طلال دخيل الله أبوشامه
12-01-2007, 01:41 AM
للشاعر محمد فياض الحويطي يصف حال البدو كيف يمثلوهم بالمسلسلات البدوية ويستهزؤ بهم .
( أبو طارق ) مخرج مسلسلات بدوية
الا ياحظي العاثر تعبـت ابنـي عليـك امـال
انا متبع ضعـن مقفـي ولااحـن لمواصيلـه
ولاني طايع الدنيـا ولاباكـي علـى الاطـل
الولاعندي عتب مره على الوقت وغـر ابيلـه
بدو كنا ولازلنا نشيـل مـن الحمـول اثقـال
ولانشكـي بعـد حنـا اذا جـارت مثاقيـلـه
نعاندهـن ليالينـا اذا شفنـا الزمـن ميـال
ترا ماهمنـا عدلـه ولانخشـى بعـد ميلـه
نزلنا ديرة زانت واذا شانـت نشـد ارحـال
على صحرى الشرف نمشي مع البر ومداهيله
واذا برق لعج ضوه نصينـا مزنـه الهمـال
مشينا بالرياض اللـي تـروت مـن هماليلـه
قطعنا قفره الموحش تجاوزنـا حـدود الـلا
لاحد ينزل واحد تمضي عن الديـره مراحيلـه
وللضيف ان لفى تقلط على جمر الهشيم دلا
لسلم كف الذي يركـي علـى نـاره معاميلـه
على نجر الضحى يلفو مسايير بـلا مرسـال
بمجلس فايـح بنـه سوالفهـم مثـل هيلـه
واذا يحكي الكبير اللي سواليفه حكـم وامثـال
زرع في جيلنا الحاضر فضايل كانـت بجيلـه
توارثنا الكرم حنا من اجيـال تجيـب اجيـال
ولانركـع سـوى للـي ترجينـا مخاييـلـه
واذا يغدر بنا الغادر نجيـه بشيمـة الابطـال
عوايدنا على الظالـم نـرد الصـاع ونكيلـه
عجب حنا على الشاشه نشاهد كل يوم اشكال
الا ياليتنـا نسلـم مـن المخـرج وتمثيـلـه
يصورنا على كيفه ويظهرنـا عـرب جهـال
وانا مدري بعد منهو عـن التاريـخ يرويلـه
واذا تعصف بنا الدنيا ترا نصمد صمود جبـال
تمـر الريـح وتعـدي ولاتهـده ولاتزيـلـه
وانا ودي (لبو طارق ) اقدمها كمـا الفنجـال
مثـل ماهـو يمتعنـا اذا قــدم فناجيـلـه
( أبو طارق ) مخرج مسلسلات بدوية
الا ياحظي العاثر تعبـت ابنـي عليـك امـال
انا متبع ضعـن مقفـي ولااحـن لمواصيلـه
ولاني طايع الدنيـا ولاباكـي علـى الاطـل
الولاعندي عتب مره على الوقت وغـر ابيلـه
بدو كنا ولازلنا نشيـل مـن الحمـول اثقـال
ولانشكـي بعـد حنـا اذا جـارت مثاقيـلـه
نعاندهـن ليالينـا اذا شفنـا الزمـن ميـال
ترا ماهمنـا عدلـه ولانخشـى بعـد ميلـه
نزلنا ديرة زانت واذا شانـت نشـد ارحـال
على صحرى الشرف نمشي مع البر ومداهيله
واذا برق لعج ضوه نصينـا مزنـه الهمـال
مشينا بالرياض اللـي تـروت مـن هماليلـه
قطعنا قفره الموحش تجاوزنـا حـدود الـلا
لاحد ينزل واحد تمضي عن الديـره مراحيلـه
وللضيف ان لفى تقلط على جمر الهشيم دلا
لسلم كف الذي يركـي علـى نـاره معاميلـه
على نجر الضحى يلفو مسايير بـلا مرسـال
بمجلس فايـح بنـه سوالفهـم مثـل هيلـه
واذا يحكي الكبير اللي سواليفه حكـم وامثـال
زرع في جيلنا الحاضر فضايل كانـت بجيلـه
توارثنا الكرم حنا من اجيـال تجيـب اجيـال
ولانركـع سـوى للـي ترجينـا مخاييـلـه
واذا يغدر بنا الغادر نجيـه بشيمـة الابطـال
عوايدنا على الظالـم نـرد الصـاع ونكيلـه
عجب حنا على الشاشه نشاهد كل يوم اشكال
الا ياليتنـا نسلـم مـن المخـرج وتمثيـلـه
يصورنا على كيفه ويظهرنـا عـرب جهـال
وانا مدري بعد منهو عـن التاريـخ يرويلـه
واذا تعصف بنا الدنيا ترا نصمد صمود جبـال
تمـر الريـح وتعـدي ولاتهـده ولاتزيـلـه
وانا ودي (لبو طارق ) اقدمها كمـا الفنجـال
مثـل ماهـو يمتعنـا اذا قــدم فناجيـلـه