نطلق نظرنا لسماء والشواهيب

[سعود عقيل بن مظهر السحيمي]

يابــــــــو مشــاري جــــهز لنا الجـيب
النفس ضاقت و المـحـاني حصـــرها

شوف المباني زود الــراس بالــشيب
وقفى سواده مع طلوعــه دمـــــرها

ودي بمشعل ينتهض كنــــــه الذيـب
ويشوف عزبتنا وش اللــي قصـــرها

نقصد اديارآ فيها عكف الــمـخـاليــب
فـــــي ليلة نـــور علينا قمــــــــرها

مع ربعة رديهم يفعــــل الطـــــــيب
وخيــــارهم خيره علينا نثـــــــــرها

نشوف برق ونسمع رعد السواحيب
ونخيل المطره ونـطرد مطــــــرهــا

ونزل الـعـــــزبه بعلـــو المراقيــــب
نـــشـــــوف وديانآ تسيل نهـــــرهـا

لـــزانت السمره نزيــد المشاهيــب
ونســــوي الــدله لـــزانت جمـرهــا

نطلق نظرنا لسماء والشواهيـــــب
حتى تنام العين وينشف بحــــرهــا


**********
اتمنا من نقاد الشعر ابداء مالديهم من نقد على هذه الابيات
لجل نفيد ونستفيد وبكل سراحه 000

[فالح عايض السميري]

اخي / سعود العقيل


تحية طيبة


بداية موفقة لك كشاعر مبتدي


ابياتك معبرة للمعنى


هناك ملاحظات بسيطة وهي




1/يابو مشاري جهز لنا الجيب
به كسر /ولو قلت يابو مشاري طالبك جهز الجيب استقام الوزن


2/نقصد دياراًفيها عكف المخاليب
به كسر ولو قلت نقصد ديار موردات المخالب يستقيم الوزن


3/وخبارهم خيره علينا نثرها هنا خير مذك ونثرها تعود لمؤنث


4/نشوف برق ونسمع رعد السواحيب
به كسر وجمع سحابه سحاب وليس سواحيب لأن سواحيب جمع مفرد ساحب


5/نسوي الدلة لزانت جمرها الوزن مستقيم وتحتاج تحسين المعنى فقط
6/نطلق نظرنا للسماء والشواهيب تحتاج الى اضافة حرف الواو بداية البيت


تقبل اعجابي بك واستمر وسوف تكون شاعر مميز وعليك بتلحين البيت مع الغنا على لحن تختاره انت وسوف


يتضح لك الوزن

وفقك الله

[سعود عقيل بن مظهر السحيمي]

الاخ / فالح بن عايض السميري


السلام عليكم ورحمة الله وبركاته
تحيه طيبه اشكرك كل الشكر على النقد
الذي سوف اضعه بعين الاعتبار
واستفيد منه0


تقبل تحياتي

[زايد بن عوده الزبني]

اخوي سعود ماقاله الأخ فالح السميري عين الصواب

محاوله جيده واتمنى لك التوفيق،،،،،

وننتضرجديدك
وتقبل مروري ،،،،،،