فشلة بس عدت سلامات

[أحمد عبدالله]

<div align="center">كنا في الكلية .... ما فيه سكن ولا فيه مطعم ....

وش الحيلة ... السكن قدرنا نحصل على بيت شعبي مبني يوم عبدالعزيز فتح الرياض ... ما عليه صاحب البيت يحلف انه مبني من طوب احمر ( طوب احمر من وقت الملك عبدالعزيز ) ;) .... ماني مصدقة بس الرجال حلف وش نسوي وبعدين لازم ندعم التراث في مملكتنا الحبيبة ونسكن في بيوت تراثية ... :unsure:

بالنسبة للمطعم ... بما اننا طلاب وجميع الكليات عندهم مطعم الا حنا ... معناته لازم نستفيد من المطاعم مثلنا مثل اي طالب سعودي ينتمي لهذا الوطن المعطاء :P ( ايه لا يكثر هرجك )

قررنا نتعشى ونتغدى بمطعم جامعة الملك سعود ... محد داري يحسبونا من طلاب الكلية ...

مشت عليهم الحيلة .. ومن حسن حظهم اني انا ومن معي حريصين على الاكل في المطعم ( جميع الوجبات ) طبعاً من حسن حظهم انهم يتباركون بطلتي البهية كل يوم .. <=== هذا اللي ماخذ مقلب بحاله ;)

مشى الحال سنة وسنتين ... وفي مرة من المرات جيت للمطعم متأخر وقال لي ( المعلم المصري ) العشاء خلص معليش ...

طبعاً جن جنوني ... وين اصرفها معلش هذي ؟؟؟ وكيف اقدر انام الليلة وانا مفلس ما معي الا ريالين حق الوجبة ..

قلت وين مديركم السعودي ... المهم مع الصجة واللجه جاء المدير ... وعرف باللي حصل ...
اعتذر وانا ما قبلت اعتذاره ..(( قوي انا )) قلت تدبرون لي عشااا لو من برجر كنج والا هرفي B) .. حستهم حوس وكرهوا اليوم اللي اشتغلوا فيه بذا المطعم ...

المهم دبرولي عشاااء فاخر اكثر واحسن من كل يوم ... اكلت العشااااء وما قدرت اقولهم شكراً وانا طالع ... انتخمت .. :blink:

كل هذا وانا مو من طلاب الكلية ... يعني لو عرفوا اني مو من طلاب الكلية ... معقولة يفرموني والا يعلقوني على باب المطعم عبرة لزملائى خخخخخخ :D

الشيء الحلو بالسالفة انه في ثاني يوم ... وانا في الكلية وجالس على الكرسي منسجم مع الدكتور .... فاتح ( شدقي ) :lol: قمة الاستيعاب ... واذا بطارق يطرق الباب ... قلب فصحى :D

قال الدكتور اتفضل ... تدرون مين اللي طرق الباب ؟؟؟

ما تصدقون ... وربي طلع مدير المطعم اللي اعتذر مني البارح جاي يسأل عن اخوه معانا في القاعة ...
بس من سوء حظي انا اللي كنت عند الباب ... وجهي بوجهه ... وجهي قلب مية لون .... وهو قلب مية لون ... بس الفرق واضح انا من الفشلة وهو من القهر :angry:

.... انتهى الموقف على كذا ... وما اخفيكم اني كنت خايف لا يكون جالس لي على باب القاعة يبي يلعن سلسفيل اهلي ... ههههههههه وربي معذور ... :unsure:

بس كنت ناوي اقوله مو انا هذا تشابه اسماء ...<<<==== الله يالذكي هو شاف خشتك ما شاف اسمك :D

ومن يومها .... انتهت علاقتي بالكبسات الرهيبة... وصرت ما اقرب من الشارع اللي فيه المطعم بتاتاً البته ... والحمدلله تخرجت بعدها بشهر ... وعدت سلامات ....</div>

[موسى بن ربيع البلوي]

هههههههههههههه

اشوى ان الموقف عدى على خير و لا كان ما فيه الان واحد اسمه السيل معنا في المنتدى


اخوي السيل ...

كثر لنا من هالمواقف خاصة مواقف العزابية و حياة العزوبية .

[أحمد عبدالله]

هلا بموسى اسفرت وانورت وبطلتك ازهرت اجمل باقات الزهور وتعطرت ... <<== حشا والله شاعر على غفلة :lol:

وش نسوي من له حيلة فليحتال ... خصوصا ان اهلنا ما دلعونا ... يعني عايشين على راتب الكلية كله السكن والاكل .... مجبورين ....

