موسى بن ربيع البلوي
06-17-2009, 12:52 AM
س1
.
هذه قصيدة بعث بها الشاعر / مشهور يوسف السرحاني البلوي
إلى صديقه الشاعر / ناصر محمد الذيابي العتيبي
و فيها يتذكر الشاعر مشهور يوسف السرحاني ذكرياته الجميلة في قريته و مجالس رجالها و مجلس والده رحمه الله رحمة واسعة و ما تغير الآن في مجالس هذا الزمن :
ياصحابنا ما شفتو اللي على البال = أبو محمد لاعدمنا وجوده
رفيقنا رمز الكرم طيب الفال = الجود ياخذ من تعاليم جوده
كريم نفس و للمواجيب مدهال = تارد عليه و ترتوي من عدوده
عقب الاجازة جيت والوجد عمال = يفر دولابه و واصل حدوده
مشتاق لعلوم القصايد و الامثال = و المنطق الطيب وروعة ردوده
يا ابو محمد صاحبك حده الجال = و الخافق الحساس باحت سدوده
و انا تراني حي ماني بتمثال = و احساسي المرهف تعدا حدوده
دايم يمول بي على كل موال = و الحزن يا ناصر سبتني جنوده
بين الحنين اللي خذاني للاطلال = و الماضي اللي دوم نفسي تروده
لاجيت دار العود و الدمع همال = ترجع بي الذكرى لسالف عهوده
مرت ثلاث سنين و الهم مازال = يغتال فرحة صاحبك في مهوده
لحظة وداعه غيرت كل الأحوال = و الوادي المعمور قلت وفوده
من عقب ماهو للونس كان مدهال = اليوم تسفي باشهب الهم نوده
من غيبته شمس الأمل صارت ظلال = دفنتها ما بين طية لحوده
ظلعن سكن مابين وديان وجبال = ارتاح من دنياه واتعب سنوده
سيرة رجل لكنها تتعب اجيال = دايم على وجه الزمان إمحموده
و اللي يزيد الطين بله وينهال = على رفيقك و يتحدى صموده
قل الونيس اللي من الحال للحال = تفتح له الخافق و تشكي لهوده
و إن جيت لك مجلس تبي جمعة رجال = لقيت كلن جاهزن في وقوده
غيبه و نمه مرتع القيل و القال = بالهمز و ايضا اللمز لافاد فوده
اطيبهم اللي حط بالاذن جوال = له هرمسه ما شاف نقصه وزوده
قفلت انا عنهم محطات الارسال = و برنامجي غيرت ماضي بنوده
باسج رجلي بين شعبان و سهال = وارقب على رجمن تعلت حيوده
وابعد عن اصحاب المصالح و الانذال = قلوبهم لاهل المكارم حسوده
ختمتها و الشرح يسمج اليا طال = الحال مبري و القصايد شهوده
و كان رد الشاعر / ناصر محمد الذيابي :
قولوا لابو يوسف حضرنا و بالحال = اللي ينادينا نجي في وعوده
هات الخبر يامعرب الجد و الخال = اللي على فعل المراجل تقوده
منومسن ربعه و للطيب مكيال = يزود لاجا للرجاجيل زوده
الشعر يهدي لك تحيات واجلال = يفرح اليامن صار مثلك يروده
منطوق عرف و فهم من زين الاقوال = متسلسلن من ورث ابوه وجدوده
و ان كان يا مشهور تشكي لي الحال = من خافقن ينتاب لاهب نوده
و يذكرك وقتك بلوعات و اهوال = ذكرى رجالن فاللزوم معهوده
النادر اللي للصعيبات حلال = حمل الثقال المعجزه ما تكوده
اللي على ربعه هماليل و خيال = تقدح مقاديمه و ترجف رعوده
غيثن لهم لاجا عواصيف و اشكال = و اليا عقد راين صعيبن اعقوده
له مقدره ما بين ربع و منزال = ماتغيره بيض الليالي و سوده
اليا رحل ماهو مثل كل رحال = يطيح ركن البيت ولا عموده
و اليا من طاح النجم و الا الجبل زال= من عاد يقدر في مكانه يعوده
امرن من الخالق و سنه و منوال = اديار بعمرها ودار مهدوده
جعل العوض فاللي لهم قول و أفعال = نسل الكرام و فاللزوم امعدوده
والا الردي لو هو لبس بشت وعقال = لا يعجبك وسط المجالس ركوده
يوصي على هدم المكارم للاشبال = عوده ردي لو كان يخضر عوده
لابد يومن ينكشف كل محتال = و يكره معاوينه و يكره ندوده
خلك على فعل الجمالات ميال = و اترك اضعوف القوم و اترك قروده
و اكفخ بجنحان السعد بين الأبطال = و من صد لا تبحث خفاه و صدوده
ختمتها بما قل من هرجن جزال = انقى من الصيد المجفل شروده
.
