمجلة اكتشفنا داخلك عكس الغلافي
.............................وان لفو شعار لك مريام والخيره خفيه
خيرها في غيرها راحت وستر الله ضافي
...........................ياهلا بك وانت ساس كرام والخيره خفيه

عايد السميري
11-13-2007, 10:54 AM
محاوره بتاريخ 19 ـــ 11 ـــ 2006

بين الشاعر الكبير .. عبد الله مناحي منقره .... و عايد السميري
.
.
.



الشاعر : عبد الله مناحي

ياعايد طيور الصيد جت بينها طيور=عليها جناحيـن وبليـا مخاليـب
ياعايد ترى ضيف المعازيب مجبور=ينفذ جميع اللي تقـول المعازيـب






عايد السميري:
طيورٍ تفرفش بعد ماشافت النور=حداها الظلام وليلها ليل يالذيـب
على منهج الأجداد ياوافي الشور=عرفنا الوجيه ولا جهلنا المواجيب






عبد الله مناحي:

انا اشهد شهادة حق ما خشها الزور=غشيم الرجال يقّلب الهـرج تقليـب
مادامك عرفت الحق والحق منصور=تطلع وشوف الراس خل العراقيـب






عايد السميري

مصيبه ليا خاويت لك شخص دنقور=يحدك على العفنه ولا يعرف العيب
ترى الادمي يافلان منهي ومامـور=وياجعلها عبره ودرس وتجاريـب






عبد الله مناحي

ما دامك قبلت بخوته والرحى يدور=تبا اللحيه الحره تفـك الاشانيـب
تقوله وانا راسي من الشيب مفرور=تقوله وانا مفرور راسي من الشيب






عايد السميري

حدانا الخلا لمجالس العمـي والعـور=بليله قمرهـا يطلـع أحيـان ويغيـب
اقوله نعم وارض الصبخ نبتها بـور=أقوله ونبت ارض الصبخ بور مايطيب






الشاعر: عبد الله مناحي


اظنك تعـذر بـس منتـه بمعـذور=نجوم السما واجد ولافيـه ترتيـب
ومدامك حرثت الارض والحب منثور=تبا تحصد اللي تزرعه ما بها ريـب






عايد السميري

ياشيخ الله يسلمك للنـاس دستـور=وبعض الهقاوي صيحة ضحي وتخيب
حصيل المحاصيل أصبح أبطن هامور=يابن منقره .. والناس ماتعلم الغيـب






الشاعر: عبد الله مناحي


مادامك قريته لا تحول عن الكـور=ترانا من أول كسبنا شمّخ النيـب
طمعكم بدنياكم سبب علـة الـزور=محد قال للمصدور يدخل مع السيب






عايد السميري

سمعت الوصاه ويا أبيض الوجه مشكـور=وقل يالله إن ترحم عطيـب المضاريـب
حدتنا السنين الجرد .. / وأمور .. وأمور=ونحسب سراب اللال صافـي مشاريـب






الشاعر : عبد الله مناحي


عسى الله يرحم كل مـن كـان لـه دور=في لطم الاعادي من شيـوخ الاجانيـب
طردت السراب وصرت في وضع محظور=وتركت المياه اللـي عليهـا الاصاحيـب






عايد السميري

لو إن المسافه بيننا أيـام وشهـور=ما كان العزاء بيني وبينك مكاتيـب
تقوله وكلٍ تقل فـي وسـط تنـور=وياااااا خوفي إنك من كبااار الواهيب






الشاعر: عبد الله مناحي


لو ان المسافه بيننا بر و بحور=عن القلب تبعد مثل مايبعد الجيب
اقوله وانا للجرح مرهم ودكتـور=في يوم الجروح يعجزن الاطابيب






عايد السميري

صحيح : البنادق بين الأخوان ما تثور=ومد اليمين وصاحبٍ قابـل أصحيـب
لكنّ الطبيب اللي من الشعب مقهـور= يبا يصير للموت المحقـق تسابيـب

عايد السميري
11-13-2007, 02:13 PM
محاوره بتاريخ 15 ــ 4 ــ 2006

بين عايد السميري ... والشاعر الرائع : فرحان الجبيل البلوي

_______________________________________


*عايد السميري

السفــينه بالبحـــر والبحر موجه صفق
بالسفينه واكثر الناس بالموج اصطـفق
جل من يرفق بخلقه وغــــــيره مارفق
............................ ياآبن آدم لا تغطرس مردك للتراب

