عزيز محمد الوابصي
05-21-2008, 02:54 AM
هذه القصيده للشاعر/ بندر بن سرور في مدح الملك عبد العزيز بن سعود طيب الله ثراه ويذكر فيها بعضاً من افعاله التي لا تعد ولا تحصى في حق هذا الوطن وشعبه وما كان يقوم به هذا القائد المغوار إبان حكمه من توزيع الاموال على المحتاجين من البدو الرحل000 يقول بندر :-
الله من عينٍ طرقها صواديف عميت ويبسن العروق الصخافي
شفت الوزا بالعين من عرض ما شيف شفته وغيري من فطن له وشافي
وقتٍ تغير فيه حتى العواصف جاء في عواصيف الرياح اختلافي
شره قناطير وخيره مقاطيف يفطن له اللي يرضع الديد غافي
كم واحدٍ جاله زمانه على الكيف وإغترته نفسه يبا الجود وافي
يطلع مطاليع العلا بالسواليف بين العذارى عد روحه سنافي
يفرح بهرجٍ بالقفا يكره الضيف قتات والقتات بالنار هافي
يعلق قصيره علقت النار بالليف عيٌ ولد عيٌ زنوده ضعافي
إن رخصت الحذوة توقع عن الحيف وإن غليت الحذوه مشى اللاش حافي
يرقد ويلحق والدينه تخاليف دايم ومرقد ميت النار دافي
هو مادرا ان الجود يبغى تكاليف سهر الليالي مقبلاتٍ مقافي
يبغى يدينٍ للعطايا مغاريف ويبغى رجولٍ ما تمل الوقافي
والصبر بنحور السنين الشواحيف اللي قساهن مثل حد الرهافي
ما يقدرون الجود سود الاطاريف إمخاشرة بيض النساء باللحافي
يقدر عليه اللي حكم نجد بالسيف واودع مباغيض القبايل ولافي
عبد العزيز اللي يبق المصاريف يجدع قناطير الذهب بالفيافي
تمشي على دربه جموعٍ مراديف نوٌ تنثر ماه والجو صافي
تشدى لواقيط الزبيدي بعد شيف مما كسا البيدا تفيد الضعافي
الله من عينٍ طرقها صواديف عميت ويبسن العروق الصخافي
شفت الوزا بالعين من عرض ما شيف شفته وغيري من فطن له وشافي
وقتٍ تغير فيه حتى العواصف جاء في عواصيف الرياح اختلافي
شره قناطير وخيره مقاطيف يفطن له اللي يرضع الديد غافي
كم واحدٍ جاله زمانه على الكيف وإغترته نفسه يبا الجود وافي
يطلع مطاليع العلا بالسواليف بين العذارى عد روحه سنافي
يفرح بهرجٍ بالقفا يكره الضيف قتات والقتات بالنار هافي
يعلق قصيره علقت النار بالليف عيٌ ولد عيٌ زنوده ضعافي
إن رخصت الحذوة توقع عن الحيف وإن غليت الحذوه مشى اللاش حافي
يرقد ويلحق والدينه تخاليف دايم ومرقد ميت النار دافي
هو مادرا ان الجود يبغى تكاليف سهر الليالي مقبلاتٍ مقافي
يبغى يدينٍ للعطايا مغاريف ويبغى رجولٍ ما تمل الوقافي
والصبر بنحور السنين الشواحيف اللي قساهن مثل حد الرهافي
ما يقدرون الجود سود الاطاريف إمخاشرة بيض النساء باللحافي
يقدر عليه اللي حكم نجد بالسيف واودع مباغيض القبايل ولافي
عبد العزيز اللي يبق المصاريف يجدع قناطير الذهب بالفيافي
تمشي على دربه جموعٍ مراديف نوٌ تنثر ماه والجو صافي
تشدى لواقيط الزبيدي بعد شيف مما كسا البيدا تفيد الضعافي