المساعد الشخصي الرقمي

مشاهدة النسخة كاملة : قصة محي بن غالب ... ممنوع الضحك ؟



موسى بن ربيع البلوي
04-03-2005, 01:09 AM
(( منقوله لكم ... دعوة للترويح ))


قصة
محي بن غالب
كان يا ما كان كان هناك شخص يدعى محي بن غالب
المهم محي بن غالب هذا كان كل امنياته في الحياه انه يصير شيخ قبيله
لكن ما فيه مقومات وما احد بيعطيه مجال لان الشياخه لها ناس واخرهم محي بن غالب
بعد ما يأس من الشياخه في قبيلته قال يا ولد انا بافصل لي جنبيه زي حقت الشيوخ واكتب محيها
الشيخ محي بن غالب
المشكله ما فيه دراهم قام باع الغنم كلها علشان يفصل الجنبيه(الحلم)
فصل الجنبيه وكتب محيها:
الشيخ محي بن غالب قاتل ميه ومعتق ميه
علشان الشياخه تكون على اصولها
المهم طق في الارض بعد ما باع كل شي علشان هذي الجنبيه
هائم على وجهه لا فرس ولا حتى حمار ولا قليل ولا كثير
ومشى وابعد عن ديرته بعيييييييييييد
المهم من كثر التعب جلس تحت شجره ونام
خ
خ
خ
خ
خ
وهو نايم الا ويشوفونه مجموعه رجال جوا قربوا منه وبدون ما يحس
طالعوا فيه طالعوا في الجنبيه:
الشيخ محي بن غالب قاتل ميه ومعتق ميه
الله يكفينا شره هذا ماهو بسيط هذا مطلوبنا هذا اللي بيحل مشاكلنا
المهم صحوه برفق ولين شيخ وقاتل ميه يعني العفاشه ما تنفع معه
المهم قام الشيخ محي خير وش فيه
(من الخوف طبعا)
هم :
لالا ابدا بس قلنا تتفضل عندنا هنا يا شيخ محي
هو:
هاااه الشيخ محي طيب طيب
(اول مره يسمعها في حياته)

هم :

تفضل تفضل
المهم راح معهم قهووه وغدوه وريح وقيل عندهم
وقالوا له روس القبيله عازمينك الليله على العشاء
وطلبناك ان تقول تم
قال:
تم تم
المهم اجتمعوا وتشاوروا قبل ما يجي الشيخ المزعوم
ويوم جا وتعشى واللي محيه بالخير
قالوا له العلم سلامتك

حن قبيله ضعوف ما عندنا فارس ولا عندنا شيخ


وقطاع الطرق ذبحونا ما يمر يومين الا وهم

داخلين عندنا ياخذون اللي يبغون من حلا لنا


وحن لا حيله ولا بصيره


لمعت عيون الشيخ محي من الفرح


قالوا له اسمع حن بنحطك شيخ لنا كلنا طبعا الشيخ محي على طول قال انا موافق

(حلمه القديم)


قالوا بس فيه شروط


الشيخ محي يتمتم :انا لله وش شروطه؟

طيب وش شروطكم


قالوا فيه ثلاثه اختبارات ان نجحت فيها تاخذ الشياخه

وان ما نجحت فما لك عندنا الا ضيافه ثلاثه ايام


الشرط الاول :

اختبار الفروسيه والقتال


الشرط الثاني :

اختبار الشجاعه


الشرط الثالث :

اختبار الذكاء


المهم فكر الشيخ محي شوي وهو عارف ان ما فيه ولا شرط ينطبق محيه


قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي


قال لهم انا موافق


قالوا اختبار الفروسيه بكره جهز نفسك
جاء اليوم الثاني


قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا


قال طيب بس ابغى فرس متعوده على الكر والفر قالوا جاهزه والسلاح جاهز


طبعا الرجال عمره ما ركب خيل


قال ابغاكم تربطوني على الفرس ربطه ما تنفك


ركب الفرس وربطوه ربطة الشر اخذ سلاحه


قال:

