حكما صدر ضدة يقص المسامير

[ناصر بن سالم البلوي]

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عندما اكتشفت جريمة تيس كان واحد من الجماعة جاة تيس هدية وارسلة للحديثة لمزرعتة وعندما علم ولد عمة عن التيس اخذة وذبحة وعندها زعل راعي التيس وقابلتة وعندها اشتكى لي وانا ماعندي خبر قلتلة التيس من وين جاك قالي ماهو شغلك لاتحقق معي هذي السالفة ومافيها ومثل ماتعرفون الحديثة اكبر منفذ بري على الحدود السعودية الاردنية وعندها قلت هذة القصيدة...



محمد يطالب مجتهد بالقضية=مطلع علومُ كل ابوها جهامير
لونها من بيننا ماعليا=افضل لنا بدون شاير ولامشير
احسن من ان نجيب يد اجنبية=مافية داعي نشرح الوضع مايسير
التيس جاك وترسلة بلا هوية=متسللاُ مجهول ومخالف السير
لية ماذبحتة عندنا جا هدية=يعني طمع مغريك حر الدنانير
المشكلة وزارة الدخلية=ماتسمح التهريب حطوا نواطير
يوم طلعوا شافوة الديورية=جاب الجدي متروس كلة قوارير
من الحدود انحاش للرشرشية=وسند بهم للغرب مسرع تقل طير
ودة يفض يروح للجوعلية=لكن مسكوة ولاتفيد التعاذير
رموة بالرشاش والبندقية=حتى مسكوة مكلبشاً بأذنة اسير
ونفذ بة الاعدام حسب الجنية=حكمٍ صدر ضدة يقص المسامير
لأجل ارتكابة والجماعة غنية=يلعب على العالم يزيف فواتير
تشييعنا الجثمان ماهي خفية=واللي حضرنا شاف دق الزوامير
اطلب له الغفران والمرحمية=وكانك مكذب رح واشتك للأمير

[ناصر بن سالم البلوي]

اكمل معكم القصة وبعد ذلك راح للحديثة واخذ تيس من مزرعة الشخص الذي ذبح التيس يعني مخلاص
وعندها ارسل لي ناصر ابو عواد صاحب التيس تعميم باللي حصل معة ويقول فية:



قولوا لسميي تيسنا طب الأبحار=يمشي مع الحارات والشمس حية
انا هقيت ان تيسنا بأوسط النار=تلفح علية النار مع كل نية
شيف مع محمد يوم شرق مع القار=بحوض العراوي حاطن له لقية
محزمة مع اربعة تقل حشار=ومن خوف يثغي حازمة في لوية
لوذ ولد حمدان مع فج الانوار=عند الدلال مشلهبن لة شوية

وعندها كنت مشغول في عمارة ونخيت واحد من الجماعة يتابع الموضوع واقول:


يافريج انا أعلمك عقبك ووش صار=بشهر اهدعش عشرين قبل الضحية
جاني جوابا فية تفصيل الأخبار=من عند ناصر مرسلة لي هدية
من اللي معة دبلوم في علم الاشعار=عايش مع الرواد والجيولوجية
اللي استطاعوا يطلعوا فوق الأقمار=طلعوا على المريخ للجاذبية
جتني معاني كنهن قطف الأثمار=أحسن من الف علاج بالصيدلية
من جوهرا بالراس تصميم الأفكار=مصدر مزاجة مقتبسهن عرية
شارح لي الموضوع في كرت الأنذار=موضح لنا تفسير شكل القضية
بموجب خطاباُ كل مظمونة اسرار=باليا ارتكب بازهاق نفساً برية
حادث جرا مافية مثلة بالأقطار=ولامعركة حطين والقادسية
محمد هرب بالتيس مايفيد الأنكار=من الحديثة ليط بالفيصيلية
حنا نحسبة يروح يشوف الأثار=ويعمل كروكي في مساحة خلية
اثري احوالة باغياً ياخذ الثار=بأي وسيلة كيف يجي السرية
عامل خناتق خافية وسط الاشجار=وغبني اللي مامعي منة درية

[ناصر بن سالم البلوي]

اكمل معاكم

وبعد ذلك تدخل احد الأخوان من تبوك وارسل قصيد لأبو عواد واشركني بالقصيدة وانا ليس لي لاناقة ولا جمل بالموضوع
وعندما علمت رديت علية بهذة القصيدة...اقول فيها


دونك خطابي ياموزع للأرسال=بأول بريد يروح حطوة ليه
مسجل مرجع دافعاً لجلة ريال=وان مالقى راعية يرجع عليه
واضح به العنوان عن كثر الأسال=ياصل تبوك لحارة الفيصيلية
يسلم ليد حمود في اسرع الحال=لجل الأحاطة فية والمعلومية
الصبر زين وشين يمقت اليا طال=واليوم منك خارج المسؤلية
ايش الذي خلاك اطري على البال=وادعاك تقصد بي بليا جنية
كل الذي سويت هو راس الأشكال= الذنب ذنبك مالحقني خطية
ودي اجيبك واتقفاك ياخال=امشي وراك بالجمس يعد مية
واليا وصلنا بسيطة كلها سهال=ارددك بوسطها لي شوية
ومن عقبها اجلدك لك مية عقال=واقضبك الخط للعسياوية
ادعيك تواصل بمسيرك على فال=بليا طعام ماسقيك لوكان مية
واليا وصل لفريج مولم له حبال=وابوعواد مزهب البندقية
سلمته ليدين رجال الاعمال=بقلوبهم مافية له مرحمية

[ثامر ظميان البلوي]

*

أبو سلطآن

لونت صبآحي والرب :)

نصوص رآئعه بروعة أصحآبها

صح الله أبدآنكم جميعا . .

وشكراً .. لهذا التيس الذي تسبب بهذا الكم الهائل من البهجه على قلبونا

:|for you|:

[مشعل بن ناصر القويعاني]

صح لسانك يالغالي
.
.
.
.
.

[ناصر بن سالم البلوي]

الأخ ثامر والأخ مشعل شكرا لكم شرفتوني بردودكم ومروركم بصفحتي يعطيكم العافية