هذلرجتي

[بندر الضوان]

قبل عشر سنين قابلت فلان دوبه متوظف والحمد الله اموره ميسره ومستوره واليوم قابلته نفس الوضع ماتغير شي بس انه زاد الشنب وسوا له عوارض وبعد عشر سنين اذا الله احيانا يمكن اقابله وبنفس الوضع اتوقع ماراح يتغيرشي بس انه طلع الشيب بدقنه ويمكن معاه سكر يمكن ما معاه الله واعلم
هذا حال مجتمعنا الواحد يكد له سنين والحال على ماهي مافيه تطوير للذات ومافيه نظره مستقبلية وش انا الحين وش انا بعدين
فجأه واحد من اللي قابلتهم على هذا الحال باني له عماره بالعليا قلت له كيف يابو فلان تبني لك عماره وحنا ياهالمجتمع متفقين ان الواحد يموت وما كون له شي تدرون وش قال
قال لي تصدق يابو فلان كان تفكيري مثل تفكيركم لكن دقني واحد من اخوياي جنوبي بكلمه قال لي كم لك بالوظيفه قلت خمس سنين قال منت رجل ان كملت العشر وان ماامنت اعيالك بمسكن ومأوى وراحت الكلمه ويومن جلست الحالي قمت اقلب وش قصده ابو ........ ليه ماحنا ارجال على قولته وقمت احسبها ولا هو صادق المرجله صارت بفلوسك ما هي بفعلك وقمت اتذكر جدانا الله يرحمهم يوم يسولفون لنا عن ايامهم ويقولون اول ( ارجالك وارد الماء والحين تغيرت الامور ماهي مثل اول اريالك وارد الماء )

انا يامحاكيكم يمكن انتقابل بعد عشر سنين بس مشيب ماقصدي تحطيم لكن هذا الواقع اللي نعيشه مع زيادة التكاليف والضيق في الحياة المعيشية الحالية
تحملو هذرلجتي

[حامد بن راشد الوابصي]

شوف يالحبيب
اهم شيئ الإعتدال ،، ولا تجعل يدك مغلولة الى عنقك ،، ولاتبسطها كل البسط ،،،
،،،،،،،،،،،،
وهذا ماهو عندنا للأسف والله لا كذا ولا كذا
عيش حياتك ياعم ،، عيش يومك ،،، بكره تولي ويتهنوا عيالك بمالك
لا تحرم روحك،،،، هذا اللي ذبحنا
،،،،،
وانا عمك يوم كان الراتب يستلموه الناس نقد كان فيه بركه
ويوم صار شيكات خفت البركه شوي
ويوم صار بالصرافات لا بركه ولا حركه
،،،،
وكانت الحياه في السابق بسيطه
لكن الان الله المستعان
تملك بدباب ،،، وتتزوج بهايلوكس ،،، وتخلف ولد ببطاقة فيزا هههههه
أيه أيه ياوليدي يابندر
شد حيلك وبيع المقفص ، وتزوج مثل مكتل وسلمان وعاشق الحيران
،،،،
وصلت الرساله يابو عنيزان
وحبيت اداعبك شوي
تقبل مروري
وطابت اوقاتك

[سعود الهرفي]

اخي الكريم بندر الضوان


نحمد الله ان على نعمه السلام

ونحمد الله انا مسلمين فما نعمل عمل الا يكون لنا فيه اجر وثواب ..


واحتمال يكون هالرجال اللي ماعنده بيت افضل جود وطيب من الرجال اللي باني له بيت ..


المهم من الموضوع //


انا من اشد الناس حرص على بناء بيت لاولادي ولكن لابد من ترتيب الاوراق اولاً والتخطيط السليم


للراتب ..


الامور كثيرة يابندر نحتاج لترتيبها ..


شكراً لموضوعك وعلى بساطته وعلى هدفه القوي


ودمت بخير وعافية

[موسى بن ربيع البلوي]

ليت الأمر يتعلق فقط بما ذكرت بل إن البعض كما هو في معلوماته و معرفته و ثقافته إن لم تكن إنعدمت ، أعني أنه لم يطور من نفسه في المجال المعرفي و أيضاً في مجال طلب العلم الشرعي أو حفظ شيء من القرآن و السنة و غيرها .

شكراً أخي الغالي و دمت لنا سالماً غانماً