المغاشـــــــــي و البراقــــــــع
المغاشي والبراقع والملاثم = في خيالي من علامات القيامه
كان حققت النظر بالحيل تاثم = ومن صواب الأوله مامن سلامه
بالمراسم والعزايم والمواسم = تاخذ الأوصاف من خلف اللجامه
في بعض حالات للذنب انتقاسم= واغلب الأحيان برقبة الحمامه
الصغيره زي قائد بالمراسم = والكبيره ماخذه دور الزعامه
وللعيون سهوم ماتخطي وتاسم = والجمل ما ينعقر لولا سنامه
وش لنا بالشعوذه واهل الطلاسم =والكآبه شر بعد الابتسامه
الشريعه بيننا رابط وقاسم = والبلد من صالح العاقل نظامه
الشريعه بالبلد تكوي وتاشم = وان حصل مكروه وش دور الندامه
ماعليكم زود والموضوع حاسم =وينكم ياهل المراجل والشهامه
وفيه مابين العرب شاعر وراسم=يملك التعبير والموضوع امامه
الحذر قبل الخطر بالحيل لازم=والنفوس تهون من دون الكرامه
ياجماعة خير خلونا انتحاشم =الغرامي لا يدفعنا الغرامه
رد: المغاشـــــــــي و البراقــــــــع
وللعيون سهوم ماتخطـي وتاسـم
والجمل ما ينعقـر لـولا سنامـه
وش لنا بالشعوذه واهل الطلاسـم
والكآبـه شـر بعـد الابتسـامـه
الشريعـه بيننـا رابـط وقاسـم
والبلد من صالـح العاقـل نظامـه
الشريعـه بالبلـد تكـوي وتاشـم
وان حصل مكروه وش دور الندامه
،
،
الواحد لازم يضع الله امام عينيه حتي لايندم على فعله يفعلها تزيد من ذنوبة
الشاعر / خالد سالم السرحاني
صح لسانك وسلم بوحك يالغلا .
لك خالص ودي
رد: المغاشـــــــــي و البراقــــــــع
ابووليد في معاريض بتقدم فيك \
لاهنت علي هذا الطرح
ولكن السؤال هل من مستفيد
سلمت لي يالخال
رد: المغاشـــــــــي و البراقــــــــع
مروركم وردودكم هي اكبر حافز
لكم مني خالص الأحترام والتقدير
محبكم ابو وليد
رد: المغاشـــــــــي و البراقــــــــع
صح السانك ابو وليد
ولاهنت