ياسلام الله سـلام اسـلام والخيـره خفيـه=والعلوم اكبر من الشرهات يا سهيل اليمانـي
اجتماع القمه اللي صـار فـي نجـد العذيـه=ننتظر خيره وشهر الصوم هو شهر ارمضاني
_________________________________

فرحان الجبيل البلوي

ياهلا والي تقدم رقى الجســر وعــبر
والسفينه ثابته ماتزحـــزح لو شــــبر
بس لاجتها المعاصــير تسمع بالخــبر
..........يابن ادم لاتغطرس مردك للتراب

مرحبا يالي تنادي ماعلى مثلك وصيه=ياعسى عقبي مافيك خلاف ياجـزل المعانـي
واجتماع الخير فيه الخيـر وابشـر بالحذيـه=نسمع الاخبار والاخبـار جتنـي فـي مكانـي

_________________________________

عايد السميري

يا ابو حاتم (أولاً) ياعســـى فـيك البــقاء
( ثانياً ) مـــا من تقـــدم ولا مــــن مرتقاء
ماسمعـت اللي يقـــولون ياليل الشـــقاء
............................ وياآبن آدم لا تغطرس مردك للتراب

البقاء بك ياوسيع العرف والنيـه مطيـه=والجبل قام ايتقادح به شرار العقربانـي
قول خير وفال خير اجلس بسوق الشاذليه=والله اني شفت شمس القايله والليل داني

_________________________________

فرحان البلوي

قالو القــــمه قريبه وقلـــــنا ياسـلام
والعرب دايم كذا ترفع شعار الســلام
ولو رقينا السلم شويش ماجانا مـلام
.................................يابن ادم لاتغطرس مردك للتراب


كان جتنا الناس ياعايـد وسمعـوا بالقضيـه= وارتفع بيرق قبيلتنـا علـى كـل المبانـي
والله اني غير احب خشيم مـن فيـه الحميـه= وما تجيك الشمس وانت الظل وضلالك كساني
_________________________________

*عايد السميري

قمة الخرطوم تســــمع بقـولت (طــع فش )
يعني بالمصري يقولون عن هذا (عــفــش )
بس شرما الشيخ كشته وتطـيـيرة ( طفش)
............................ ياآبن آدم لا تغطرس مردك للتراب

دام ودك نرتفع لقصى حـدود الجاذبيـه =والله اني ماعصا شورك ولكن لا تعصاني
كفو يافرحان.. وانا بظرب العشره بميـه = لين اطلع ناتج الحسبه لو العشر بثمانـي

_________________________________

فرحان الجبيل

مشكله والمشكله لو تسمع اطراف الحكي
غير تاقـــف في مـــكانك لو انك مــــــرتكي
فيه شي(ن)يضحك الرجال وشي(ن)ينبكي
................................يابن ادم لاتغطرس مردك للتراب

ارتفع واكفخ ولا تقرب سراب المهمهيه= السراب سراب شفته شـوف عينـي بالمثانـي
وان ضربت العشـره بميـه ولا جتـك الهديـه= خل خلـق الله وصـوت ليـه تظلـم يازمانـي

_________________________________

عايد السميري

الحــــكايا زايلـه والـــمشاكل لا تــزل
والرجل يعرف وش اللي عليه ولايزل
ياخذ اجزل مايقال ويصد اعن الهـــزل
............................ وياآبن آدم لا تغطرس مردك للتراب

لا توصي من ثلاث سنين ماحصـل خويـه =وضاع وقته بين دقات الدقايـق والثوانـي
مكسبي عرف الرجال وشوف هذي غير ذيّه = الهدايه مطمعـي / والا الهدايـا للغوانـي

_________________________________

فرحان الجبيل

لا تمد السلك يكبر وتبلشنا السلوك
سالفتنا غير والناس تذبحها الشكوك
جهز الفنجال باصلك في ديرة تبـوك
............................يابن ادم لاتغطرس مردك للتراب

اكتب الاشياء ياعايد ثـم تمسحهـا يديـه=وانت تعرف فرق مابين العنب والبيدجاني
جيت عندك ياوسيع العرف والديره نديـه=اشهد انك تنطح الطرقي وتذبح له سماني
_________________________________

عايد السميري

كان ودك تلـتـفت للــيـمــين ولشـــمال
شاب راسك ./ لكن أهـرج ولله الكـمال
وابشـر ابماجــوبك إن جيتنا يم الشمال
............................ ياآبن آدم لا تغطرس مردك للتراب