اقول يا شين العزابية ... احسن انها مرحلة سوداء في حياتي .... اتذكرها لونها ابيض واسود مثل الافلام القديمة .... طبعاً سوداء بسبب الفلس وقل الدبرة ...

ما ابي اكثر حكي الموضوع فوق يا شباب ويا صبايا <<== لبناني بس شكله يمني :ph34r:

[بلال السحيمي]

<span style='color:green'><div align="center">السيل

متميز ... أنتظر جديدك بفارغ الصبر .. عطر المنتدى أنت ياااااااااااا السيل ،،،

بس ليش ما خاويت أخو المسؤول عن المطعم ؟ تضبط العلاقة"" يعني مصلحجي :D

شكرا قصتك تحمل معاناة طلاب الجامعات الله يعينهم ،،،

أخوك / أبوعبدالرحمن ،،، </div></span>

[أحمد عبدالله]

هلا ابو عبدالرحمن ...

وجودك في الصفحة هو العطر كله ...

تبيني اضبط العلاقة مع اخو مدير المطعم ؟؟؟ ههههههههههههه اصلا لو دريت ان اخوه معانا كان سويت عزايم وجبت جيراني معي للمطعم ...

والله من جد معاناه .... خصوصا هذاك الوقت كان العزابية في وضع ( مجرمين ) في نظر الناس وانواع الاستغلال من اصحاب الشقق اذا عرفوا انك عزابي رفعوا السعر ... هذا اذا لقيت اصلا شقة ... حتى اذكر واحد قال لي ( صاحب مكتب عقار ) وهو يشرب الشاهي ومبسوط ... روح تزوج وبعدين دور شقة ... ماهو حاس فينا قاعد يستظرف ويستخف دمه ... قلت له خلاص زوجني بنتك وش رايك ... قالم يلخبط بالكلام هههههههه :lol:

بس يمكن الوضع تغير الآن ... اقول يمكن ...

يالله انتظر مشاركات البقية ... ترا فيه جوائز عن احسن رد :D

[سلمان العرادي]

<div align="center">
السلام عليكم ورحمة الله وبركاته ... وبعد

الــــســـــيــــــل


.. هـاهـو قـلـمـك يـسـيـل عـلـيـنـا بـعـذبـه وشهد مذاقه وروعة خطه..

أخــي الغالي .. ما أجمل تلك الأقلام التي تتنفس بيدي المبدعين ..


الــــســـــيــــــل


أما حيله على كيفك ;) يعني محد يكفشك ..

بس أنا معجب بحركتك بالمعلم المصري :P خشيت بعينه ..


بس الحاجه اللي نفسي حضرتها .. يوم خش مدير المطعم عليك ونت بالقاعه .. :D

وتمنيت أنه صار وقتها فــــلــــم هـــنــــدي :huh: ..



يعني الوضع .. وقتها راح يصير هيصه وزمبليطه >>> ( يعني راح مصارعه حره )


الـــســــــيــــل .. لك تقديري وأحترامي





فــــتــــى بــــــلــــي
</div>

[أحمد عبدالله]

<span style='color:blue'><div align="center">فتي بلي ...

حياك الله ...

ما يحتاج تشوف الموقف لما مدير المطعم دخل القاعة ...

كل ما يخطر على بالك من انواع الاحراجات ... عرق + رجفه + دوخه + شعور بالوحدة ههههههههههههههه ( وش دخل الوحدة ) :D

المهم اني حسيت بشيء غريب ...

تصدق حتى زملائي لما قلت لهم السالفة بطلوا يروحوا للمطعم لأن المدير اكيد راح يشوف البطاقة الجامعية لكل طالب يدخل المطعم .... :unsure:

بس انا مالي ذنب ... هذا القدر يكفي اللي شفتة والفشلة اللي حصلت :o خخخخخخخ

اجمل تحية لك ... وخلك معانا دائما يافتي بلي </div></span>

[محمود الجذلي]

<div align="center">السلام عليكم ورحمة الله وبركاته،،
هلا وغلا باخي السيــــــــــــل

بالعافية اخر وجبة لانها لها طعم اخر
متعود على مطعم الجامعة وفجاة تتعشى في هرفي
يعني صرت ولد نعمة ;)
بس تمنيت ان المصري يعرف مدرسكم بعد عشان تحلى السالفة
<<<<طيب قلب مايبي احد يتضرر
يعني لو صار فيها اكشن ماهي احلى :angry:
ولك كل الشكر على هذا الموضوع الذي اضحكنا
ولا حرمنا الله جديدك

خالك
محمود الجذلي
يمكن غلا</div>

[أحمد عبدالله]

<span style='color:indigo'><div align="center">هلا مااااي انكل ( يعني ولد جيراننا بالعنجليزي ) هلا بك محمود ..

