يانزيل الروح

[حمودعبدالله ابوشامه]

حمـام ياشـادي الواحـه

هيضتني يانزيـل الـدوح

الـروح ماهيـب مرتاحـه

من حالها والجروح جروح

لاشافـت الطيـر بجناحـه

يكفخ وجو الفضاء مفتـوح

قامـت بالاشـواق نواحـه

لاشك عيـا يسـر النـوح

صحيح مافي الهوى راحـه

لاصرت عن غايتك مطروح

والحـب بلـواه فضاحـه

راعيه لو يجحده مفضـوح

شكواه ماتشفـي جراحـه

والروح خطر عليها تروح

دايـم بالاسـرار بواحـه

لو كان مافي الحكي مصلوح