بعد هذاي حزم اضلوعك ولا تشـره عليـه=والله اني ناوي أدبل ..(صن والا حكم) ثاني
راعي البشت المقصـب مايـدور للتحيـه=واحمد الله يوم راع البشت حييته وجانـي

_________________________________

فرحان الجبيل

احـــمد الله وين ماالد ماجاني مشيـــــب
وهرجتي ماخفيتها شمس ماقبل المغيب
واكثر الاشـــياء بشاعه مـــجافاة القــريب
...............................بابن ادم لاتغطرس مردك للتراب

الضلوع الي تحزم على ربعي عصيـه=ونظرتي مبعد بها فوق نجم المشهبانـي
قرب اذنـك ياخويـي بعـز ومقدريـه=وخل صنك عند حكمك ولا شي(ن)يباني

_________________________________

عايد السميري

البنادق من علــــومك عــلينا ثايره
والمعرفه كايده . والحموله جايره
والسفينه طوروها وصـارت طايره
............................ ياآبن آدم لا تغطرس مردك للتراب

صاحبي وده يرجعنـا لعصـر الجاهليـه=ايتعزوا في قضاعه معتبر ( عايد ) أفغاني
وده أقرّب له أذني لجل يبرمهـا شويـه=مادرا انه ماله الا كلمتيـنٍ مـن لسانـي

_________________________________

فرحان الجبيل

بندقي واعيارها صوب راسك ياعـمـيل
والشواهد والبراهين ماتبغـى دليــــل
والمسايل ماشيه كل وادي له مسيل
..................................يابن ادم لاتغطرس مردك للتراب

صاحبي يحفر لقبره قبل زفرات المنيه=ولو ضمنت ذنيبه اللداغ لاقول يحماني
انت قرم(ن) سيفه البتار يقطع في جويه=وكلمتينك خلها للي يطيعك في ثوانـي
_________________________________

عايد السميري
11-13-2007, 04:01 PM
الشاعر الكبير

قاسم القويعاني
و
والشاعر الكبير : مهدي الحبابي القحطاني

__________________________



قاسم القويعاني

يامرحبا بالضيوف اسلالة الطيبـــــــين=ترحيبة تشرح الخاطر بمقـــدارها
نبغى نسولف مع الشاعرعلى كل زيـن=والناس ماتختلف لا زانت افكارها




__________________________

مهدي الحبابي



دام البـقـاء يـا المرحـب جـعـل عـمرك سـنـيــن= الـسـالـفــة حــرة(ن) وأنــا مـن أحــرارهـــــا
جـاوبـت صـوت المـنـادي جـعـلكم ســالــمــيـن= واطــيــبـه دايـم(ن) مـا نـقـص أســعــارهـــا





__________________________

قاسم القويعاني
والنعم بك يالحبابي والسوالف تبين=وانته راع الطيبه واتعرف مصدارها
والله يحييك واصفوف الهدا واقفين=جيب السوالف يمين الارض وايسارها






__________________________


مهدي الحبابي


ابن الجزل مـا عـليكـم زود دنيا ودين= ارسم هـدف سـالفـتـنا واضـبط اعـيارها

والله يـبقيـك واصفوف الهدا غـانميـن = واعلام تـرى الناس تسمع نشرة أخبارها




__________________________


قاسم القويعاني

نبدا على دلة صفرا وكبش سمـــــــــين=والا الرديه تموت وباقيا ثارها
انته كبير العرب شوف الطريق المكين= والطايره ماتطير الا بطيـــارها





__________________________


مهدي الحبابي
نبدا معـك والـمـعـانـي بـيـن جـيـمِِ وسـيـن = وخـل الــرديـه لـراعــيــهـا وفـــي دارهـــا

ياابن الجزل قبل تـنـوي صل لك ركعـتيـن = وأحذر من بعـض العرب لاتسمع اشوارها






__________________________

قاسم القويعاني

الاوله لاتشيل ابخاطرك يافطــــــــين=والثانيه كل غرسه تتبع ابذارها
شعب الجزيره غدا تال العهد فرقتين=نبغى الخبر كم دينارك وديـنارها




__________________________


مهدي الحبابي
الاولـه مـن زعـلـنا يـزعـل الـمسـلميـن =والثانـيه مـا تـظـلـلـنا من اشجارهــا