هذه قصيدة بعث بها الشاعر / مشهور يوسف السرحاني البلوي
إلى صديقه الشاعر / ناصر محمد الذيابي العتيبي
و فيها يتذكر الشاعر مشهور يوسف السرحاني ذكرياته الجميلة في قريته و مجالس رجالها و مجلس والده رحمه الله رحمة واسعة و ما تغير الآن في مجالس هذا الزمن :
ياصحابنا ما شفتو اللي على البال = أبو محمد لاعدمنا وجوده
رفيقنا رمز الكرم طيب الفال = الجود ياخذ من تعاليم جوده
كريم نفس و للمواجيب مدهال = تارد عليه و ترتوي من عدوده
عقب الاجازة جيت والوجد عمال = يفر دولابه و واصل حدوده
مشتاق لعلوم القصايد و الامثال = و المنطق الطيب وروعة ردوده
يا ابو محمد صاحبك حده الجال = و الخافق الحساس باحت سدوده
و انا تراني حي ماني بتمثال = و احساسي المرهف تعدا حدوده
دايم يمول بي على كل موال = و الحزن يا ناصر سبتني جنوده
بين الحنين اللي خذاني للاطلال = و الماضي اللي دوم نفسي تروده
لاجيت دار العود و الدمع همال = ترجع بي الذكرى لسالف عهوده
مرت ثلاث سنين و الهم مازال = يغتال فرحة صاحبك في مهوده
لحظة وداعه غيرت كل الأحوال = و الوادي المعمور قلت وفوده
من عقب ماهو للونس كان مدهال = اليوم تسفي باشهب الهم نوده
من غيبته شمس الأمل صارت ظلال = دفنتها ما بين طية لحوده
ظلعن سكن مابين وديان وجبال = ارتاح من دنياه واتعب سنوده
سيرة رجل لكنها تتعب اجيال = دايم على وجه الزمان إمحموده
و اللي يزيد الطين بله وينهال = على رفيقك و يتحدى صموده
قل الونيس اللي من الحال للحال = تفتح له الخافق و تشكي لهوده
و إن جيت لك مجلس تبي جمعة رجال = لقيت كلن جاهزن في وقوده
غيبه و نمه مرتع القيل و القال = بالهمز و ايضا اللمز لافاد فوده
اطيبهم اللي حط بالاذن جوال = له هرمسه ما شاف نقصه وزوده
قفلت انا عنهم محطات الارسال = و برنامجي غيرت ماضي بنوده
باسج رجلي بين شعبان و سهال = وارقب على رجمن تعلت حيوده
وابعد عن اصحاب المصالح و الانذال = قلوبهم لاهل المكارم حسوده
ختمتها و الشرح يسمج اليا طال = الحال مبري و القصايد شهوده
و كان رد الشاعر / ناصر محمد الذيابي :
قولوا لابو يوسف حضرنا و بالحال = اللي ينادينا نجي في وعوده
هات الخبر يامعرب الجد و الخال = اللي على فعل المراجل تقوده
منومسن ربعه و للطيب مكيال = يزود لاجا للرجاجيل زوده
الشعر يهدي لك تحيات واجلال = يفرح اليامن صار مثلك يروده
منطوق عرف و فهم من زين الاقوال = متسلسلن من ورث ابوه وجدوده
و ان كان يا مشهور تشكي لي الحال = من خافقن ينتاب لاهب نوده
و يذكرك وقتك بلوعات و اهوال = ذكرى رجالن فاللزوم معهوده
النادر اللي للصعيبات حلال = حمل الثقال المعجزه ما تكوده
اللي على ربعه هماليل و خيال = تقدح مقاديمه و ترجف رعوده
غيثن لهم لاجا عواصيف و اشكال = و اليا عقد راين صعيبن اعقوده
له مقدره ما بين ربع و منزال = ماتغيره بيض الليالي و سوده
اليا رحل ماهو مثل كل رحال = يطيح ركن البيت ولا عموده
و اليا من طاح النجم و الا الجبل زال= من عاد يقدر في مكانه يعوده
امرن من الخالق و سنه و منوال = اديار بعمرها ودار مهدوده
جعل العوض فاللي لهم قول و أفعال = نسل الكرام و فاللزوم امعدوده
والا الردي لو هو لبس بشت وعقال = لا يعجبك وسط المجالس ركوده
يوصي على هدم المكارم للاشبال = عوده ردي لو كان يخضر عوده
لابد يومن ينكشف كل محتال = و يكره معاوينه و يكره ندوده
خلك على فعل الجمالات ميال = و اترك اضعوف القوم و اترك قروده
و اكفخ بجنحان السعد بين الأبطال = و من صد لا تبحث خفاه و صدوده
ختمتها بما قل من هرجن جزال = انقى من الصيد المجفل شروده