ما فهمت وش نوع الاكشن اللي تبيه ؟؟؟ تبيه يكفخني ؟؟؟ هههههه دانا السيل يابا لو كفخني كنت راح اشتكي عليه عميد الكلية <<== هذا اللي قدرت عليه خخخخخ :D

اذكر زمان في تلك الايام ( حلوة تلك الايام ) كانوا يصنفوني ومن معي من الطلاب الغلابا ( يصنفونا من انواع الاخشاب ) لانه فيه اشياء كثيرة مشتركة بيننا وبين الخشب .... اقصد الحطب ...
وهي كالتالي /

مافينا دم ولا نعومة :D

ما عندنا احساس

نفس اللون ...

نفس الشكل ( غير منتظم الشكل ) :unsure:

كان عودنا اخضر قبل ما ندخل الكلية ...

فيه اشياء ثانية مشتركة بس كذا كفاية ... :lol:


اقول وش دخل موضوع الخشب بالسالفة ... ;) ايه تذكرت مدير المطعم ما يقدر يكفخني لأنه هو المتضرر عمرك شفت واحد يكفخ خشبة ؟؟؟ بالعكس الخشبة هي تكفخ :D

اقول اخوي محمود ... يا ويلك لو ما تسير علينا بالصفحة مرة ثانية ... انا علمتك تراني ( خشبة ) </div></span>

[بدر البلوي]

و الله
حاااااااااااااااااااااااااااااااااله

معاناة العزوبية خاصة في رمضان

الحمد لله انها جت في اخر سنه ..

السيل ... كل يوم تطل علينا بمعاناة جديده لكن فعلا طلاب الجامعة يعانون مشكلة السكن بشكل كبير .

شكرا لك

[أحمد عبدالله]

حياك الله بدر البلوي ...

الله يعين طلاب الكلية ... مساكين ومحد شايفهم بعينة ...

الدكتور يضغط عليهم من جهه والأكل والشرب وقلة الفلوس من جهه ...
وصاحب البيت من جهه .... وبالنسبة لنا كانت الهيئة كل يومين ثلاثة تسير علينا يمكن فاتحين في بيتنا مصنع خمر والا مرقص &#33;&#33;&#33; ( ايام الهيئة ماخذه راحتها ) ...

الجيران ما يسلمون علينا ... سبحان الله هذا كله وحنا نصلي في المسجد بالعكس مرات تسلم على جارك يناظرلك ويمد بوزه ويدخل لبيته من غير ما يرد السلام ...

كل هذا بس لأننا (( طلاب عزابية )) نسوا اننا عيال ناس محترمين وعندنا اهل وماهي جريمة اذا جينا نطلب العلم ...

<<== قلبها دراما باقي ينهي الموضوع بدمعتين :D

مشكور يا بدر على المرور ...

[جبرني الوقت]

صبااااااااااااااااااااااااااحكم سكر




ههههههههههههههههااااااااااااااااااااااااااي


حلوووووووووووووووووووة والله خطير

السيل الله يرحم زمااااااااااااااااان الاندووووووووووووووومي



هههههههههههههههههههههاااااي العزوبية قشرااااااااااااا


تحياتوووووووووووووووووووووووووا

[أحمد عبدالله]

هلا جبرني الوقت ...

اي اندومي واي خرابيط ... ايام كان الاندومي يجي بخياش مثل الرز (( كان الناس يحسبونه بلاستك )) ههههههههههههه :D

الصراحة قول الله يرحم ذيك الايام .......
ايام وانت قاعد نص الليل .. وذابحك الجوع وتحط لك جبنه بخبزة ... وكأنك تشوف طرف الخبز اخضر .... احم احم تغمض عيونك وتسمي ... :unsure:

حياك الله اخوي نورت الموضوع ...

خلك متواصل معانا ...