ذكريات شاعر المليون مع اخي راشد

[محمد ظاهر الميهوبي]

عندما وقف محمد بن حماد العرادي مع شاعر المليون شاعرنا راشد فرحان منقره البلوي




ياشعر جمل بالمواقـف وحـزات=وثق كلامي و المشاعـر وكـادي
العلم واضح عبر كـل الاذاعـات=عبر الفضاء تلفازهـا والـروادي
راشد مع الفرسان ويشن غـارات=بأسم القبيلـه والوطـن والبـلادي
شاعر تمكن ترتعش منه الابيـات=في موقف النوماس شاعرريـادي
ساق الاصيله والاصايل مغيـرات=عدت وعـدت والمعانـي جـدادي
الفعل واضح من سليل البطـولات=تاريخ يشهـد وامهـات الشـدادي
شاعر يمثل باسمنا كـل الاوقـات=رغم الظروف وما جراله وسـادي
في شاطي الراحه وارض الامارات=بين النشامـا راشـدالفكرشـادي
أدى التزامه منتظر جمع الاصوات=كلا درى بالصوت حضر وبوادي
الكل يرسل لاجل راشد على الشات=والوضع وقفه وألتحـام الايـادي
قرب لززها حول خـط النهايـات=أصبح حكمها الصوت وقت العنادى
لحظه بها التفكيـرأن فاتنـا فـات=فارس شجاع ومنتظـر للعتـادى
أخذت انا بالفكر وقفـه وسجـات=بين الفرح واليـاس والامرعـادي
محمد ولد حمـاد نسـل العـردات=فز وتنهـض وأحتماهـا وكـادي
باسم القبيله مع جميـع القرابـات=محمد وراشـد للسعـد والهـدادي
هذا امتحان الفكر ماهي حكايـات=ولا هو كلام يجيك ويروح غـادى
مني عجاله يا النشامـا أنفعـالات=من غيرتي من خبرتي من عنـادي
وختامهاباسـم النشامـا تحـيـات=والى اللقاء لا حان وقت الطـرادي