ياأبوك شد القاف يبنى على ساس,,

[ناصر بن سالم البلوي]

بسم الله الرحمن الرحيم
السلام عليكم ورحمة الله وبركاته
هذة القصيدة كتبتها عندما سألني أحد ابنائي كيف يكون الأنسان شاعر,,,,
يقول وعمر السامعين يطول,,,
ياأبوك شد القاف يبنى على ساس=وترتب الأبيات دايم على صوب
ثمين في معناة واضح وحساس= حتى يجيك البيت فني ومطلوب
الشعر فن وذوق واخلاق واحساس= ماهي لجاجة والمعاني لها اسلوب
كم من كلام يمر مايعجب الناس=مثل الهبوب المزعجة ماهو مرغوب
يجني على راعية يعلن بالأفلاس= عقب التعب خسران متحمل ذنوب
فكر وميز وأضرب خماس وسداس=شعر بلا تركيز تلقاة مضروب
اتعب على الأمثال والنصح لاباس=وعالج امورٍ عبرها تكسب قلوب
وخلك طبيعي لاتهور وتنحاس=هدماً عرية جاك لاتلبسة ثوب
هذي وصاة العود من قبل لدباس= وأنا بعد بوصيك والكبر عذروب

[عبدالعزيزسالم الوابصي]

ياللي بدعت القاف دقيت الاجراس=ان اشهد ان القاف بالحيل متعوب
صح الله لسانك وماقلت نبراس=ماش على ساسك وطوبً على طوب

اخوك عبدالعزيز سالم الوابصي

[الهجــان]

البارحة بالليل والفكر عساس = مع مدلهمه للمعاني بماجوب
يقبل ويقفي بين هم" وهوجاس =هوجاس في مسراة والهم مقضوب
طرقي بهالدنيا مثل باقي الناس= ولاني على بعض التعابير مغصوب
الشعر مدمج حرف في شرح الاحساس = لا مس كنين اللي من الحرف مسلوب
غبة بحر فيها عليمي وغطاس = يقوى عليها اللي من الرب موهوب

[فالح عايض السميري]

قافك بدعته يابن سالم من الراس=وحطيت في وسطه علامات ودروب

وابدعت به يالقرم والبسته الباس=واصبح عن مقابل جماهيرك ينوب

[ناصر بن سالم البلوي]

يامرحبا بشعار تورد الماس=ردٍ على ماقلت بالنت مكتوب
ماهو حديد مجمعاً صفر وانحاس=من مصنعة مجلوب صافي ومسكوب
شكراً جزيل ودعمكم يرفع الراس=نخبة من الشعار والكل محبوب
الشخص منهم يمتلك عقل حساس=مايطمر الجدران يدخل مع البوب
عبدالعزيز وراعي الهجن ياناس=وفالح بعد له باع بالشعر محسوب
بعض العرب لوكان يعبي أكياس= شعرة هزيل وينقرض راح مكبوب