غزوة سنيد المنقرة للجعافرة من عنزة
غزا سنيد المنقرة الجعافرة من عنزة وكانوا مقيظين على لقط :حسي ماء قرب جبل برط وكانوا الجعافرة مشل العواجي وقتل في المعركة سلمان بن سليم أخو سنيد فدفن تحت قارة هناك عرفت في ما بعد بقارة منقرة وقتل من الجعافرة خمسة من النمران وجرح مشل العواجي وفي ذلك يقول التلفيه
البارحة جينـا عليهـن مراميـس= وغرنـا عليهـم غـارة هلهليـة
وغرنا على وضح تقول البرانيس= كلـش يلالـي وسمهـا جعفريـة
نركض وضوء الملح مثل المقابيس =وعلى لقط ياما دنـت مـن منيـه
سلمان فرشنـاه خمسـة ملابيـس =والعصـر وسدنـاه رأس العبيـه
خمسة من النمران ماهم هلابيـس= مثل القليب اذا انهدم ركـن طيـه
ياسين يا ذيب النعـاج المعابيـس =حامي عقـاب الجيـدة والرديتـة
من طاح منا تقل طايح من الكيس= وليا غـدا هـذا ظهـر ذاك زيـه
احقوا حدامي ثم رجعـوا مفاليـس =والبل قبال العيـن ماهـي خفيـة
لا انتم غياب ولا مربط مهابيـس= ولا فيكم اللي غايب كـون غيـه
باثمانهن ياما ركزنا مـن الكيـس =من ذود ابو عسكر حمـاة الونيـه
معنا اللهيب حمود ومعنا فواريـس= يـا خلطـة الرحمـن مـلا بليـه
و معنا القريد يعطي الهوش تدبيس=وزود على قسمة حزا لـه حزيـة
اللي كسب واللي محصل نواميـس =غيـر الهطيعـي مفلـس قيدنيـه
شاعر بلي : معوض التلفيه
رد: غزوة سنيد المنقرة للجعافرة من عنزة
رد: غزوة سنيد المنقرة للجعافرة من عنزة
بيض الله وجهك يا إبن رويحل على هذة القصة والقصيدة .
قصيدة تبين ماحدث كانك تراه
شكراً لك من الأعماق .
رد: غزوة سنيد المنقرة للجعافرة من عنزة
الله يرفع مقدراك يابن رويحـــل .. ولاهنت يالغلا على هالقصه والقصيده ..
كُـن بالقلب ..
سلمان العرادي
رد: غزوة سنيد المنقرة للجعافرة من عنزة
فايز الله يعطيك العافية علي القصة والقصيدة
رد: غزوة سنيد المنقرة للجعافرة من عنزة
اقتباس:
المشاركة الأصلية كتبت بواسطة محمد العصباني
بيض الله وجهك يا إبن رويحل على هذة القصة والقصيدة .
قصيدة تبين ماحدث كانك تراه
شكراً لك من الأعماق .
ووجهك ابيض يا محمد العصباني
ويا هلا بك يالغالي