وصية الشيخ رشيد المطرفي لأبنه

[نايف احمد المطرفي]

الله من قلبا فيه مثل الجحيه
تقول يضربني على الكبد مسمـــــــــار
ايامنا يا سعود ماهي رديه
العيب عند اللي يودون الاخبـــــــــار
ياما حلا ياسعود عقب العشيه
هجد الركاب وعندنا شبت النــــــار
مع دلتين من الدلال العذيه
اللي عليهن كامل العقل بيـــــــــــــــطار
لا هو بمحرقها ولاهي بنيه
ايحوفها ياما تقرب للأصفـــــــــــار
ان ذاقها اللي يرغب الشاذليه
مثل العسل مجناه من روس الاوكار
إليا جبى عنها امشيم خويه
ريح البهار ومخالطه ريح مسمـــــار
إليا تقهوو في البيوت الذريه
قلط لهم كبشا ونبه على الجــــــــــار
وكثر لهم من مرحبا والتحيه
طبيعة الطيب اليا جوه خـــــــــــــطار
واوصيك كاد انك اتضم الوصيه
خلك لجيرانك بخت لي ونـــــــــــتوار
الضيف ماله عندكم ماصليه
اليا انه اصبح راح ويذيع الاخبـــــــار
واوصيك لاصارت عليكم قضيه
خلك على مايظهر الخصم صبــــــــــار
لين كلامك له بنفس صخيه
واليا وليته حط له قيد وهجـــــــــــــتار
وحقي عليك اليا ترخن يديه
ابوك خله من كريمين الاذكــــــــــــتار
حقي عليك اسوات حقك عليه
واليا جهلت اسئل هل العرف والكار

[وافي زيدان الميهوبي]

مشكور اخوي على هاذي القصيدة الجزله والشاعر رشيد من الشعراء الي يشرفون القبيلة وهاذي الوصايا مثل الذهب
تقبل تحياتي وتقديري

[رضا محمود المعيقلي]

رحـم الله الشيـخ / رشيـد المطرفــي
.
وجعــل الفردوـوس الأعـــلى مقــآمــه
.
وصــح لسآنــكـ ... وإعتلآ شآنـكـ
.

[فهيد بن صالح الحمري]

انا اشهد انها قصيده جزله

[فالح عايض السميري]

اشكرك على نقل هذه القصيدة ذات المعنى الوافي

وتقبل تقديري