قصيدة صالح عياد النومسي بالشيخ حمود حماد أبوشامه
يامن يخاويني ترانا مسايير=على زعيم يستحق الزعامة
وفد ٍ نهنيهم وندعي له بخير=حمود حماد الشيخ أبوشامه
نسل الرجال اللي تفك المظاهير=إليا جا نهار فيه لف العمامة
أبغيه عني مايدور المعاذيـــــر=رشوشته مني عزيمة كرامه
قرطوع حليب من النياق المغاتير=وحوار منهن بالصحن مع سنامه
يستاهل أبو خالد زعيم الطوابير=أشد من ظرب الرصاصه كلامه
جده جويعد من كبار المشاهيــــر= لعل رب البيت يرحم عظامه
إليا جا نهار فيه خز المعاشـــير=هوشه مثل هوش الهلالي سلامه
عقب رجال تـــحمي الجار وتجير=وعند اللوازم يحتمون الجهــامة
هذا كلام النومسي دون تقـــصير=لعل مايـــلحق كــلامي ملامــــه
وصـــلاة ربي عــد وبــل الشــغاتير=عـــلى نبي صادق في كلامــــه
والسلام عليكم ورحمة الله وبركاته ــ
رد: قصيدة الشيخ صالح عياد النومسي بالشيخ حمود حماد أبوشامه
يعطيك الف عافيه
وصح لسان الشاعر
رد: قصيدة الشيخ صالح عياد النومسي بالشيخ حمود حماد أبوشامه
ونعم يا أبو شامـــه فيك وبربعــك
وصح لسان الشاعر
وتقبل فائق التقدير.
محمد بن عيد كحتان
رد: قصيدة الشيخ صالح عياد النومسي بالشيخ حمود حماد أبوشامه
ونعـم فـــي الشيخ ( حمود حماد ابوشامه ) يستأهل المدح لأنه اهل له
وكذلك ونعم في الشاعر صالح النومسي تبيات معبرة صريحه
محمد الثوعي
رد: قصيدة الشيخ صالح عياد النومسي بالشيخ حمود حماد أبوشامه
يعطيك العافيه و صح السان الشاعر ويستاهل المدح الشيخ حمود ابو شامه 0 تحيات
رد: قصيدة الشيخ صالح عياد النومسي بالشيخ حمود حماد أبوشامه
الأخوان
إبراهيم راشد المطرفي
والأخ محمد عيد كحتان
والأخ محمد الثوعي
والأخ عيد الوابصي
شكرا لمروركم العطر وإن دل هذا على شئ دل على طيب المعدن وأنتم أهل له ....