وينهم قال في الجهه الشماليه قال طيب وراح يوم ابعد وهو يفرك جهه الجنوب


ومشى الا والله ان قطاع الطرق قدامه


ويوم تشوفهم الفرس وتقول بسم الله

ومحيهم والشيخ محي يحاول ينزل يمين شمال يحاول يوقف الفرس


ما فيه فايده رايحه لهم رايحه وهو مربوط ربطه شينه

وهو يطالع الا شجره قدامه


ويوم وصل جنبها وهو يتمسك بها مضبوط لكن الربطه كانت اقوى


وهو يقتلع غصن كبيييييير


ويوم شافوه قطاع الطرق وبيده الغصن الكبير هذا وطريقته في اقتلاع الغصن


خافوا منه وسلوموا واستسلموا قالوا هذا الداهيه عزا الله بيذبحنا كلنا


اللي قلع ذاك الغصن وراعي هذا الهجوم الخاطف ما لنا الا نستسلم


يوم شافهم الشيخ محي مستسلمين


قال :

يالله يا كلاب واحد منكم يربط البقيه والا والله لاذبحكم ذبح الشاه

المهم ربطهم كلهم وسحبهم


وراح للقبيله وهم قدامه مربوطين زي الغنم


ويوم شافوا القبيله قطاع الطرق مربطين

قالوا :

عزا الله شيخ ولد شيخ


ويفكون الرباط اللي مربوط فيه على الفرس ويهنونه ويكرمونه

ويريح الشيخ محي
وهو يقول:

في نفسه راحت الفرس ورحت انا فيها


................. فاصل و سنواصل ........
................. تابعوا معنا ....

موسى بن ربيع البلوي
04-03-2005, 01:11 AM
عدناااااااااااااااااااااااا لكم .........



جا اختبار الشجاعه


قالوا له :

فيه اسد دايم ياكل حلالنا ونبغاك تقتله


قال:

هااااااه اسد عدلوا بدلوا

قالوا :

اسد


قال :

طيب اتركوني محيه بس ابغى فرس

بس غير الفرس هذي

ما تنفع له يبغى وحده حبيبه

( ما هي حقت مشاكل )


قالوا :

طب وتخير يا شيخ محي

المهم لقي وحده هناك شكلها ضعيفه مالها في المشاكل
قال :

هذي

قالوا:

يا شيخ محي هذي تعبانه ما هي حقت كر وفر وانت بتقابل اسد


قال :

انتوا تعلموني الكر والفر وبعدين من هو اللي بيقابل الاسد انا والا انتوا


قالوا :

خلاص يا شيخ محي انت ادرى


المهم اخذ الفرس التعبانه ويوم يبغون يربطونه قال :

لالالا

(خايف من الورطه القديمه)


كل معركه ولها طريقه


اخذ الفرس الحبيبه هذي وتوكل


قال لهم :

من وين الاسد هذا اللي يطلع لكم


قالوا :

من الشرق

قال :

طيب خلاص ازهلوه


ويوم ابعد وهو يروح غرب مشى

وهو يقول:

قالوا اسد مجنون انا؟

ومبسوط من الفرس تمشي على اقل من مهلها


مشى الرجال الى ان تعب وهو يشوف ذاك الشجره الكبيره

قال:

اريح هنا


المهم ربط الفرس وطلع هوه فوق الشجره ونام


شويه الا والاسد محضر

الله لا يوريكم الشجره هذي بالذات محل ما يتكي الاسد


أما الفرس من يوم ما شمت ريحة الاسد

وهي تحط رجولها وتعود لاهلها


والشيخ محي نايم في سابع نومه


نام الاسد
والشيخ محي ينقلب ويطيح على ظهر الاسد


وينفر الاسد

لكن الشيخ محي من كثر الخوف تمسك مضبوط

لانه عارف انه لوطاح انه بيروح فيها


ويحاول الاسد يطيحه يحاول

لكن الرجال متمسك مسكه خواف يعني متسمر فيه


ويحاول الاسد يطيحه يمين شمال

ما فيه فايده الرجال مسمر

ولا هو ناوي يفكه


المهم وبينما الصراع

(صراع من اجل البقاء)

