يا بلي يا عزوتي تكفون حلالنا انسرق

[خالد الرموثي]

السلام عليكم ورحمة الله

تكفون يا نشامى الواحد ما له إلا الله سبحانه ثم رجال قبيلته

بوسط ليل مظلم اانسرق 40 راس من أغنامنا بوادي البقار بتبوك

اعتدى علينا انسان ما دخل قلبه مخافة الله

ليتها موتتي ولا شفت دمعة أبوي

قهر الرجال أمر عظيم

4 شهور من التعب وجهد بالليالي الباردة وبعز المربعانية لكن ما نقول إلا حسبنا الله ونعم الوكيل

الوصف الأولي للحلال

حوالي 20من المعزا الجلب ما هن كبار ولا هي عارضية ثنتين منها بيض
5 تيوس وسط واحد منها شامي لونه ابيض على بني (مثل لون البقر اكرمكم الله)
4نعاج مضاريع ومعهن خروف ثني وجهه في سواد
و6 طليان عمرها حول الشهرين أو أكثر
ورخلتين بعمر الشهر أو أكثر وحدة مسمينها نوارة اذا ناديتها تجاوب لك
وان شاء الله آخذ الوصف الكامل من الوالد
وأعتذر للإدارة اذا كان الموضوع مخالف

[خالد الرموثي]

بالنسبة لنوارة فيها وصف ما لقيته على الطليان بالسوق كله

وهو خط أبيض نازل على وجهها

[أبو أسامه]

الله يعينكم

نصيحه مني لا تعدمت على الشرطة دور في كل مكان في سوق الغنم واحواشها و المنادي وفي كل مكان ....

وان شاء الله اللي يوصله خبر ما يقصر ...

واذا وجدتها خبرنا ...

[أحمد عوده العبيلي]

الله ايعوظكم ونا من جيهتي بدور بحراج العلا لان السارق اكيد مارايح ايبيعها بتبوك

[نواف النجيدي]

الله يعوضكم خير

[حماد سعد السحيمي]

الله لايوفقة لادنيا ولا اخرة

ويجعلها علية نقمة

ويرجعها بالسلامة

[نواف دخيل الله أبوشامه]

الله يعوضكم خير

[خالد الرموثي]

الله ايعوظكم ونا من جيهتي بدور بحراج العلا لان السارق اكيد مارايح ايبيعها بتبوك

الله يجزاك خير

وترا أغلب الحلال االمعزا والتيوس فيه قبلة (وحدة من آذانه فيها قطع)

[أبوجهاد العرادي]

الله يعوضكم ..بأفضل منها ..


والله يهدي الجميع ..

[ابو مازن]

ان شاء الله

يعوضكم خيرا