رد على اللذي يهجو بنات الوطن

[نورة بلي]

السلام عليكم ورحمة الله وبركاته




سمعت مقطع منتشر في محافضة الشماسيه
واحد قايل قصيده ويوصف بناتنا بكلمات
سوقيه بحته وهو مادرا أن البنات أمي وأمه و أخته وعمته وخالته
فرديت عليه..
أيضا تم تسجيلها لكن أعذرونا ماجبت الصوتيه..


يسمي نفسه بالصامت ....
أترككم مع القصيده





بسم الذي عالم ً بالنـاس و صـدوره

فرد ٍ صمد يرحم اللي مكثـر السيـه

القول واجد وكـل ٍ يحبـك سطـوره

وكل ٍ على سلم جـده جـاب مطويـه

أحد ٍ الى من كتب تخرج من شعـوره

وأحد ٍ يجيبه مسبـه لا رحـم حيـه

أحد ٍ يحبك القصيـدة يجبـر كسـوره

أدب و معنى و مغـزى ميـه بالميـه

و أحد ٍ يشوت القصيدة شوتت الكوره

ما هي قصيـدة سواليـف ٍ عماويـه

جتني قصيده بها تدليـس ٍ و ثـوره

من صامت ٍ جامع ٍ كلمـات سوقيـه

ليته صمت حكمة ٍ بالصمت مشهـوره

ولا تكـلـم وزاد الـهـرج بالكـيـه

جاب الكلام الرخو بأبيـات مسعـوره

و قام و تهجم على الترفـه ونجديـه

أسمع كلامي وخذ من صاحبك شـوره

خـذ الكـلام العـدل بأبيـات مبنيـه

لا صيّحت بنتنـا عـذرا و غنـدوره

نقدم على الجيـش خيالـه و رجليـه

لا صيّحت تنثـر الدمعـات مجبـوره

بعنـا حيـاة اللهو لأجـل السعوديـه

يوم الفشق و السيوف الحدب مشهوره

بأخته تعزوا الشجاع و يرفـع أيديّـه

الزين في نجد لـو تعجبـك سنيـوره

بنـت ً تمايـل تبـي ليـره و ربيـه

تلعب عليك و تقول أنت القمر نـوره

من شان تاخذ فلوسك كـل عصريـه

بناتنا زينـت الدنيـا هـن عطـوره

عفه و دين وشيـم و أخـلاق سنيـه

بناتنا كالنهر و البـدر فـي صـوره

بناتنـا طُهـر و الأشبـاه ريمـيّـه

محفوظة ٍ بنتنـا بحجـاب مستـوره

واللي يقـرب لهـا يطعـن بشبريـه

و اللي خطت تتبع الشيطان وشـروره

ندعـي لهـا بالهدايـه كـل فجريـه

لا تعم بالقول يا لشامت تجـي ثـوره

و نقدح ونحرق شعيرك دون ماويـه

الله خلقنا و نرضـى بكـل مأمـوره

و القدح في خلقتـه تحـرم ومنهيـه

رد التميمي عريب الجد أخـو نـوره

ما هيب لحية سكوت وقول يـا حيـه

قلته و أنا عارف بالشعـر و بحـوره

والعـزوة الهامـة العـزوة تميميـه

ما صح غير الصحيح بكـل معمـوره

وكل ً على سلم جـده جـاب مطويـه




و سلامتكم

مكتوبه باسم العضوو // عبداللطيف حمد لحفظ الحقوق




منقوووووووووووووووووووله لكم وشكرا

[رضا محمود المعيقلي]

صـح لسـانك / ولسان شـاـاعرها
.
.
وألف شكـــر على النقل
.

[نورة بلي]

