علي بن عايش الرقيقيص
08-21-2005, 10:41 PM
هل هناك فرق بين البدوي والحضري؟
--------------------------------------------------------------------------------
بسم الله الرحمن الرحيم
اخواني وعيال عمي السلام عليكم ورحمة الله وبركاته اولا احب ان اشكركم على ما بذلتوه من جهود تشكرون عليها وثانيا حبيت ان اشارككم بهذي السالفة الموثقة بقصيدتها وهي تتكلم عن شخص عاش قبل الحكم السعودي الزاهر وهو من اهل القصيم ويقاله بداح العنقري بداح حب له بنت من هل البادية اللي يقطنون حول القصيم في ذاك الوقت وراح يخطبها من ابوها كما هوه معروف وافق الاب لكن قال ابي استشير البنت ولما استشارها قالت لايا يبه هذا مهوب من ثوبنا وقالت هالعبارة(هذا زين تصفيح)وكان الاب معجب ببداح وبفروسيته وحاول يقنعها لكنها رفضت وقال الشايب لبداح والله مالك نصيب عندنا ياولدي وراح بداح لديرته وهو زعلان من البنت وقال لازم اثبت فروسيتي لهم واخذ يتحين الفرص لاثبات فروسيته بعد فترة غزو القوم هل البنت واخذوا ابلهم وحلالهم وجاء الخبر لبداح وهب بداح لنجدتهم وليثبت لهم انهم خسروا فارس المهم انه هو وهل البنت ردوا الابل والحلال ولما شافت البنت فروسيته في المعارك ووقعه في عداهم ارسلت له حدا الصبيان تعلمه انها موافقة على الزواج منه لكن عزة نفسه حالت دون زواجه منها ورد بداح العنقري هالقصيدة:
الله احـد يامـا غزينـا وجينـا
وياما ركبنا حاميات المشاويـح
وياما علـى كرامهـن اعتلينـا
وياما ركبناهن عصير ومراويح
وياما تلاعـب الهنـادي يدينـا
وياما تقاسمنا حلال المصاليـح
هيا عطينا الصدق هيـا عطينـا
وان ماعطيتينيـه والله لصيـح
صيحت جنين ضيع امه سنينـا
والا خلوج فاختـت السواريـح
واراك تزهد يا اريش العين فينا
وتقول خيال الحضر زين تصفيح
الطيب ماهـو بـس للظاعنينـا
قسم على كل الوجيـه المفاليـح
البدو واللـي بالقـرى ساكنينـا
كلن عطاه الله من هبـت الريـح
يوم الرجـال بحلتـك شارعينـا
والخيل باخوانك سوات الزنانيح
يوم انكسر رمحي خذيت السنينـا
وخليت عنك الخيل صم مذابيـح
يا عود ريحانٍ بعرض البطينـا
ومنين ما هب الهوا فاح له ريح
ــــــــــــــــــــــــــــــــــــــ
الرقيقيص....................منقول
--------------------------------------------------------------------------------
بسم الله الرحمن الرحيم
اخواني وعيال عمي السلام عليكم ورحمة الله وبركاته اولا احب ان اشكركم على ما بذلتوه من جهود تشكرون عليها وثانيا حبيت ان اشارككم بهذي السالفة الموثقة بقصيدتها وهي تتكلم عن شخص عاش قبل الحكم السعودي الزاهر وهو من اهل القصيم ويقاله بداح العنقري بداح حب له بنت من هل البادية اللي يقطنون حول القصيم في ذاك الوقت وراح يخطبها من ابوها كما هوه معروف وافق الاب لكن قال ابي استشير البنت ولما استشارها قالت لايا يبه هذا مهوب من ثوبنا وقالت هالعبارة(هذا زين تصفيح)وكان الاب معجب ببداح وبفروسيته وحاول يقنعها لكنها رفضت وقال الشايب لبداح والله مالك نصيب عندنا ياولدي وراح بداح لديرته وهو زعلان من البنت وقال لازم اثبت فروسيتي لهم واخذ يتحين الفرص لاثبات فروسيته بعد فترة غزو القوم هل البنت واخذوا ابلهم وحلالهم وجاء الخبر لبداح وهب بداح لنجدتهم وليثبت لهم انهم خسروا فارس المهم انه هو وهل البنت ردوا الابل والحلال ولما شافت البنت فروسيته في المعارك ووقعه في عداهم ارسلت له حدا الصبيان تعلمه انها موافقة على الزواج منه لكن عزة نفسه حالت دون زواجه منها ورد بداح العنقري هالقصيدة:
الله احـد يامـا غزينـا وجينـا
وياما ركبنا حاميات المشاويـح
وياما علـى كرامهـن اعتلينـا
وياما ركبناهن عصير ومراويح
وياما تلاعـب الهنـادي يدينـا
وياما تقاسمنا حلال المصاليـح
هيا عطينا الصدق هيـا عطينـا
وان ماعطيتينيـه والله لصيـح
صيحت جنين ضيع امه سنينـا
والا خلوج فاختـت السواريـح
واراك تزهد يا اريش العين فينا
وتقول خيال الحضر زين تصفيح
الطيب ماهـو بـس للظاعنينـا
قسم على كل الوجيـه المفاليـح
البدو واللـي بالقـرى ساكنينـا
كلن عطاه الله من هبـت الريـح
يوم الرجـال بحلتـك شارعينـا
والخيل باخوانك سوات الزنانيح
يوم انكسر رمحي خذيت السنينـا
وخليت عنك الخيل صم مذابيـح
يا عود ريحانٍ بعرض البطينـا
ومنين ما هب الهوا فاح له ريح
ــــــــــــــــــــــــــــــــــــــ
الرقيقيص....................منقول