شعب الجزيره وفيِِ وانــت خــلك ذهـيـن= مالك ومال الأوادم تـبحث اسرارهـا






__________________________

قاسم القويعاني


الله يجيب السعاده والرخا كل حــــــــــــين=وان قامت الملعبه تعجبك شعارها
بعض السواليف قالووها على ابا الحصين= والا انت ذيبن وشاة الذيب تختارها





__________________________

مهدي الحبابي

الله يـديـم الــرخـاء والامن قـولـوا أمـيـن= وان قـامـت الملعــبه فـأنـتـم من اكـبارهـا
بعض السوالف على وجهين زينِِ وشين = ومن شان عايـد ترى ما نكشف استارهـا




__________________________

قاسم القويعاني

الحق معروف مايرضي يامهدي ثنين=واحنا نمثل كبار القوم واصغارها
ابغى تفكر بتفكيرن يسر الجبيــــــــن=في نجد مانكره الديره ومسيارها





__________________________


مهدي الحبابي

الحـق معـروف والمـيـزان للكفـتـيـن= وأن رضي احدهـن فلا تامن زعـل جارهـا

وابغاك تأخذ وتعـطي وانتـبه للكميـن= ونـجـد العـزيـزه بـنحـفـظها من أشــرارهـا





__________________________

قاسم القويعاني

الجار يسلم لكم مقفين له مقبليـن= وانته من المزرعه نعطيك نوارها
نجد اجذبتنا بنسناس الهوا مرتين= خلك فهيمن لمدخلها ومظهـارها




__________________________

مهدي الحبابي



الجار يـسلم لكم وانـتم بـنا خـابـريـن= والمـزرعه من غـلاكم ما أقرب احضارهـا
يعـوين من غرته نفسه ومبناه طين = يـرجع يجـبر عـظـام(ن) عـجـز جـبارهــا






__________________________

قاسم القويعاني
ياضيفنا بالعلوم الطيبه مكتفـــين=ماودنا طبلة الساحر ومزمارهــــــا
السالفه طولت بين الرحا والطحين=والسوق ردت بضايعها وخطارها






__________________________

عايد السميري
11-13-2007, 05:02 PM
عايد السميري

و

الشاعر: عبد الله الوحيشي

____________






.
اقـول . ياعبـد الله سليمـان= ماشفت لي.. عبد الله مناحي
احـدٍ غيابـه يعتـبـر نقـصـان= واحدٍ نقيصـه جعلـه الماحـي
.




عايد السميري
___________________________




.
يامرحبابـك واذكـر الرحمـن =وصاحبك مدري وين هو راحي
يمكن ظروفـه حدتـه يافـلان = عساه ويـن يـروح مرتاحـي
.



عبد الله الوحيشي
___________________________




.
فــيك البقاء والمسلمين اخوان = ياعاقل الــمره من الصاحي
سمعت في قصفت وزير استان = ليكون معهم شيخـنا طاحي
.



عايد السميري
____________________________







قبله مشو ياصاحبي عربان=ومنصور له شهرين مالاحي
الله يعلم خاااااافي الانسـان=رب البشر فتاق الاصباحي




عبد الله الوحيشي

__________________________



ماهي على فرعـون ياهامـان=ياصاحبـي يـاجـرج قـرداحـي
الظاهر انك راجع(ن) خسران=من سوق الاسهم بعد الارباحي



عايد السميري
__________________________



ام القريـن اتحـرث القيـعـان=وطاحت لها فـي يـد ذباحـي
من حمد ربي دووووم انا ربحان=ماتهزنـي هبـات الارياحـي



عبد الله الوحيشي
__________________________

عايد السميري
11-13-2007, 05:11 PM
عايد السميري ... والشاعر : احمد عايد البويني


___________________________

عايد السميري




نادو لي ( أحمد عايد) وقولو له البارق سرا=والعلم ما بينه وبيني واسمع العلـم أسمعـه
وادي حنيفه قالو إنه سـال فـي واد القـرا=هي كيف صارت يالبويني وأسمع العلم اسمعه







__________________

احمد عايد



" نادو لي" طوالي كذا .. هو ناسي ولا ما درى=تحيـةٍ للمسلمينـي واسمـع العلـم إسمـعـه
ما مثلها لا صارت العربان فالخيـر أخشـرى=ماتشوف مرقاب القريني واسمع العلم إسمعـه








__________________

عايد السميري


الغايب إناديه .. والطاري على بالـي طـرا=أرحب مدامك شوف عيني واسمع العلم أسمعه
اليا أختلط خيرٍ بخيـر وخالـط العـز الـزرا=الذيب جاك مع الحصيني وأسمع العلم أسمعه








