المساعد الشخصي الرقمي

مشاهدة النسخة كاملة : رجاااااااءً! لا تدمج العربي بالانجليزي..



ذاتــــ التاج الأســــــــود
12-04-2007, 12:46 AM
السلام عليكم ورحمة الله و بركاته..
أخواني ادخل بالموضوع على طول..
طبعاً أكيد لاحظتوا ان كثير من الناس وخاصة الشباب- يبغون يبيّنوا حالهم غصب انهم متطورين- فمنهم من يلبس شي ماهو لايق له ابد،
ومنهم من يدمج الانجليزي بالعربي<< وهذا اللي يرفع ضغطي.. بعطيكم عدّة جمل سمعتها- شخصيا -من ناس جابوا العيد باللغة العربية وكمان بالانجليزية...

1- " هاي كيفك "<:confused: هذه تشوفوها عاديه لكن فيها تناقض عجيب وشحطه قويه

2-" انتي اخذتي السيرتيفيكيت ؟": الترجمه=" انتي اخذتي الشهاده؟"certificate

3- " البسي شوزك": الترجمه-" البسي حذائك" shoes

4- " شكلي بَكَنْسِل الموضوع" =" شكل بألغي الموضوع"cancel

5- " انا لبست اللانسيز"= " انا لبست العدسات" lances

6- " عطني البوك"= " عطني الكتاب" book اللي يسمعه يحسبه يبي جبنه :D


* هذه امثله جدددا بسيطة.. ولاحظوا اللي يتكلم كذا اعرف ان ما عنده سالفه باللغه..
الواحد يا يتكلم عربي او انجليزي زي الاوادم ..مو يخششهم ببعض اوكي؟
دو يو اندرستاند؟:p <<<<<< خخخخخخ سويت زيهم..

* واللي عنده امثله زي كذا يا ريت يعطينا... ودمتم!

الجريح
12-04-2007, 11:03 AM
ههههههههههههه
والله صادقه فعلآ .
وغلب علينا التطبع.
شو نساوي.
نجاري المجتمع.
ههههههه
كلمة كنسل : غربيه.وأصبح الشيبان يعرفوها.
كنت أظنها عربيه لكن طلعة اجليزيه.
وعندك كلمة .بروح أخذ شور...يعني بتروش.
كلمة يالله باي مصيبه معناها في حفظ البابا.
كلمة ألو هي دخيله حتى الشيبان يرد على التلفون يقول ألو. وهي هلو يعني مرحبآ.
كلمة بوردنق.يعني بطاقه الصعود
جوالي كان على الصايلنت. يعني جوالي على الصامت

اتفقنا اوكي
كثير
مانسمعها يعني حسنآ
والكثير صراحه أحينآ تجي شطحات والله مانكون قاصدين بس تزحلق غصب.
صراحه أكثرنا نستخدمها بس على حسن نيه.

أشكرك على الموضوع .
الجميل
صراحه نحتاج مناقشة مثل هذه المواضيع.
دمتي بحفظ الله

حمريه
12-04-2007, 01:47 PM
صراحه اكثر الكلمات انطقها بالنجليزي "نتيجه لدراسه "
سوري معناه"اسف "
جميل "بيوتفل وراعين يعرفونها
تمورو "بكره "
في كلمات كثيره "
موضوع مره حلوووووووووووووووووووووووووووووووووو

آخر العنقود
06-07-2008, 12:48 AM
والله الموضوع هذا يتكرر مليون ألف مره باليوم خاصة في الشركات..وهذا متعارف عليه أكثر من العربي وصار مفهووووم أكثر خاصة بين الموظفين ..يعني أنا مره نسيت بطاقة المعمل ..كلمت رئيسي ورد علي :ليش أنت بالكومبلكس؟؟ ليش ما دخلت البلانت؟؟ قلت : أنا نسيت البلانت آي دي بالهاوسنج!!

وبعدين قابلت الفورمن بالدايننج هول ..في اللانش بريك...وقال أن أكسبتبل!!

ما فهمتوا شيء! صح؟؟؟؟ بس هي مفهومه عندنا ونستخدمها بالدوام بس؟؟

غريب أمرك
01-07-2010, 05:14 AM
انا بصراحه ما أشوف فيها شي
ان الواحد يدمج اللغتين<<<ذا لاني أدرس اللغه أحسه شي عااااادي
وطبيعي
يمكن اللي بعيدين عن اللغه الانجليزيه يشوفو ان هالشي غرررريب
وعندي انه افضل من اللي يتكلم انقلش خاااالص واللي حوله ما يدرو عن السالفه
يعني احسه غرور وتكبر
عمومــــــآ
هذا رأيي
وشكــــــــــرآ