انا موجود انا مهم أنا على رأسي ريشة

[wateincom]

انا موجود انا مهم أنا على رأسي ريشة


السلام عليكم
وعليكم السلام ورحمة الله وبركاته
وش عندكم هنا
حنا جالسين مثل ماتشوف نشتغل
ادري انكم جالسين اجل واقفين وش عندكم يعني وشو تسوون هنا
مثل مانت شايف ومثل ماهو مكتوب فوق على اليافطة
يعني قالولك ماعرف اقرأ انا قريت اللي على اليافطة بس ابيكم انتم تقولون وشو تسوون
يا اخي حنا مشغولين مثل مانت شايف وورانا الف شغلة وشغلة ماحنافاضيين كل مادخل علينا واحد قلنا له وش نسوي ....وعلشان كذا كتبنا اليافطة اختصارا للوقت والجهد
طيب انت ليش زعلان ؟
انا ماني زعلان لكن ماني فاضي
بس يمكن انت ماعرفتي ؟
لا والله ماعرفتك ولااعتقد أني عمري شفتك
ادري انك ماعرفتني ولو انك عرفتني كان فزيت لي
افز لك كيف مافهمت ؟
تفز لي احترام وتقدير
طيب قول من انت؟
أنا مدير
خير ياطير !!!!
لا انا مدير ادارةيراجعها الف فرد في اليوم
تشرفنا حياك الله اكرم وانعم
لا وازيدك من الشعر بيت انا معروف عني كلمتي ماتثني وشديد ولا دخلت على اي مكان يفزون لي
ماشاء الله زين الله يزيدك من خيره ... طيب أي خدمة مثل مانت تشوف مشغولين
خدمة ايش ابو الشباب انا جاي هنا وانا عازم على شيء مايردني عنه احد انا ما انرد
قول وش عندك؟ ... واذا نقدر عليه من عيوني
ليش يافطتكم لونها اخضر؟!!!
واذا لونها اخضر أكثر لوحات الشوارع لونها اخضر خاصة الدليلية منها !!!!
لا يابوي انا ادير اداره يراجعها 2000 شخص واعرف ايش الالوان اللي تاثر على الناس ايش القرف هذا
طيب قول وش اللون اللي ياثر على الناس؟
كم لكم هنا
لنا 3 سنين
غريبة كل يوم امر من هنا ماشفتكم !!!!
علمي علمك
غريبة المفروض اني اعرف بس شكلكم على قد حالكم علشان كذا مانتبهت لكم
يمكن
ما اقول انكم ماتعرفوني يا خوي انا كلمتي ماتثني ولا انت ناسي
لا ياخوي مانسينا.. بس.. قول وش عندك؟
ولا فيه اشياء ماتعرفها بعد ... صب شاي وهات فصفص علشان اقولها لك
اللهم طولك ياروح ياخوي قول وش عندك
اقول الظاهر انك صحيح ماعرفتني ولا ماتكلمني بهذا الاسلوب وشو اللهم طولك ياروح!!!
ياخوي قول وش تبي بالضبط ؟تراني مشغول ومثل ماتشوف الناس هنا عدد 600 شخص وكلهم شغالين يا اننك تقعد معانا ونعطيك شغلة وتقوم فيها زينا ولا ياخوي روح وتعال بعدين
وش هذي طردة؟
لا ياخوي ماهي طرده بس مشغولين.
لا هذه طرده طيب والله ماخليكم والله لجمع المراجعين 3000 الاف اللي عندي وخليهم مايذوقونك طعم النوم
طيب...
ولا وفيه شيء ماتعرفه عني بعد اسمي ما اكتبه الا بلون بنك على باب مكتبي واسمي الحركي مهايطه واسم ادارتنا ادراة شئون المهايطه ووزيرنا مهايط المتلايط يمكن ماسمعت فيه !!!
اقول يالله الباب عندنا شغل اهم منك انت وجهك انت في مكان محترم يالله لابارك الله فيك

[فايز ابن رويحل]

عبدالمنعم هذا اكيد نموذج لكثير من اللي تواجهم
اعانك الله على هالشكليات
تحياتي والى الامام:)

[ابراهيم بن علي العثماني]

شكراً لك اخي الكريم على هذا المشاركة

[محمود الجذلي]

عبدالمنعم جابر البلوي..

خشيت جو.. وارتفع ضغطي..الله يعين الموظفين على هيك نااااس,,

ابو رنياد..
محاورة رائعة..سلمت يمينك


محمود الجذلي

[wateincom]

عبدالمنعم هذا اكيد نموذج لكثير من اللي تواجهم

اعانك الله على هالشكليات
تحياتي والى الامام:)

هلا يك أخي فايز وشكرا لمرورك اعاننا الله جميعا

[wateincom]

شكراً لك اخي الكريم على هذا المشاركة

وشكرا لك أخي العثماني

[wateincom]

عبدالمنعم جابر البلوي..


خشيت جو.. وارتفع ضغطي..الله يعين الموظفين على هيك نااااس,,

ابو رنياد..
محاورة رائعة..سلمت يمينك


محمود الجذلي

هلا بك أخي محمود الجذلي وشكرا لمرورك

هذه الأشكال موجودة بكثرة وفي كل مكان تجدهم في الإدارات الحكومية في الاسواق في المنتزهات وفي المكتبات وحتى المنتديات والاستراحات وحتى سوق الاعلاف اجلك الله والقراء يمارسون حب الذات ومنطق انا هنا انا موجود أنا على راسي ريشة

وشكرا مرة اخرى لك اخي محمود الجذلي الراااااااائع

[ألم أخضر]

اضافة ..



مشهد أول


time بعد منتصف الليل
date أحد ايام العطلة الصيفيه
locationأحد شوارع مدينة الرياض



لقطة أولى :


ثلاثة شبان على سيارة بورش .. يقودون بسرعة فائقة تكاد تقترب من سرعة الضوء ..

لقطة ثانية :

دورية فورد تأشر باضوائها الأمامية ( تكبس للشباب )

يقف الشباب فينزل رجل الأمن


لقطة ثالثة :

العسكري : ليش مسرعين ياشباب انتم تدرون ان الحد الاقصى للسرعة 120 كم/س
السائق : ومين انت عشان تسألني أنا ليش مسرع
العسكري : انا جندي على رأس العمل
السائق : شكلك ماتدري مين أنا
العسكري : اثباتك لو سمحت
السائق : انت ما تستحي على وجهك يبي لك الي يأدبك

لقطة رابعة :

ينزل الشباب الثلاثة وينهالون ركلا وضربا بالجندي المسكين ثم يركبون سيارتهم و يهربون


مشهد ثان - أخير - :

time بعد منتصف الصباح
date اليوم الذي تلا أحد ايام العطلة الصيفيه
locationأحد سجون مدينة الرياض

يشعل أحد الثلاثة سيجارته ويتجه على صديقاه ويقول .. يا شباب ما تعرفون أحد يتوسط لنا نطلع ؟؟

[محمود الجذلي]

ألم أخضر..

سلمت يمينكـــ على هذة الاضافة..

ولكن استمحين لي بالقول.,,انكِ تمتلكين قلماً رائع..فاسمحي لنا بالتمتع بة..

ولكِ كل الشكر..

محمود الجذلي

[wateincom]

ألم أخضر إضافة رائعة ومشهد يجسد الحقيقة مشهد يجسد إفرازات الطفرة حتما سيفوقون هؤلاء يوما على لاشيء بعد أن يصبح كل من حولهم شيء