محمد عوده القويعاني البلوي
04-04-2008, 01:42 AM
بسم الله الرحمن الرحيم
السلام عليكم ورحمة الله وبركاته
كلمات بسيطه وجدتها في نفسي وكتبتها هنا
الليل خيّم والسهر شيّد (إ)خيام=على جفوني وارتكز بالمفارق
والهم بالقلب انتفض قبل ما انام=وزوارق الفكر ابحرت به تزارق
من شاطي الليله الى شاطي العام=ومن شاطي العام استمرت زوارق
حتى يغوص الفكر باعماق الايام=ويكشف غموض احوالنا والفوارق
بعد المعزه كيف طالونا الاقزام؟!=كيف المغارب جت محل المشارق؟
مع الأسف نعم وطونا بالاقدام=ولولا الطمع ما يطرق الباب طارق
طاير سفاهتهم على روسنا حام=ومع الأسف على أكثر الروس ذارق
اللي توفى في كرامه ما ينلام=والحي في مستنقع الذل غارق
الله هو المعبود والدين الاسلام=والذل طعمه مر والضعف حارق
نبينا اطهر من جرت فيه الأنسام=وله قدر عند الله عن الناس فارق
لكنّ موقف ضعفنا بصمة إبهام=تصبغ على تاريخنا ما تفارق
حنا سمحنا اللي خطاياهم إجسام=ومن ضعفنا نرضي غرور البطارق
القدس محتله وبغداد منضام=وحنا عن الواجب ندوّر مدارق
صرنا طبقات وجماعات واقسام=وبعض الكراسي نعتبرها نمارق
يعني لزايم للكراسي وخدام=نمسك سرا ونقبّل يدين سارق
من ضعفنا نخاف من حبر الأقلام=ومن كذبنا ننشي سحابه وبارق
الكذب خيبه والأمل روح الأحلام=يشهد جبل طارق بعد موت طارق
اللي بقا منّا على الواقع أجسام=واللي نقص دين ونقا وعزم خارق
أول إذا هب الهوى ترف الأعلام=ويذعن لنا إذا رفرفت كل مارق
واليوم بيّن كذب حلاق الأيتام=هب الهوى لاشك ما به بيارق!
ودمتم بخير
السلام عليكم ورحمة الله وبركاته
كلمات بسيطه وجدتها في نفسي وكتبتها هنا
الليل خيّم والسهر شيّد (إ)خيام=على جفوني وارتكز بالمفارق
والهم بالقلب انتفض قبل ما انام=وزوارق الفكر ابحرت به تزارق
من شاطي الليله الى شاطي العام=ومن شاطي العام استمرت زوارق
حتى يغوص الفكر باعماق الايام=ويكشف غموض احوالنا والفوارق
بعد المعزه كيف طالونا الاقزام؟!=كيف المغارب جت محل المشارق؟
مع الأسف نعم وطونا بالاقدام=ولولا الطمع ما يطرق الباب طارق
طاير سفاهتهم على روسنا حام=ومع الأسف على أكثر الروس ذارق
اللي توفى في كرامه ما ينلام=والحي في مستنقع الذل غارق
الله هو المعبود والدين الاسلام=والذل طعمه مر والضعف حارق
نبينا اطهر من جرت فيه الأنسام=وله قدر عند الله عن الناس فارق
لكنّ موقف ضعفنا بصمة إبهام=تصبغ على تاريخنا ما تفارق
حنا سمحنا اللي خطاياهم إجسام=ومن ضعفنا نرضي غرور البطارق
القدس محتله وبغداد منضام=وحنا عن الواجب ندوّر مدارق
صرنا طبقات وجماعات واقسام=وبعض الكراسي نعتبرها نمارق
يعني لزايم للكراسي وخدام=نمسك سرا ونقبّل يدين سارق
من ضعفنا نخاف من حبر الأقلام=ومن كذبنا ننشي سحابه وبارق
الكذب خيبه والأمل روح الأحلام=يشهد جبل طارق بعد موت طارق
اللي بقا منّا على الواقع أجسام=واللي نقص دين ونقا وعزم خارق
أول إذا هب الهوى ترف الأعلام=ويذعن لنا إذا رفرفت كل مارق
واليوم بيّن كذب حلاق الأيتام=هب الهوى لاشك ما به بيارق!
ودمتم بخير