المساعد الشخصي الرقمي

مشاهدة النسخة كاملة : ديك جاري آذانا... وش الحل؟؟؟



ماجد سليمان البلوي
03-17-2011, 10:59 PM
ديك جاري آذانا... وش الحل؟؟؟

--------------------------------------------------------------------------------


آآآآآه ثم آآآآه ذبحني هالديك اللي مربيه جاري
إزعاج ما بعده إزعاج

يا ليت عيني حارة وعطيه صاروخ, كان موتت هذا الديك من زمان
أجل فيه ديك يأذن مليون مرة من الساعة (9)مساء إلى الفجر
يمكن تظنون إني أسكن قرية أو حي شعبي لا أسكن في العين وحي نموذجي
ومأهول بالسكان مب وسط بر

بتقولون وش المشكلة
المشكلة ماهي فيني المشكلة في طفلين من الأهل ان جاوا عندي ينامون هبَّل فيهم هالديك
كل ما ناموا قاموا مرتاعين على صوته
حاولنا نعملهم إن هذا ديك مثل اللي يطلع في التلفزيون وإن صوته ما يخوف
وإنه مثل ذاك اللي يقول بيب بيب في الرسوم المتحركة

بس وش أسوي أطفال وهذا الكلام ما ينفع معهم بعض الأوقات
لا ومن زين الطبع مربي جاري حمام بعد
بصراحة كرهت اسم هديل لأنه يذكرني بهديل الحمام يعني صوت الحمام

– لا يكون معنا في المنتدى بنت اسمها هديل وتزعل علينا –
بس هذي الحقيقة ما أقدر أجاملها على حساب نفسي
طبعاً بتقولون هد شوي ولا تعصب ترى ما لنا علاقة
طيب أنا آسف بس مقهور من الديك والحمام
ومقهور من جاري بعد أجل أقول له ترى أزعجنا ديككم
– اعذروني إن كانت كتابة كلمة ديككم خطأ لأن كلها كاف في كاف –

ما علينا أقول لجاري ذاك اليوم.. أزعجني ديككم يقول والله ما أزعج إلا الشياطين اللي في راسك
والا صوت الديك أحد ينزعج منه
ويكون في معلومك .. ؟!! - الديك ما يأذن
إلا إذا شاف الملائكة
قلت ما قلنا شي بس اطفالنا يخافون من صوته
قال ياي ياي من عيال اليوم !!

يعني عمرهم ما شافوا ديك وذا الدجاح اللي تاكلونه وكبسه ورى كبسه, كل يوم ماهي من عيال الديك
وتراني أمس شام ريحة شوي دجاج طالعة من بيتكم لا تنكر ترى عندي شهود
قلت لنفسي يا رجال خلني منه بيحرق أعصابي
وأخاف أتهور وأتوطى في بطنه وشينة يرموني في السجن عشان شو؟؟عشان ديك
وإن شكيته في المحكمة فضيحة بصير نكته عند الموظفين
جا أبو ديك
وراح أبو ديك
وعط أبو ديك موعد
ووش عندك يا أبو ديك
وما خلصتوا أبو ديك
وإن ذبحت جاري مشكلة تطير رقبتي عشان ديك
وعلى ذكر الديك أذكر قصة بنت بدوية
كانت تغازل وحاطه نفسها بنت عز وإنها عايشه في قصر
فاللي يغازلها بالهاتف سمع صوت أذان الديك اللي في حوش بيتهم
وقال وش ذا؟؟ فالمسكينة ارتبكت وما عرفت وش تقول
قالت هذا صوت جرس الباب أبوي ما يحب يسمع الموسيقى
فحط بدال الموسيقى للجرس صوت ديك
زين ما سمع اللي يغازلك صوت بقرتكم
كان وشلون بتمشينها!!