قائم بين الشيخ محي والاسد


القبيله هناك بعد ما رجعت الفرس

عرفوا ان الشيخ محي تعرض لمكروه
وهم ينفرون كلهم ويلحقونه
ويجون الا والله الشيخ محي متمسك بظهر الاسد
والا سد يحاول
يطييييييحه
ويجي واحد من القبيله ويقتل الاسد
ويطيح الاسد ويموت
والشيخ محي متسمر فيه
ويجون عنده الا وهو زعلان مررررررررره
قالوا الحمد لله على السلامه يا شيخ محي
قال :
الله لا يسلمكم
قالوا:
ليش
قال:
من اللي قتل الاسد
قام واحد وقال:
انا
قال:
الله لا يوفقك
قالوا لييييش
؟؟؟؟؟؟؟؟؟؟؟؟؟؟؟
قال:
انا كنت قاعد اروضه ابغاه ركوبه لي وتجي تقتله حسبي الله محيكم
المهم اعتذروا منه وتسامحوا منه
والرجال يسامحهم وياخذونه
ويرجعون على القبيله ويعشونه ويحتفلون به
الفارس العظيم مروض الاسود
المهم هو يفكر يقول :
راحت محي الفرس لانه عارف انه ما بينجح في اختبار الذكاء
لان ما فيه مجال للحظ في هذا الاختبار
جاء موعد الاختبار النهائي
اختبار الذكاء
المهم جابوا تنكه
وحطوا نصها عسل
والنص الثاني الله يكرمكم
( بعر حق الغنم )

وغطوها وقالوا :
يالله يا شيخ محي تقدر تقول لنا التنكه هذيك وش فيها
المهم الرجال قعد يفكر في وضعه لانه عارف انه ما راح يعرف
يفكر كيف الكرم اللي كان فيه والامجاد اللي عاشها اليومين
اللي راحت مع هذا القبيله اللي نادوه باغلى اسم عنده
وهو الشيخ محي
فكر فكر وكيف بيكون وضعه بعد ما يروح من عندهم
وهو يتكلم مع نفسه
وهو يتزفر زفرات من قلبه
وبدون ما يحس طلع من لسانه
جزء من الشي اللي يفكر فيه
قال :
اللي اوله عسل اخره بعر
كلهم صاحوا :
صح صح جبتها يا شيخ محي
وهم يحتفلون به
وهو ما يدري وش السالفه
الا بعد ما فتحوا التنكه
واخيرا تحقق حلم الشيخ محي
واصبح شيخ قبيله

عبدالله سليمان الوحيشي
04-03-2005, 01:43 AM
قصه رائعه اخووي موسى

ومحي بن غالب شيخ ولد شيخ مافهيا كلام

سلمان العرادي
04-03-2005, 02:42 AM
السلام عليكم ورحمة الله وبركاته ... وبعد

مــوســــى ربــيــــع

الله يعطيك العافيــه على القـصـــه الطريفــه

ومن جـــد هـــذا شيـــخ محــظـــوظ

ســلـمـان الـعـــــــــرادي

فايز ابن رويحل
04-03-2005, 03:21 AM
هههههههههههههههههههههههههههههههههههههههههههههههههه ههههههههههههه
ياليلي
من جد سالفه
تحياتي لك موسى

حماد سعد السحيمي
04-03-2005, 07:44 PM
[[الاخ موسى فعلآ انها لقصه رائعه ؟هاذا الشيخ لاقالو شيخ

موسى بن ربيع البلوي
04-03-2005, 10:18 PM
السلام عليكم ورحمة الله وبركاته
شكرا لكم المرور اللطيف و الظريف ...

احمد عطاالله دبي رويحل
04-04-2005, 12:07 PM
يعطيك العافية على هالقصة .......الرائعة
وشكراً.

موسى بن ربيع البلوي
04-04-2005, 03:32 PM
السلام عليكم ورحمة الله وبركاته
ربنا يعافيك أخي أحمد

رشيد البلوي
04-04-2005, 07:59 PM
س1
اخوي موسى يعطيك العافيه على قصتك الرائعه.

بدر الالبد
04-05-2005, 12:26 AM
يعطيك العافيه اخي موسى على هاذه القصه الرائعه

فايز السحيمي
04-06-2005, 04:08 AM
السلام عليكم ورحمة الله وبركاته
أكثر من رائعة أخي موسى
تقبل تحياتي

موسى بن ربيع البلوي
04-06-2005, 08:58 AM
السلام عليكم ورحمة الله وبركاته

أهلا بإخواني الكريم الرائع هو تواجدكم المثلج للصدر .

محمود الجذلي
04-07-2005, 02:42 PM
موسى ربيع البلوي.,,

يسلموا على هذة القصة ..

بس من جد اعجبني في طموحة ومع الاصرار حققة..

واللي اعجبني اكثر...

................. فاصل و سنواصل ........
................. تابعوا معنا ....

من وين جبتها....ههههههههههههههههههه

ابو نادر ,,

كن بالقلب

يمكن غلا

موسى بن ربيع البلوي
04-15-2005, 11:12 AM
السلام عليكم ورحمة الله وبركاته

أهلاً بأخي محمود

(( فاصل و سنواصل )) ... البركة بقناة المجد


شكرا لك حضورك