رضا محمود المعيقلي
04-06-2010, 12:05 PM
بسم الله الرحمن الرحيم
.
هذهـ قصيده رثاء .. للشـاعر : عطالله بن ضبيعان المعيقلي البلوي أطال الله في عمره
.
في أخيـه : سليمـان بن ضبيعان المعيقلي البلوي رحمه الله وأسكنه فسيح جناته
.
بأمل أن تحوز على رضاكم
.
يالدوسرية هوني لاتحنين = راعيك حطينا عليه الترابي
أقفا وكل الناس دربه مقفين = هني من يمشي طريق الصوابي
وأنا ليا شفتك تروحين وتجين = زوداً على مابي يزيد البلا بي
وإن ضاق صدري والمخاليق سالين = عديت بالمرقاب من حر ما بي
وأجيب من همسات شعري عناوين = تعبير عن ما حل بي من عذابي
أسلي الخاطر بنظم الدواوين = لو كان بالصدر الحزين إلتهابي
وأتابع الونات حيناً بعد حين = وأصبر على بلواي وأخفي صوابي
وإن رحت للغرمول وإن جيت بشطين = يطرقني الهاجوس من كل بابي
راح الطرب عن خاطري له زمانين = والراس من كثر التفاكير شابي
قالوا علامك .. قلت يالوعت العين = مايطرب السايل ردود الجوابي
يوم الخميس العصر جاني خبر شين = هوله يذكرني نهار الحسابي
فارقت أخويه وأصبح الهم همين = وآحيرتي وآهمي اللي لجابي
من يوم فارقته وأنا بين نارين = صار السهر والحزن بعده منابي
أبو محمد من رجال ٍ مسمين = حلال عسرات الأمور الصعابي
مرحوم ياريف الضعاف المساكين = ياللي لفعل المرجله مايهابي
يامسقي العطشان وقت الحميمين = دايم عليه نفوس ربعه طيابي
ياما فعل من خير فالعسر واللين = يوم الردي تصبح علومه سرابي
ياما سعى بالصلح بين الخصيمين = في ساعة ٍ يفشل بها كل هابي
يوم إختلاف الراي بين الفريقين = تلقاه مثل الصقر في راس نابي
أبو محمد يوم نبكيه مقدين = نوراً طلع في قدرة الله وغابي
ليت المقادير أمهلت عنه عامين = ياما تروح جروح هماً سطابي
ليته خرج من حفرة القبر يومين = ويشوف بعده وش حصل من خرابي
ويشوف كم بعده عيون ٍ محازين = ويعاتب اللي يستحق العتابي
مرحوم ياقرة عيون الضباعين = كم نفس بعده صار فيها إضطرابي
نطلب من اللي كون الكون تكوين = يكتب له الجنه عزيز الجنابي
يوم الحساب ويوم وضع الموازين = عساه باليمنى يشيل الكتابي
عذلت عيني قلت ياعين لا وين = تبكين لك غايب طويل الغيابي
تصبري ياعين والصبر لك زين = صبرك على بلواك فيه الثوابي
الفايزين الصابرين التقيين = اللي لهم بالصبر حكمه ودابي
والناس ماهم طول الأيام باقين = ذهاب بالدنيا والآخر إيابي
اليوم فيما يكتب الله راضين = والأمر لله وأمره المستجابي
وصلات ربي عد دعوى المصلين = على الرسول إعداد وبل السحابي
.
هذهـ قصيده رثاء .. للشـاعر : عطالله بن ضبيعان المعيقلي البلوي أطال الله في عمره
.
في أخيـه : سليمـان بن ضبيعان المعيقلي البلوي رحمه الله وأسكنه فسيح جناته
.
بأمل أن تحوز على رضاكم
.
يالدوسرية هوني لاتحنين = راعيك حطينا عليه الترابي
أقفا وكل الناس دربه مقفين = هني من يمشي طريق الصوابي
وأنا ليا شفتك تروحين وتجين = زوداً على مابي يزيد البلا بي
وإن ضاق صدري والمخاليق سالين = عديت بالمرقاب من حر ما بي
وأجيب من همسات شعري عناوين = تعبير عن ما حل بي من عذابي
أسلي الخاطر بنظم الدواوين = لو كان بالصدر الحزين إلتهابي
وأتابع الونات حيناً بعد حين = وأصبر على بلواي وأخفي صوابي
وإن رحت للغرمول وإن جيت بشطين = يطرقني الهاجوس من كل بابي
راح الطرب عن خاطري له زمانين = والراس من كثر التفاكير شابي
قالوا علامك .. قلت يالوعت العين = مايطرب السايل ردود الجوابي
يوم الخميس العصر جاني خبر شين = هوله يذكرني نهار الحسابي
فارقت أخويه وأصبح الهم همين = وآحيرتي وآهمي اللي لجابي
من يوم فارقته وأنا بين نارين = صار السهر والحزن بعده منابي
أبو محمد من رجال ٍ مسمين = حلال عسرات الأمور الصعابي
مرحوم ياريف الضعاف المساكين = ياللي لفعل المرجله مايهابي
يامسقي العطشان وقت الحميمين = دايم عليه نفوس ربعه طيابي
ياما فعل من خير فالعسر واللين = يوم الردي تصبح علومه سرابي
ياما سعى بالصلح بين الخصيمين = في ساعة ٍ يفشل بها كل هابي
يوم إختلاف الراي بين الفريقين = تلقاه مثل الصقر في راس نابي
أبو محمد يوم نبكيه مقدين = نوراً طلع في قدرة الله وغابي
ليت المقادير أمهلت عنه عامين = ياما تروح جروح هماً سطابي
ليته خرج من حفرة القبر يومين = ويشوف بعده وش حصل من خرابي
ويشوف كم بعده عيون ٍ محازين = ويعاتب اللي يستحق العتابي
مرحوم ياقرة عيون الضباعين = كم نفس بعده صار فيها إضطرابي
نطلب من اللي كون الكون تكوين = يكتب له الجنه عزيز الجنابي
يوم الحساب ويوم وضع الموازين = عساه باليمنى يشيل الكتابي
عذلت عيني قلت ياعين لا وين = تبكين لك غايب طويل الغيابي
تصبري ياعين والصبر لك زين = صبرك على بلواك فيه الثوابي
الفايزين الصابرين التقيين = اللي لهم بالصبر حكمه ودابي
والناس ماهم طول الأيام باقين = ذهاب بالدنيا والآخر إيابي
اليوم فيما يكتب الله راضين = والأمر لله وأمره المستجابي
وصلات ربي عد دعوى المصلين = على الرسول إعداد وبل السحابي