القصيده التى هزت خادم الحرمين الشريفين الملك عبدالله بن عبدالعزيز حفظه الله

[عبدالله صياح السرحاني]

غيري ينام ومهتني في منامـه
وانا لذيذ النوم مـازار عينـي

سهرانةٍ والليل مُوحش ظلامـه
يجمع لي احزاني ويدعي ونيني

ولّيت ياليل الأسـى والندامـه
همّك توَطاني وبيّـح كنينـي

أبغا السلامه بس وين السلامه
عيني تشوف وقاصراتٍ يديني

غيّب ضناي وغابت الإبتسامه
حُكم المقدّر حال بينـه وبينـي

سجين ماأشوفه ولا أسمع كلامه
ماغير طيفه كل لحظه يجينـي

والسجن في الغربه يهز الكرامه
ياحرّ كبدي بعد فرقا ضنينـي

وين انت ياللي تستحق الزعامه
يافزعة المضهود نعم العوينـي

ياخادم البيتين فخـر الإمامـه
حبل الرجا ممدود بينك وبيني

أجبر كسر قلبي وحقق مرامـه
أفزع فديتك تكسب الأجر فيني

تكفا يا ابو متعب مقرّ الشهامه
الحيل واهن والزمن مبتلينـي

قلبي ورا قضبان سجن المنامه
ردّه عليّ تزين باقـي سنينـي



ملطووووووووشه لعيونكم

[فالح عايض السميري]

اخي عبد الله

تحية عطرة

اللهم اطل بعمر خادم الحرمين وفك اسر كل سجين

ويعطيك العافية اخوي عبد الله

[محمد العصباني]

لاحول ولاقوة إلا بالله .

[طلال دخيل الله أبوشامه]

و الله مؤثرة يعطيك العافية أخوي عبدالله على اللطش الحلوا .

[الفقير الى الله]

قصيده جيده
ولا أصدق من الكلام اذا اتى من والد

بس كنت اتمنى اتنوه عن كاتب هذه الابيات
ولك الشكر

[خيالة بلي]

الله يطول بعمر أبو متعب، ويفك اسر كل مسجون واسير