قصيد للشاعر سعيد فالح القير

[ابراهيم صالح حمدان المنصوري]

العله اللـي بالحشاعيـت تطيـب

والبـال ضايـق ماتهنـا منـامـه

تسببت لي في طلـوع المراقيـب

وهمي كما ليل(ن) يتـوه ظلامـه

جريت بالمـوال ولاحـي الذيـب

كنه يقـول الذيـب هـذا علامـه

رديـت لـه والله ياذيـب مانيـب

آقف مواقيـف الـردا والرخامـه

الآدمـي عايـش حياةالتجـاريـب

يومن على جرفن ويومن عدامـه

العرق دساسن على الزين والعيب

ولافيه شخصن في جبينه علامـه

غرتني دقونن على الوجه تركيـب

وأهل التصنـع ماعليهـا ملامـه

جساس يغدر في ولد عمـه كليـب

والزيـر سالـم مايفيـد انتقـامـه

أهل الحيل والكذب واهل الاساليب

يبطون ماجابوا على الراس هامـه

رجل الوفا يلقى حلال المكاسيـب

ولا الردي يلقـا الرذيلـه طعامـه

رجلن يقرب نفسه الشك والريـب

حرام يلبس لـه ثيـاب وعمامـه

حبل المراجل كايـدن بالمطاليـب

ماكـل رجالـن وفـا بالتـزامـه

رجلن ضوى كن المراجل معازيب

يفرض على كل الرجال احترامـه

من لا كسب من صافيات المشاريب

راحـت حياتـه كلبوهـا نـدامـه

[فالح عايض السميري]

صح لسان الشاعر سعيد على هذه القصيدة الجزلة

وعساك سالم يابحمدعلى اختيارك الموفق

[سلطان القنيدي]

صح السان الشاعر




وسلم لنا الناقل ولكن يوجد قسم للمنقول واتمني وضعها في مكانها




لك مودتي