__________________

احمد عايد
شفتك وأغض الطرف وأمسَح من خيالي ما جرى=فيك البقـى لا تبتلينـي وإسمـع العلـم إسمعـه
المسأله ماهي كـذا .. المسألـه جـرح وبـرى=وتركه هالأمر بيدينـي وإسمـع العلـم إسمعـه






__________________


عايد السميري
أرفع نظرك الملح ثار وكل رجـل ومايـرا=وانا أعرفك رجلٍ فطيني وأسمع العلم اسمعه
ياسيدي / نص العرب ماذاق لـذات الكـرا=وانته مسريها هجيني وأسمع العلم أسمعـه





__________________

عايد السميري
11-13-2007, 09:31 PM
عايد السميري ... والشاعر : قاسم علي القويعاني

___________________________________________



عايد السميري

كان شفتو لنا قاسم ابن علي بلغوه التحيه ومنا سلام = غاب يالله عسى خير ويش السبب والرجاجيل ياكبر شرهاتها

بعدها مني العلم في مايلي كل فارس كفو يحتزم بالحزام = قيل يامقشر المحترم لا غضب والرجاجيل ياكبر شرهاتها



_______________________

قاسم القويعاني


مرحبا فيك ياعايد وربك ولي جيت ارد التحيه يارفيع المقام=ماتغيبت وانشد جميع العرب والرجاجيل ياكبر شرهاتها
ان كتبت الرسايل تبي تاصلي وان وقفنا تشوفونا نهار الزحام=والذهب ماتغير ترا اسمه ذهب والرجاجيل يا كبر شرهاتها






________________________

عايد السميري


البقاء وانت لك منزلٍ معتلي أنتبه لا تخلط الحلال بحرام =وان عرفت القظيه تعد العتب والرجاجيل ياكبر شرهاتها

الظلام المخيم متى ينجلي يالله اني طلبتك تزيح الظلام =والزمن مارحم شيخنا أبو شنب والرجاجيل ياكبر شرهاتها







___________________________

قاسم القويعاني



ان طلعت الجبل قدام لاتنزلي والجبل فيه ياعايد عجاج وعسام=والقضيه نسجلها بليا سبب والرجاجيل ياكبر شرهاتها
لا تحرى سحاب الصيف مايهملي وان تصفق بيدينك يطير الحمام=والقضيه قبل شعبان والا رجب والرجاجيل يا كبر شرهاتها






_____________________________


عايد السميري


نظرتي فوق ياللي تميح الدلي ومن يعرف الآراكه يعرف البشام = ودام لك نظرةٍ ماتعدا الهدب و الرجاجيل ياكبر شرهاتها
صاحبك صاحبك يعتزي في بلي مايدور علوم الهوى والغرام =وانت زولاً نعلمك وتقول ( تب ) والرجاجيل ياكبر شرهاتها






_______________________________

قاسم القويعاني



نظرتك فوق واتعرف الجمل والطلي مير نوبات عينك ماتذوق المنام=وش يوديك يالشاعر دمشق وحلب والرجاجيل يا كبر شرهاتها
مذهب الشافعي يمشي مع الحنبلي مير خلك مقيد في بنود النظام=وان تعزويت قلنا يارفيع النسب والرجاجيل يا كبر شرهاتها







________________________________

عايد السميري

خالق الخلق يمهل ولا يهملي أسمع العلم ياللي تناظر لشام =إيه .. ( تبت يدا أبو لهب وتب ) والرجاجيل ياكبر شرهاتها
لو بسوق الحساء كل شيٍ غلي قالو الناس جتنا على مايرام =لو بعضهم حصيله ماغير التعب والرجاجيل ياكبر شرهاتها








___________________________________

قاسم القويعاني



انت شاعر وشعرك غدا مذهلي ماكتبت القصيده بليا مرام=والليالي تقلب بحزن وطرب والرجاجيل ياكبر شرهاتها
من مشى السوق شاف الذهب والحلي كل واحد بسوقه سعىباهتمام=والنتيجه يقولون حامض عنب والرجاجيل ياكبر شرهاتها

عايد السميري
11-13-2007, 09:53 PM
عايد السميري
و

شاعر المحاوره المعروف : عبد الكريم الصويدر


______________________________________



عايد السميري


على وضح النقى واللي يسرحها يضويها=هلا يامرحبا بك يابو عاطف والعلوم جداد
عليك الله تقول ايش السواه اللي نسويها=بعد دارت دوايرها علينا والسيوف حداد


