من روائع البدر (( المزهرية ))
 |
|
 |
|
المزهـرية
لاانتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا بمدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف
كنت احلم لما ناديتك بسافر
مع عيونك في شعاع الفجر باكر
والله اعلم اني صادق
كنت احلم اني عاشق
لا اخاف ولا اضيع .. ولا افارق
ويش اقول غير اني اسف ويش اقول
انا خانتني العواصف والفصول
آه .. ياتعب المسافر
في اراضي الجرح آه في دمع المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
انا .. لي كلمة أخيرة
اغفري لي ابتسامي .. قبل جرحي
حاولي تنسي كلامي .. قبل صمتي
ولو رضيتي .. يا اعز الناس انتي
الشاعر :بدر بن عبد المحسن |
|
 |
|
 |
