سلطان خلف السرحاني
04-09-2010, 01:30 AM
بصري الوضيحي من مشاهير الغزل وهواوي وراعي غزل ويحب الحريم والزين .
ومايذكرله بنت مزيونه الا ويعني يمها ويحتال بألف حيله لاجل يشوفها . ويوم
كبر وشاب لزموا عليه عياله وجماعته أنه لازم يتوب ويحج ويترك سوالفه
وعلومه الاوله وطرد الهوى ولا بقى بالعمر كثر مامضى . الرجال سمع النصيحه
وأنقاد لهواهم وحج مع جماعته على الركايب ( الابل ) .
فلما دخل الحرم وطاف وسعى وصلى و خرج متوجهاً الى مسكنهم بمكه . قاله
واحد من خوياه يابصري تكفى تعال معي للسوق فيه سلعه ودي اشتريها ولابد
من عرضها عليك ومشاورتك عليها حيث انك اكبر مني ولك معرفه بأمور البيع والشرى .
قال بصري مايخالف ويوم دخلوا للسوق فأذا بـ شعاع بنت ابن ربيعان من شيوخ
عتيبه وفيها من الجمال مايبهر العقول مع مافيها من حسن الكلام واللطافه وهي
جالسة في دكان بسوق سويقه تشتري لها لزوم .
يوم شافها بصري وهو يضيع ويختبص وينسى الحج والتوبه واسمه بعد ويتنهد ويقول هذه الابيات المشهوره
التايه اللي جاب بصري يقنه=جدد جروح العود والعود قاضي
جينا نحب ونطلب الله جنه= جنة نعيم ويوم يابس لحاضي
ياليت كانت حبتي في معنه= يوم العيون عن الخوامل غواضي
يامن يعاوني على وصف كنه= اشقح شقاح ولاهق بالبياضي
لاريحة قشرا ولاهي مصنه= ريح النفل بطمطمات الفياضي
ونهودها للثوب الحمر شولعنه= حمر ثمرهن واقفات غضاضي
والخد ذابح القلوب المرنه= براق مزن لاعج اللون ياضي
ياليت سني على وقم سنه= بايام مابيني وبينه بغاضي
ايام جلد الذيب عندي محنه=نصبح وزرق الريش لهن انتفاضي
وا جرح قلبي جرح واد وطنه= غر المزون اللي وطنه وفاضي
والبيض قبلي محسن عذبنه= ونمر على وضحى جرى له عراضي
والبيض كم واحد يبسنه= يبسة شماشيل العذوق النفاضي
عزي لمن غر الثنايا كونه= واركن على كبده كوي عراضي
شوفي بعيني والخدم يركبنه= بنت الشيوخ مخدمين الفياضي
على اشقح من زمل ابوها مظنه= ركبت عليه اتشنطح باعتراضي
بمشجر من سوق هجر مغنه= على خياطه ناب الارداف راضي
وين انت يامشفي على طردهنه= انا طويت رشاي واقفيت قاضي
احد يطيح بنار واحد بجنه= وترى الحضيض اللي له الرب راضي
اتمنى انه اعجبتكم القصه والقصيده
منقــــــول
ومايذكرله بنت مزيونه الا ويعني يمها ويحتال بألف حيله لاجل يشوفها . ويوم
كبر وشاب لزموا عليه عياله وجماعته أنه لازم يتوب ويحج ويترك سوالفه
وعلومه الاوله وطرد الهوى ولا بقى بالعمر كثر مامضى . الرجال سمع النصيحه
وأنقاد لهواهم وحج مع جماعته على الركايب ( الابل ) .
فلما دخل الحرم وطاف وسعى وصلى و خرج متوجهاً الى مسكنهم بمكه . قاله
واحد من خوياه يابصري تكفى تعال معي للسوق فيه سلعه ودي اشتريها ولابد
من عرضها عليك ومشاورتك عليها حيث انك اكبر مني ولك معرفه بأمور البيع والشرى .
قال بصري مايخالف ويوم دخلوا للسوق فأذا بـ شعاع بنت ابن ربيعان من شيوخ
عتيبه وفيها من الجمال مايبهر العقول مع مافيها من حسن الكلام واللطافه وهي
جالسة في دكان بسوق سويقه تشتري لها لزوم .
يوم شافها بصري وهو يضيع ويختبص وينسى الحج والتوبه واسمه بعد ويتنهد ويقول هذه الابيات المشهوره
التايه اللي جاب بصري يقنه=جدد جروح العود والعود قاضي
جينا نحب ونطلب الله جنه= جنة نعيم ويوم يابس لحاضي
ياليت كانت حبتي في معنه= يوم العيون عن الخوامل غواضي
يامن يعاوني على وصف كنه= اشقح شقاح ولاهق بالبياضي
لاريحة قشرا ولاهي مصنه= ريح النفل بطمطمات الفياضي
ونهودها للثوب الحمر شولعنه= حمر ثمرهن واقفات غضاضي
والخد ذابح القلوب المرنه= براق مزن لاعج اللون ياضي
ياليت سني على وقم سنه= بايام مابيني وبينه بغاضي
ايام جلد الذيب عندي محنه=نصبح وزرق الريش لهن انتفاضي
وا جرح قلبي جرح واد وطنه= غر المزون اللي وطنه وفاضي
والبيض قبلي محسن عذبنه= ونمر على وضحى جرى له عراضي
والبيض كم واحد يبسنه= يبسة شماشيل العذوق النفاضي
عزي لمن غر الثنايا كونه= واركن على كبده كوي عراضي
شوفي بعيني والخدم يركبنه= بنت الشيوخ مخدمين الفياضي
على اشقح من زمل ابوها مظنه= ركبت عليه اتشنطح باعتراضي
بمشجر من سوق هجر مغنه= على خياطه ناب الارداف راضي
وين انت يامشفي على طردهنه= انا طويت رشاي واقفيت قاضي
احد يطيح بنار واحد بجنه= وترى الحضيض اللي له الرب راضي
اتمنى انه اعجبتكم القصه والقصيده
منقــــــول