________________________

عبد الكريم الصويدر


عسى فيك البقى في ماضي القصه وتاليها=اقوله يالسميري صاحبي والملعبه والماد
تبي مني نصيحه خلهـا تبـدي مباديهـا=انا مابيك تهجرهاوتطلقهـا بـدون قيـاد





_________________________


عايد السميري

يقولون العرب من شب ناره ينشوي فيها=وانا أقول العرب بكره يجيها الشيخ والجلاد
سمعت العلم لكن ليلـةٍ تتعـب مساريهـا=وملينا نحسب أيامنـا هجـري وبالميـلاد






__________________________

عبد الكريم الصويدر


سلمت ولانهدمت وناركـم مانـي بواطيهـا=نا أقص الطريق وعارف الصادر من الوراد
ترى بعض الاوادم لو تنادي ملتفـت فيهـا=لوكانت ورى البصره ولو كانت ورى بغداد





__________________________

عايد السميري


عميلي ياعميلـي والمعرفـه حـظ راعيهـا=انا ادري بك فطين وتعرف المصدار والميراد
اليا نـادا المنـادى مانحسّـب وش تواليهـا=عول اجدودنا نمشي عليها والحيـاه أجهـاد






____________________________

عبد الكريم الصويدر


ترى إن الملعبه ياصاحبـي بأحلـى لياليهـا=مثل هاك الذلول اللي عليها خرجها وشداد
احد ماسك رسنها و احد يمسكها ويخطيها=احد ماهو حواليها ورى هاك الجبل منغاد

عايد السميري
09-09-2009, 06:01 AM
هذه المحاوره بين عايد السميري والشاعر الكبير : محمد السليس الروقي العتيبي
عسى ان تنال رضاكم واعجابكم
__________________________


عايد السميري

مني لكل المشاهير سلام سكر زياده =والحبل مثني ومربوع مني لكل المشاهير
ماعندنا دهن للسير النصر والا الشهاده =قانون من راس متبوع ماعندنا دهن للسير


..................
محمد السليس

مني وبسم المناعير ترحيب راعي شداده =ترحيبتن تاخذ اسبوع مني وبسم المناعير
يالله عسى خير ياطير هات الخبر والأفاده =ون حدك الوقت والجوع يالله عسى خير ياطير


...................
عايد السميري

ماعاد فيها معاذير الكل دون السياده =والشيخ له عام مصروع ماعاد فيها معاذير
ان كان هبت معاصير سهيل تعرف براده =خذ لك من الجم قرطوع ان كان هبت معاصير


...................
محمد السليس

ان كان تبغا المغاتير كب الكرى والوساده =ماكل مرغوب ممنوع ان كان تبغا المغاتير
اقفت تهادى مصارير والشوق فاخت مراده =راحت كما حبة الكوع واقفت تهادى مصارير


...................
عايد السميري

يازين عد الدنانير والعلم يبغا ركاده =يالحضرمي يابن زعزوع يازين عد الدنانير
الفلك فالغبه تسير كلٍ يجهز عتاده =والناس طامع ومطموع الفلك فالغبه تسير


..................
محمد السليس

ياللي تحسب المخاسير العلم نبغا وكاده =عطني وخذ كاش مدفوع ياللي تحسب المخاسير
كانك تقود الطوابير وتفهم فنون القياده =طبق مع الجيش مشروع كانك تقود الطوابير


..................
عايد السميري

للحلم ياشيخ تفسير ومنكم نبا الأستفاده =والموقف يهول ويروع للحلم ياشيخ تفسير
لا دندنت عوّد وصغير كلٍ بيقدح زناده =ولجذور الأرهاب قالوع لا دندنت عوّد وصغير


..................
محمد السليس

لا طاح في جمة البير من كف زاهي القلاده =ترى القلم عنه مرفوع لا طاح في جمة البير
مسيلمه في زمهرير يشوى سوات الجراده =والحبل فيديه مقطوع مسيلمه في زمهرير


.....................
عايد السميري

جساس وكليب والزير هم السبب بالأباده =وبكره يمرون ميقوع جساس وكليب والزير
من لا نوى نية الخير يربط ولا به هواده =وله حكم مقري ومطبوع من لا نوى نية الخير

بدر ابن صقير
08-11-2010, 02:12 AM
الله يوفكم على كل الحوالا

ابــــوشـــهـد الـــسـرحاني
09-28-2010, 12:50 PM
مشكور على هذي القصيده