مـارأيـك فيمن, يشتمك ,يسخر منك,,,ثم يقول امزح معك0000 ؟؟؟

[مكابر]

السلام عليكم ورحمة الله وبركاته...

اليوم نقلت لكم موضوع .. و الكل يعبر عن رأيه .. حتى يكون هناك متعه في التحاور ..

لاشك ان جميعنا او أغلبنا يحب الضحك والمرح ويحب ان يبتسم
بروح الدعابة مما يضفي جو البهجة والسرور في قلوب وعقول
من يصادقه ...

لكن هل كل ضحك مباح وكل مرح فى محله؟؟

اذا جاك شخص يضحك على فلان وفلان
ما خلا شي عنه...

بس عشان يضحك ولا عليه من هذا الشخص
ولكن إذا إغتاض الشخص
رد عليييه وقال

افـــا علــيــك انــا امــزح انــت زعـــلــــت؟؟


هنـــا السؤال؟

ماهي حدود المزح بين البعض؟
يعني لازم في كل وقت نستخف بدمنا؟؟
ما نصيحتك لمن يمزح ليصل لجرح مشاعر غيره بإسلوبه
الساخر الذى يصل لحد عدم اللياقة والبغض ؟؟
ما نصيحتك لمن يتقبل هذة الطريقة فى المزاح ؟؟


و ما رايكم بهؤلاء الأشخاص الذين يمزحون في كل الأوقات
وحتى التي تتطلب الجد ومنهم هؤلاء الذين يجرحون ويشتمون ثم وبكل وقاحة يوجهون لك هذه العبارة

(امــــزح مـــعـــك) ..!!


هل يدخل المزاح في الشتم والتجريح ؟!!

هذي المواقف كثير منتشره عندنا وحبيييت اعرف رايكم.?


قول النبي صلى الله عليه وآله وسلم (( لا تكثر الضحك ، فإن كثرة الضحك تميت القلب))

بانتظــــــــــــــار ردودكم 0000
تحياتي للجميـــــــــــــــع000

[توفيق سليمان الوابصي]

شوف اخي
اللي يقل ادبه معك بالمزح وبعدين يقول لك كنت امزح
الحل
قل ادبك معه ليييين مايزعل
وجاوبه بنفس الطريقه انا كنت امزح

راح يقولك لاتمزح معي بذي الطريقه
راح يكون ردك اكيد لا نمزح مع بعض احسن

وكذا تنفك منه
والمزح له حدود وله اوقات وانا ضد اللي يروح يومه مزح بمزح


شكرا لك على ماطرحت

وتقبل مروري

[ابو غلا]

الله يعطيك العافيه على الموضوع
المزح حلووووو
وله حدود
وله اوقات
وبعض المزح يحكمه العلاقة والحواجز
وعلى حسب شخصية اللي تمزح معه اذا يتقبل ولا لا
وانا اقول ان بعض المزح خفة دم خلقه وهذا جميل جدا
لكن الشخص اللي يتصنع ويتميلح وهو ثقيل دم
هذا اللي صعب التعامل معه
يعني انسان ثقيل دم حاول يستخف دمه تتوقع من زود دفاشته انه يجرح ويضحك بنفس الوقت

وصدقني المزح الزايد يفقد الهيبه وكم انسان يطيح من عينك عشان كذا

مع ان المزح له اثر ايجابي بقوووووه

وكما قيل الشئ اذا زاد عن حده انقلب ضده

واما اذا دخل في مرحلة الشتم والتجريح هذا مو مزح



ختاما
اشكرك على هالموضوع

وتقبل مروري

[خيالة بلي]

اخي مكابر موضوع رااائع ويحدث كثيراً يمزح الشخص ويقلل أدبه وإذا شاف الطرف الثاني زعل وإنحرج ويبي يطلع نفسه من الإحراج يقول امزح
ليه وانت مالقيت تمزح إلا معي .. مطيّح الميانه الأخ
بقول له روح تعلم الأسلوب وبعدين تعال امزح وإذا زعل اقول " انت صدّقت أنا امزح معك "
المزح له حدوود ومثل ماقيل لكل مقام مقال
المكان والناس يحتمون عليّ احترام المكان ونوعية الناس ودرجة القرابه مو اجي عند ناس اول مرة اقابلهم وامزح تقل مهبول
وإلا في مكان عام انتظار مستشفى او مكان عمل وامزح
والمزح لا يكون جارح وخاج عن المألوف

اشكر طرحك وموضوعك
طابت أوقاتك

[مكابر]

ارحب بكم جميعا ونورتم متصفحي بتواجدكم العطر 00
لكم مني كل الاحترام والتقدير00
دمتم بسلام 000

[الــ وسن]

المزح أكيد بحدود معقوله ..

بصراحه أنا لا أقبل المزح الثقيل ..


وأتعامل بأسلوب التهميش للاشخاص الذين يتصفون بقلة الذوق والإحترام ..



موضوع رائع أخي الكريم ..

[لمياء العرادي]

المزح كما قال الكل [ له حدود]
وحدوده ببساطه أن لا تستهين في شخصية من حولك

وأنا عن نفسي
[أعامل الناس كما أحب أن يعاملوني ]

وإذا جاء أحد دفّشك بالكلام وهو يمزح
صارحه قل له إنك ما تحب هذا النوع من المزح

لأنك لا تراه مزح

وأنصح كل شخص يجيه مزح بالدفاشه هاذي لازم ينهيها
حتى وإن كان عنده عادي يقول له ترى مزحك يحرجني بقوه وهو
يغير أسلوبه معاك بس لازم يوصل له إنك زعلت منه
ما تقول له عادي ماصار شي
ولا أنا عارفك ماتقصد
لأنها عمر هالكلمات هاذي تحل المشكله بل تكبرها أو ما تعالجها

أحترامي

[نجد]

هلا فيك اخي مكااابر..
بالنسبة لي والله اكره هالاسلوووب..
وبالخصوص اذا سالت احد عن شغلة وبعدين قال لك...وش دخلك..وبعدين يقول زعلت
والله امزح...من جد اكرة هالاسلوووب..احسة قلة ذوووق...وعدم احترام..

تقبل مروري..
اختك...نجد