لا وما شاء الله على أبوك صاير ديك قول وفعل
بس وش فيه تاركك تغازلين
لأن اللي أعرفه إن الديك ما يحب أحد يقرب من دجاجاته وبناته
لا تزعلون يا يا بنات

بس كله بسبة جاري وإلا أنا ما لي ذنب
وترى الدجاجة أفيد من الديك
ما علينا نرجع للديك أنا أشوف إنه ما بقى لي إلا إني أسوي
مثل ذاك الرجال إللي أزعجه صوت الديك ويوم أصبح راح للديك
وربط منقاره بشريط لاصق حتى يسكت
وبعد كم يوم مات الديك من الجوع
وصارت مشكلة لأن الديك من النوع الغالي
مو من طقة أبوثلاثين ريال

بس وشلون أوصل للديك أخاف يلبسوني قضية سطو مسلح بالقفز
على عشة الفراخ على قولة المصريين بتاعة جاري
وأصير آخر عمري حرامي دجاج
ومع إني مرتاح بس بعض الاحيان
أتمنى إني عايش في سويسرا

طبعا:
بتقولون كلكم ليش ووش علاقة سويسرا بديك جارك
أقول حتى استفيد من القضاء السويسري اللي أمر بحبس
ديك في غرفة فيها عوازل للصوت
يوم اشتكى الجيران من انزعاجه لهم وقت نومهم
وأزيدكم من الشعر بيتين
السويسريين شرطوا على راعي الديك
إن الطبقة العازلة في الغرفة لازم تكون سماكتها ثمانية سنتيمتر على الأقل
أما ربعنا فبعد مواعيد ومواعيد كان قالوا لي على اعتبار إني سويسري لاعبه فيه الشمس
وعشرة ديوك بدال الواحد اللي عنده

وضيق صدره عشر مرات مثل ما هو مضيق صدرك
بس المشكلة إني حبيب يوم استاجرت بيتي شفت في سطحي عشة حمام مدري دجاج
قلت لا لا يمكن أربي حمام ولا دجاج على قولة مريم نور
إللي نصحت كل واحد يربي في بيته دجاج وحمام ويمكن غنم

حتى ياكلون من بيضهم ولحمهم ويشربون من حليبهم
حتى يكون أكلهم وشربهم طبيعي في طبيعي
فأنا المسيكين قمت على طول ونظفت السطح ورتبته
وكنت زعلان من إللي ساكن قبلي
أقول ما يستحي على وجهه عايش في وسط البلد ويربي دجاج وحمام
أثر الرجال معذور ما لقى إلا ذا الحل
بس أنا بديت أشك إنها دعوة دعاها علي صديقي
بتقولون ومن هو بعد أقول صديق لي
كان عنده ديك موذي بشكل ما تتصورونه
منقارة يشتغل في الأرض وفي روس خلق الله ورقابهم وظهورهم
وإذا لحق واحد ما يتركه إلا وهو ماسكه من قفاه

هي آخر شعر الراس وأول الرقبة
وللمثقفين القفاه هي التي في منطقة المخيخ وليس المخ وهناك فرق
يا شين الفلسفة إذا زادت عن حدها
المهم

وإن فلت الواحد من ذاك الديك الا وهو مجروح بالجروح في سيقانه
وذلك الديك ما يحب أحد يقوله (ديه ديه او كش) أبد
ومن قالها الله يعينه وراه وراه وما يرده شيء
وقلت لصاحبي : قل للديك (ديه ديه)وسبحان الله على طول يأذن على طول

تقول يا صاحبي الديك يعرف عربي فصدقنا المسيكين
وقالها وأنا مستعد للشرده ورافعٍ ثوبي

وصاحبي يوم شاف الديك هاجمٍ عليه يبي ينحاش ما أمداه

لا ومن رداة الحظ يوم نحاش صدم في خشبة حاطها قريبي
حتى يظلل فيها الحوش عن الشمس
وفرصة للديك الناس تنحاش وما تسلم يوصل لرقابهم
وطايح صاحبي على الأرض يعني إلعب فيه يا ديك وفي رقبته ووجهه وظهره ويديه
وكل مكان من جسمه

وسلم الله عيونه والا كان أعمى اليوم بسببي

بس صاحبي ما تركه يقول لي كل يوم أدعي على الديك إن الله ياخذه
لأنه ديكٍ ظالم ومفتري

والله ويستجيب الله دعاء أبو عبيد
ويهجم بعد كم أسبوع على الدجاج أبو الحصيني الثعلب
والديك حاط نفسه ذكي يترك دجاجاته الخمس لعبه يلعب فيهن أبو الحصيني
أثر ما عندك أحد أجل وين الشجاعة ذيك كلها راحت

