الشاعر الكبير ابو زياد يبعث برائعه الي الشاعر ابووليد

[ابوبدر عبدالله السرحاني]

الشاعر الكبير حسن عبيد السرحاني آرسل هذه الابيات لشاعر /خالد بن سالم السرحاني



فاليكم القصيدة ابو زياد :-



ركاب شعري وقفن ثم ناخن



تحيرن في ظل شعري وشمسه



العود الأزرق يحترق في المداخن



مال ابن ادم فالزمن غيرخمسه



البيض يا خالد مع الكبر شاخن



غصبن علينا وشيمة البن حمسه



أول يقولن ودنا خط ساخن



واليوم جوالات لمسه وهمسه



يتمايلن وإنا احسب البيض داخن



خبلتهن اللي فالمهمات نمسه



ما ودهن رجال طيب و باخن



يبغن رجل سيفه ورمحه ودمسه




رد الشاعر /خالد سالم السرحاني (ابووليد)



خلت البروق اللي بالامزان لاحن



والله يسوق الغيث و لايحبسه



واحن لاشفت الجمل بالزمن حن



و ازعل لا شفت اليوم خرب علي امسه



وفز الي شفت القوارير طاحن



واضيق الي شفت المعاويد يبسه



وانام لاشفت المراسيل راحن



للي يرد البن والهيل عمسه



والنجر ماله دور بين المطاحن



وراع الجمل شرق مع القار جمسه



والناس في عصر المظاهر تطاحن



والوقت يابو زياد مظهر وكبسه




مع تحيات ابوبدر عبدالله السرحاني

[خالد خلف السرحاني]

الاخ الكبير وشيخ المنتدى
ابو بدر السرحانى
لك منى الشكر
وللشعراء الكبار حسن وخالد الاعجاب والفخر بهم
دمت بخير

[الفقير الى الله]

ابو وليد سلمت الانامــــــــــــــل
ودمت انت وهما بووووود

[ابوبدر عبدالله السرحاني]

[quote=خالد خلف السرحاني;699794]
الاخ الكبير وشيخ المنتدى

ابو بدر السرحانى
لك منى الشكر
وللشعراء الكبار حسن وخالد الاعجاب والفخر بهم
دمت بخير


وانت دمت بخير
وشكرا لمرورك

[/glint]

[سعود السحيمي]

صح لسان الشاعرين .

ولاهنت يابو بدر .

ولك خالص ودي وتقديري