شاعر بلا مشاعر

مالمت حظي و ماني اليوم لايم=دريت حظي غير عن باقي القوم
سألت قلبي ليه غافل و نايم=لقيت قلبي مات للحس معدوم
و شفت رمش العين سهران دايم=يستنّى رمش الخل يصحى من النوم
لاثار شوقي من دفا الشوق صايم=لاجفّ غصني مات من كثرة الصوم
غيمه سقتني غيمها اليوم غايم=أقفت و أسقت حلمها ظن و هموم
في ساحة الحب المشاعر غنايم=إلا أنا في ساحة الحب مهزوم
عايش و نهري فيه تايه و عايم=تاهت مشاعر حب ماهو بمقسوم

...