وينط فوق الجدار
وما درى عن نفسه إلا وهو طايح
في القليب – والقليب هي الحفرة اللي كانوا يسقون منها الاولين مزارعهم – وكانت
فاضية ما فيها ماء وعمقها يوصل للعشرة أمتار
وأظن تكسرت رجول الديك اللي دعا عليه صاحبي
لأنها هي اللي لعبت في ظهره بالمسامير اللي فيها
ويوم ويومين والديك يصيح ويأذن
وكنه يقول ساعدوني يا ناس
بس هو ما ترك له صاحب محدٍ سلم من شره
حتى الغنم لعب في ظهورهن وما كمل ثلاثة أيام إلا أبو الشباب مودع الدنيا
وإن كنت شاك لليوم إن صاحبي له دور في موته وأظنه رامي في القليب أكل مسموم للديك
أو رامي عليه حجارة

الضعيف خايف إن الديك يسلم ويطلعه أحد من القليب
،،،،،،،
وإن صدق ظني بعد فصاحبي فيه حقدٍ علي حتى بعد كل هالسنين
من بعد هذا الديك اللعين

وما وده يقول لي إنه يدعي علي بالليل والنهار
مع إني طيب وحبوب وما أخوف
وما أوذي أحد .
__________________
تحيات/ماجد البلوي

المعيقليه
03-18-2011, 12:59 PM
ههههههههههههههه

ديك جاركم اطلق ديك....

لانه خلاك تكتب فيه قصه طويله عريضه

تقبل مروري وهديتي لك

http://www.saidaonline.com/newsgfx/6744-sol.jpg

ماجد سليمان البلوي
03-18-2011, 10:30 PM
ههههههههههههههه

ديك جاركم اطلق ديك....

لانه خلاك تكتب فيه قصه طويله عريضه

تقبل مروري وهديتي لك


http://www.saidaonline.com/newsgfx/6744-sol.jpg
ههههههههههه
اضحك الله سنك
كما اضحكتيني
الف شكر على هذا الرد الظريف
بارك الله فيكي
يا المعيقليه
ودمتي في حفظ الرحمن

