قصيدة ترحيبية بقدوم الشيخ سليمان بن رفاده لحايل للشاعر / يشير عرابي البلوي

قصيدة في حفل قبيلة بلي في حائل للشاعر / بشير عرابي البلوي ترحيبية بالشيخ سليمان بن محمد بن رفاده وضيوفه الكرام
بــديت بســم مكـــون الخلــق تكوين****سبحان من بأمره تسير الهبايب
المعــطي المهدي على الـخير ويعين****غافر ذنوب العبد لياصار تايب
ومن بــعد ذكـر الله دونـت تـــدويين****سجلت من جاشي بيوت غرايب
يـــــامـــرحــبا ترحيبــةٍ بالــــملايين****عد النجوم وعد وبل السحايب
يــــــامـــرحبـا بالشيخ زبن المجلين****مقدم بلي بالسلم ولا الحرايب
ابن رفـــــاده له فعـــول وبــراهين****موارث الباشا عطيب الضرايب
رفــــــــادات نطاحة وجيه المعادين****يجاء نهار فيه تزوى العصايب
شيـــــــوخ لنا يوم المغـازي وألحين****شيوخٍ يحلون العقد والنشايب
وأثني وأرحب بالرجــــــال المسمين****من أبعد بعيد الناس ولا القرايب
يامــرحــــــــــبا بأللي لفــــونا متعنين****ترحب بكم بلي شباب وشايب
ياشيـــخ ربعك في قدومك سعـيدين****وأللي حضر ينوب عن كل غايب
قلتـــــــــه نيــــــــابه عن ربوع كريمين****بلواة لـياعدَو رجال النوايب
ربعــــــي بلـــــــي بالطيب ماهم خفين****أهل المواقف بالأمور الصعايب
للــــــزين زين وللمـــــعادي عنيـــــــدين****ياطار ستر منقضاة الذوايب
أطلــــــــــــــع ثنا ربعي ولاأذم الأقصين****والطيب قسم للقبايل وهايب
كل القبايــــــــــــل تثني الصاع صاعين****دور مضى يوم المعوشه نهايب
وكل القبــــــــــــايل له سلوم وقوانين****ولأحد يرد الطيب عن كل طايب
الطيـــــــــــب سلعه للرجال الشهيمين****والعمر فرصة والمراجل كسايب
وألحيـــــــــــــــن عشنا بالأمان متساوين****جيران وأخوان ولامن طلايب
بظـــــــــــــلال حكام حمو حوزة الدين****هم ظلنا عن حاميات اللهايب
هم درعنا الضافي على العسر واللين****عون الضعيف وعز من كان عايب
آل سعـــــــــــود اللي على الحق ماشين****أولاد من صفاه فوق الركايب
ماقل دل وزبدة الـــــــــــــــهرج ثنتين****جمع الرجال ولم شمل القــــرايب

صح لسان الشاعر
ونعم في ابن رفاده وابو عبدالله يستاهل خيرويستاهل ازود
أشكرك أخي على النقل

ونعم والله بالجميع وصح لسان الشاعر والله يعيطه العافيه