يالله انا طالبك عز الجلالي
انك تجيب اللي به الخير للناس
يامدبر الدنيا على كل حالي
ويامصفي العالم على شكل واجناس
انا طلبتك من ضميري وبالي
تعطف بحال اللي من الحب محتاس
قلبه من الفرقا قليبآ هيالي
حفارته مقفين ماصار له ساس
على عشيرآ زايدآ بالجمالي
إلا ذكرته طاح من يدي الكاس
راعي العيون اللي هدبهن ظلالي
ماشفت مثله مع سوا الناس ياناس
حبه يسف القلب سف الرمالي
واحس في قلبي مثل دق مهراس
صلاة ربي عد ماهل همالي
واعداد ماينزل على روس الاطعاس
