حمى مكائن الخياطه ..!

[سلمان العرادي]

http://mohra2554.jeeran.com/mt2.gif

قصيدهـ عن مكائن الخياطه

بين الأستاذ أحمد العطالله والشاعر أحمد عايد البلوي

قصيدة أحمد العطالله

لا وهني اللي ورث له مكينه = أو أشتغل خياط ومحصلن فود
يوم المكينه صارت آله ثمينه = والناس ضاعت بين ناشد ومنشود
واللي لقاها سدد الله دينه = ومن سعد حظه كنه اليوم مولود
وراع الفراشه صاح والله غبينه = وراحت حياته كلها لهود بلهود
وراع الاسد يضحك وطابت سنينه = من عقب ماهو ضايق الصدر مقرود

هذا رد شاعرنا . . أحمد عايد البلوي

من بالصحاري قال ترسي سفينه ! = نقوله محشوم والعلم مردود
يا ناس . . ياعالم تراها غبينه = إشاعتن تسري ولادونها حدود
حماد ودى العلم لاقصى المدينه = وحماد جاه العلم من عمه حمود
وحمود هذا شايب الله يعينه = جاه الخبر من عند حمدان وسعود
الحلم يبنى والوسله (مكينه)! = وبالامس كان بقيمة إحوار مفرود !
وين الرجال أهل العقول الرزينه = اللي ترد مهبل الناس وتعود
العقل للإنسان حكمه وزينه = يعرف طريق الفود من قلة الفود

أطيب المُــنــى ،،

سلمان العرادي

[أبو أسامه]

هههههههههههههههههههههههه

صح اللسانهم على القصيد

تستاهلهم ...

الله يعينن بس

الشاعر احمد عايد

دائما مبدع وقصائدة في محلها ما شاء الله عليه

سلمان العرادي

الف شكر لك يا الغلا ...

[فراشهـ]

هههههههههههههههههههههههههههههه
صح لسانك

من جد العالم طايرين مع هالمكاين ههههههههههههههههه

[محمد علي الخولي]

وين الرجال أهل العقول الرزينـه
اللي ترد مهبـل النـاس وتعـود
العقـل للإنسـان حكمـه وزينـه
يعرف طريق الفود من قلة الفـود





صح السان الشاعر أحمد العطالله و أحمد البلوي
تناولوا قضيه أجتماعيه بقصيده لاتخلو من الفكاهه والحكمه
والله يعطيهم العافيه



ولك أخي سلمان أقول كل الشكر ولاعدمناك


وتحيتي للجميع

[سلطان القنيدي]

سلمان العرادي





لك الشكر علي هذا النقل المميز





وصح السان احمد العطالله





وصح السان ابوشهد




العقـل للإنسـان حكمـه وزينـه
يعرف طريق الفود من قلة الفـود



صدقت والله





لك ولبوشهد واحمد التقدير والاحترام

[يوسف صالح العرادي]

صح لسان الشاعر// أحمد العطالله و أحمد البلوي

و الله مجتمع ما يصدق يلقط إشاعه و على طول يصدقها
عالم ما تشغل عقلها أبد



أبو سالم
شكراً لك


وتحيتي للجميع

[عيد بن قيضي الوابصي البلوي]

تسلم ياسلمان

وصح لسان الشاعرين

تحياتي وتقديري لك

[ثامر ظميان البلوي]

:)

صح الله لسان الشاعرين

وصدق أستاذي أحمد وبيض الله وجهه

وسلمت يمناك ياسلمان

والله يرزقنا :)

[عادل الهرفي]

صح لسان الشاعرين احمد العطاالله

وصح لسان الشاعر المبدع المتميز كعادته ابو شهد احمد عايد البلوي

ابو سالم

الف شكر لك يالغالي

دمت بكل الود والاحترام

[حماد سعد السحيمي]

لا واهنيّ اللي ورث له مكينة=ما هو بمثلي ما لقى له مكاين
أم الأسد من شافها سعد عينه=وأم الفراشة ما انلقت بالجناين
زئبق حمر يا أهل العقول الذهينة= لا ما اشتغل جوالك أنص الزبائن
غبينة ياخوي والله غبينة=وعزي لمن صارت حياته غباين
وإلا ضنين ذاق فرقى ضنينه=قد شان حاله بعد ما كان زاين
يارجف قلبي مثل رجف المكينة=لا زاد رجفه زاد سعر المكاين


نزلت اليوم بالوطن


بس حلوة ابو عايد

لايكون انا ونا مدري تراني مشرف الاعلامية شغلتي نقل علوم وبس


حماد ودى العلم لاقصـى المدينـه
وحماد جاه العلم من عمـه حمـود

[عبدالله سليمان الوحيشي]

العقـل للإنسـان حكمـه وزينـه
يعرف طريق الفود من قلة الفـود

صح لسنتهم كلهم
اشهد انه صادق

[ابومقرن]

عزي لمن مثلي لقا له مكينة بريال ما سيمت ولا جايبه زود

[عايد السميري]

الغالي / سلمان العرادي

مشكور على النقل

استمتعت بالقصائد

وكفانا الله شـــــــــــــــر هذه الحمى

[سالم عيد الهرفي]

صح لسان الشاعر// أحمد العطالله و أحمد البلوي
ناس عائشه على الاشاعات بس تدور دراهم من وين ؟؟؟