زايد بن عوده الزبني
05-23-2009, 08:42 AM
الخطوه الي عن الهمات مقصـــــوره =وقفت بنص الطريق وتشكي اتعابه
ليــــــل ورياح ورعد واوراق منــــثوره =وجدار مكسور بين الشط والغــــابه
خيـــــل وضباب ومحارب مالقى دوره =بالمعركه غر من سيفه ومحـــرابه
ماضيه مرعب يخـــــاف يعيد ســيوره =ولو كان جمع قواه الخوف ينتــــابه
احروف تسكن وبعض حروف مجبوره =وحروف تسأل ولاهي لاقيه جــابه
وارقام تجمع وتطرح فوق ســــــبوره =متباعده عن بعض والحل متـشابه
صوره من الأمس تعني بنت مغـروره =الي تشوفه تريد اغراه واعــــجابه
وصوره تعبر عن اللي فاقد شعـــوره =عالج جروحه ومات بطعنة احــبابه
اثنين واحد عنيد وما سمع شـــــوره =واحد تحطم قبل لا يصفي احسابه
الأول ابدى رضاه بحال ميســــــوره =ولو كان صح الصحيح اخطاه غــلابه
والثاني اعلن يصلح كاس مكـسوره =وبدايـــته هي نهــــاية ما تمنــــابه
دنيا عجيبه بحكمي تشبه الصــوره =مرات تصدق وبعض احيان كــــذابه
ليــــــل ورياح ورعد واوراق منــــثوره =وجدار مكسور بين الشط والغــــابه
خيـــــل وضباب ومحارب مالقى دوره =بالمعركه غر من سيفه ومحـــرابه
ماضيه مرعب يخـــــاف يعيد ســيوره =ولو كان جمع قواه الخوف ينتــــابه
احروف تسكن وبعض حروف مجبوره =وحروف تسأل ولاهي لاقيه جــابه
وارقام تجمع وتطرح فوق ســــــبوره =متباعده عن بعض والحل متـشابه
صوره من الأمس تعني بنت مغـروره =الي تشوفه تريد اغراه واعــــجابه
وصوره تعبر عن اللي فاقد شعـــوره =عالج جروحه ومات بطعنة احــبابه
اثنين واحد عنيد وما سمع شـــــوره =واحد تحطم قبل لا يصفي احسابه
الأول ابدى رضاه بحال ميســــــوره =ولو كان صح الصحيح اخطاه غــلابه
والثاني اعلن يصلح كاس مكـسوره =وبدايـــته هي نهــــاية ما تمنــــابه
دنيا عجيبه بحكمي تشبه الصــوره =مرات تصدق وبعض احيان كــــذابه