سلطان فرحان الفاضلي
03-18-2011, 11:04 PM
ماجد بصراحه معاناتك معناه

ولا اقول الا الله يعينك ,

ويسلط على ديك جاركم

بزون اقصد بس ويصير مثل ديك راع القصيده هذي

لي ديك ظبطٍٍ توقيته=يوعي النايم تصويته
لولا طيبه ماشريته=بريال وقرش الدلالي
لاكن ممدوح لي طيبه=ترتيبه ساعه ترتيبه
لولا اذانه ويش ابيبه=ماني بب سن الجهالي
اذانه بالحيل كويس=يذن على اذان الريس
وانا اجزم ماني باقْيس=انه ارخيصٍٍ بريالي
مكبر حظك ياللي حاشه=ينام امريحٍٍ بفراشه
لو مامليت الخراشه=يواعيك اذان التالي
يعجب من شافه بنقوشه=والغلبه فوقه منقوشه
والنصبه كب الطربوشه=والرجل بحجر السروالي
عرفه افرق ماهو بـلدم=لاكنه مصبوغٍٍ بالدم
يصدم بالهوش ولا يصدم= من ناظر هوشه يهتالي
عجين الحنطه ماكوله=مع ماحصل من محصوله
الحكي كثره وشوله=ياكل مع بنتي وعيالي
من غليْه عندي عززته=ب اربع فرخاتن جوزته
كني سلطانٍٍ منحزته=القصد انه عندي غالي
اثر الجيران احسدوني=على ديكي زين اللوني
قالو نرسل له بزوني=وزفٍٍ باالدرب وختالي
وانا ياغافل لك الله= مدري بخيانة خلق الله
ما هوجس به قلبي والله=آآمن ولا هي في بالي
اثر الدنيا عابيتله=تبرْم للديك وتفتله
ماهي للديك آآويتله=ماهو بأول ولا تالي
يوم الله دبر ماكان=صيٍْف ديكي بالاذان
قحص مربوش وعجلان=قلبه من ضيفه يجتالي
بيْين راسه هو وحنوكه=وأيلين الفرجه مفكوكه
على افم الكيسه متكوكه=بف ام البزوون الخيالي
واصهل با اذنه مايدري=ان الحقه حط ت خبري
وافقع ظاروبه بالبخبري=والا انه من راسه خالي
بلمناره اول صوته=والتالي في بطن الحوته
توحي في بطنه زغروته=يلوي بالغبه ويلالي
راس الريس صار اضحوكه=عليه البس اقفل بوكه
مافكه طوعه وانسوكه=من سيف القوم القتالي
حدا زوجاته حستبه=لاكن موته مادريتبه
قالت ياختي زوجك وش به=يرقص تسنه فيه هبالي
قالت يلعب لعب العرضه=او ينفض بشته في ارضه
ولا الريس يقضي فرضه=لاوالله طاح الرجالي
جت يمه قالت لاباس=وراك نيمٍٍ بالساس
ياخواتي ماله راس=وين ارويسه واعزالي
صاحت من ذا فنه فنه=واعقلهن قالت غطنه
وأدعن للميت بالجنه=عمر الشمس وفيٍييْه زالي
انا قاعد عند دلالي=واليا حس اصياح عيالي
واقحص واصبخ بالفنجالي=عجلن مذعورٍٍٍٍ مهتالي
وانا مدري ويش القصه=ضنيت السارق بالجصه
اخذت الشووم ابا اللصه=وادوس ابطنه بنعالي
ثبْت ثبْت ياصياح=جاك مبندق يارمممْاح
ترا نصف الحرب افراح=اخشى من شيٍٍ بعيالي
يوم اني قربت اللجه=قلت انبوني ويش الهرجه
والآ هم عني في سجه=يبكون بدمعٍٍ همالي
قلت اعيالي وش مبليهم=اللي فيهم ملا فيهم
قالوا هود لاتوذيهم=تزيد الويل بولوالي
بسٍٍ غال الديك الغدوه=مزع راسه بأول عدوه
قلت انه لعيالي فدوه=وسليْم هو راس المالي
وناديت سليم ومنيره=وشرطتلهم على نيره
قلت الديك ابشري غيره=هذاي موصٍٍ يشرالي
و أقفو من عندي مرضيهم=والشرط الجيد بيديهم
لولا ان المولى هاديهم=ماارضاهم شرطي واقوالي
عسا الخاسي تعرفونه =هو بزونٍٍ او بزونه
وش كبر الهر وشلونه=نبي في ذبحه نحتالي
قالو بالبياض امحجل=جب راسه لـ سليم عجل
تلقاه بطايتنا يهجل=اسرع من راع الخيالي
قال سليم ياباباه=شب البندق في علباه
دام السرقه في مخباه=تشهد عن لوم العذالي
عبيت البندق من حيني=قلت ان جاء صيرو صاحيني
واثره بالصفه يوحيني=من صبحه فيها نزالي
يوم اني هجيت اللبابي=كشر بـ أنيابه حرابي
واخشْ البندق بثيابي=لين الدومي صار اقبالي
بالثاري ياديك سليم=تسرق وتقابل يد غيييم
طخيته والياه ام خييم=شروا سن الدلو البالي
لو انه راعا للجيره=كان احسنا معه السيره
لاكنه شعبث بالديره=بأول هده دمه سالي
تمت واختام المربوعي=صلاة الله كل اسبوعي
على اللي دينه متبوعي=ماناض البرق الهمالي