وهذه قصيده ثاااااااانيه



>لشاعره / اسماء العبيدان

حنّا بنات الوطن وشموع ديجوره =وحناّ بنات الوطن وأحلى سعوديه
منابت المجد وأصل المجد والصوره =مرابط العز وسبوق النداويه
منابت الملح وأصل الورد وزهوره =مكاسر العود والنفحه سماويه
عذبات الانفاس وأغلى المسك وعطوره =نفحات الاشجان والنسمه ربيعيه
فوح الخزامى بروض ٍ قيل ممطوره =قدِ علّها مع بكور الوسم وسميه
حنّا بنات الوطن سكناه وخدوره =حنّا بنات الوطن والثقل ماريّه
ياللي تعذرب بنا يمناك مكسوره =ماكن فينا لك أم وبنت وأخيه
أفكارك السود مشبوهه ومبتوره =وعلومك العوج ملفوفه وملويه
تلف وإلا تزيد اللف لك دوره =العلم بالهون والحاجات مقضيه
خذها على نور والرايات منشوره =بالعدل والميز مكتوبه ومقريه
خذها وباقي بها وقفات مذخوره =تجيك من فوق وإن حبيّت رديه
بنت الوطن ياضعيف الرأي مذكوره =بالخير والطيب مذكوره سنافيه
من أول الوقت يالمسكين مشهوره =بالفكر وأحلى التواصيف النسائيه
بنت الوطن ياقصير الشوف معموره =بالعطف واللين وتزيده بحنيه
إن كان بالكون قالوا عينه وحوره =بنت الوطن من عظيم الشان حوريه
بنت الوطن من جمال الخلق مستوره =الطبع هادي ووقت الجد جديّه
ممكن تقوّم بوجه المعتدي ثوره =والأصل تكوينها ثابت حياويه
شيهانة اللحظ بنت الريح منثوره =ملمومة الخصر بنت الذيب ريميه
يعني حجازية العينين مخبوره =نجدية الخصر واللمحه خليجيه
ريحانة الفل بأرض الفل مبذوره =يعني عسير وعبير أحلى عسيريه
وقاّدة الحس بالاشواق دكتوره =يضيق صدر الزمن تبقى شماليه
تكتب حروف الوفا وتسّن دستوره =بحروفها إخلاص وإن حبّت هواويه
يعني هي الجو مع بيداك وبحوره =من رأسها للقدم بالزين مكسيه
سمعت ياللي حسبته لعبة الكوره =بعض السواليف لا سقته عماويه
لا ضيّع الدرب مثلك وأخلف شعوره =ندلّه الدرب والاعمال بالنيه
ياخاوي الفكر والعدلات مقبوره =في صدرك اللي لبس بلواه صدريه
مغرور مغرور مثلك ناس مغروره =بمركب النقص والاوهام مبليه
منادمين الخطا ملفاه وطيوره =الفكر خياّل والساحه خياليه
من الحماقه لبسك الكبر وشروره =والحمق رمح الردى وحدود هنديه
تسكن زواياك والطرقات مهجوره =ياغراب خل الحمام إنسى خطاويه
لو تفرد الريش يالطاووس مأثوره =عواقب الكبر يالمغرور سلبيه
ياسيّد الغطرسه ياقاصر شبوره =ياعاشق الذات عشق الذات نفسيه
سمعت رد الاصيله وإفهم سطوره =بسيط منساب والاوزان شعبيه
وإسلك طريق الهدايه وإحفظ السوره =السوره اللي على المعنى ومكيه
وإن كان نفسك على الشينات مجبوره =والنار ياميّت النيران مطفيه
أجيك أنا بنت هالديره ومأجوره =وتشوف بنت الوطن والجمره الحيه
أجيك وتشوف بنت السبع مسعوره =وأخرك معروف والدعوى طبيعيه
الوقت معروف في زنات دبوره =يخرّب العش وهو العش راعيّه
ماهي بشرَبه من الغوري وشابوره=بعض الحكاوي وفيه حدود محميه
خذها ولا أقول لا رديّت مشكوره =من واجبي لا دفعت الشر والسيّه
بأول خطوط الدفاع وراس طابوره =أصد وأرد والصدّه هجوميه
خذها وأنا بنت قوم المجد وحضوره =مني وأنا من بنات الدار نجديه
من نجد ماجيت أنا المغرب وناطوره =وماجيت حد اليمن ما كنت مصريه
خذها وأنا ماعرف الحمراء ولا شتوره =ولا جيت عماّن وإلا كنت شاميه
ولا نيب من بابل النهرين وآشوره =وإلا بعد من بنات الشرق شرقيه
خذها وأنا من عظيم الشان منصوره =من نجد ماقول أنا شقراء وغربيه
أعيّد العيد ما عوشر بعاشوره =الدين الاسلام والمنهاج سنيه
خذها ونفسي على المسفار مأموره =والنفس معروف مأموره ومنهيه
ماقلتها من غضب بالوقت مقهوره =على الملا وإن بغيت السلم سلميه
خذها وأنا بنت روس الطيب وصقوره =الجد قحطان والمنشأ قصيميه



صح لسااااااااانها