ماجد سليمان البلوي
04-04-2011, 11:40 PM
ماجد بصراحه معاناتك معناه



ولا اقول الا الله يعينك ,


ويسلط على ديك جاركم


بزون اقصد بس ويصير مثل ديك راع القصيده هذي



لي ديك ظبطٍٍ توقيته=يوعي النايم تصويته



لولا طيبه ماشريته=بريال وقرش الدلالي
لاكن ممدوح لي طيبه=ترتيبه ساعه ترتيبه
لولا اذانه ويش ابيبه=ماني بب سن الجهالي
اذانه بالحيل كويس=يذن على اذان الريس
وانا اجزم ماني باقْيس=انه ارخيصٍٍ بريالي
مكبر حظك ياللي حاشه=ينام امريحٍٍ بفراشه
لو مامليت الخراشه=يواعيك اذان التالي
يعجب من شافه بنقوشه=والغلبه فوقه منقوشه
والنصبه كب الطربوشه=والرجل بحجر السروالي
عرفه افرق ماهو بـلدم=لاكنه مصبوغٍٍ بالدم
يصدم بالهوش ولا يصدم= من ناظر هوشه يهتالي
عجين الحنطه ماكوله=مع ماحصل من محصوله
الحكي كثره وشوله=ياكل مع بنتي وعيالي
من غليْه عندي عززته=ب اربع فرخاتن جوزته
كني سلطانٍٍ منحزته=القصد انه عندي غالي
اثر الجيران احسدوني=على ديكي زين اللوني
قالو نرسل له بزوني=وزفٍٍ باالدرب وختالي
وانا ياغافل لك الله= مدري بخيانة خلق الله
ما هوجس به قلبي والله=آآمن ولا هي في بالي
اثر الدنيا عابيتله=تبرْم للديك وتفتله
ماهي للديك آآويتله=ماهو بأول ولا تالي
يوم الله دبر ماكان=صيٍْف ديكي بالاذان
قحص مربوش وعجلان=قلبه من ضيفه يجتالي
بيْين راسه هو وحنوكه=وأيلين الفرجه مفكوكه
على افم الكيسه متكوكه=بف ام البزوون الخيالي
واصهل با اذنه مايدري=ان الحقه حط ت خبري
وافقع ظاروبه بالبخبري=والا انه من راسه خالي
بلمناره اول صوته=والتالي في بطن الحوته
توحي في بطنه زغروته=يلوي بالغبه ويلالي
راس الريس صار اضحوكه=عليه البس اقفل بوكه
مافكه طوعه وانسوكه=من سيف القوم القتالي
حدا زوجاته حستبه=لاكن موته مادريتبه
قالت ياختي زوجك وش به=يرقص تسنه فيه هبالي
قالت يلعب لعب العرضه=او ينفض بشته في ارضه
ولا الريس يقضي فرضه=لاوالله طاح الرجالي
جت يمه قالت لاباس=وراك نيمٍٍ بالساس
ياخواتي ماله راس=وين ارويسه واعزالي
صاحت من ذا فنه فنه=واعقلهن قالت غطنه
وأدعن للميت بالجنه=عمر الشمس وفيٍييْه زالي
انا قاعد عند دلالي=واليا حس اصياح عيالي
واقحص واصبخ بالفنجالي=عجلن مذعورٍٍٍٍ مهتالي
وانا مدري ويش القصه=ضنيت السارق بالجصه
اخذت الشووم ابا اللصه=وادوس ابطنه بنعالي
ثبْت ثبْت ياصياح=جاك مبندق يارمممْاح
ترا نصف الحرب افراح=اخشى من شيٍٍ بعيالي
يوم اني قربت اللجه=قلت انبوني ويش الهرجه
والآ هم عني في سجه=يبكون بدمعٍٍ همالي
قلت اعيالي وش مبليهم=اللي فيهم ملا فيهم
قالوا هود لاتوذيهم=تزيد الويل بولوالي
بسٍٍ غال الديك الغدوه=مزع راسه بأول عدوه
قلت انه لعيالي فدوه=وسليْم هو راس المالي
وناديت سليم ومنيره=وشرطتلهم على نيره
قلت الديك ابشري غيره=هذاي موصٍٍ يشرالي
و أقفو من عندي مرضيهم=والشرط الجيد بيديهم
لولا ان المولى هاديهم=ماارضاهم شرطي واقوالي
عسا الخاسي تعرفونه =هو بزونٍٍ او بزونه
وش كبر الهر وشلونه=نبي في ذبحه نحتالي
قالو بالبياض امحجل=جب راسه لـ سليم عجل
تلقاه بطايتنا يهجل=اسرع من راع الخيالي
قال سليم ياباباه=شب البندق في علباه
دام السرقه في مخباه=تشهد عن لوم العذالي
عبيت البندق من حيني=قلت ان جاء صيرو صاحيني
واثره بالصفه يوحيني=من صبحه فيها نزالي
يوم اني هجيت اللبابي=كشر بـ أنيابه حرابي
واخشْ البندق بثيابي=لين الدومي صار اقبالي
بالثاري ياديك سليم=تسرق وتقابل يد غيييم
طخيته والياه ام خييم=شروا سن الدلو البالي
لو انه راعا للجيره=كان احسنا معه السيره
لاكنه شعبث بالديره=بأول هده دمه سالي
تمت واختام المربوعي=صلاة الله كل اسبوعي
على اللي دينه متبوعي=ماناض البرق الهمالي



الف شكر اخي سلطان
على القصيدة الحلوة
بارك الله فيك
اجمل تحياتي والسلام

ايمن المسيعري
04-05-2011, 02:30 AM
يعطيك العآفيه اخوٍي : مـآجد

مـآ قصرت

قصـه جميله ورآئعه

ولك كل الود والاحترآم

ودمت بحفظ الرحمن