أول قصيده / بعض البشر ودك تمسه بالعقال .!

السلام عليكم ورحمه الله وبركاته
صبحكم الله بالرضا

القصايد واجد وهذي اخر قصيده
سبب كتابه القصيده تحدي بيني وبين اخوي الشاعر محمد الحافي ...

اتمنـى ان تحوز على رضاكم واستحسانكم وان لا تبخلو على ب ارئاكم :wacko:

هات القدوع وقرب الدله وفنجال
ب اقند الراس واغني الموال
بطرق بحور الشعر والاقوال افعال
بعض الهروج عند العرب ماتقال

هذا خوي وصاحب وهذا ابن خال
وهذا رفيق وقد الشدايد علومه بمثقال
ارتكي على خوته وانت مريح البال

وهذا ردي افعاله دوم اقوال
بعض البشر ودك تمسه بالعقال
هرجه نقص وعلومه فلان قال

وبعض البشر يحلم ب جاه ومال
ولايفكر بزوجه وخلفه وجهال
يسري عليه الليل وخاطره جال
يملي الفنجال ويلحن كل موال

وهذا ابن سجدي من قروم الرجال
قد قالها غيري وقالها بن هذال
ياشاعر العتبان في شي على البال
جيتك متحدي وفي راس ميه موال

وانا ابن ظاهر رجال ابن رجال
ما ابخل بماجودي واقوالي افعال
يا محمد ابن سجدي بسئلك سؤال ؟

وش حيله الي ضاق به صدر الشمال ؟
دار شرق ودار غرب وزار الاطوال ؟

ودي بشي يغير هـ الحال
والا ابقى على ماقيل وقال
ياخوي وياعمي وياخال

ويارفيق ن مالقيت جواب ل هالسؤال
وختامها صلوا على النبي عد ماسال
مزن على الوادي والقصايد اجزال


وسلامتكم
اخوكم
سلطان الجذلي

مآش على خبري لا ردود ولاتشجيع :o

لو إني شاعر كان قلت لك رأيي

،

الله يعطيك العافية على محاولاتك

اخوي سلطان ظاهر

ونعم فيك وبصاحبك

بالنسبة للقصيده اذا كانت هذه البدايات فتعذر
لان القصيدة تفتقد لأهم عناصر النص الشعري
وهي الوزن والقافية ، هناك خلل بالوزن تتجاوزه مستقبلا بإذن الله
والقافيه انت موحدها وهذا خلل يعني انت كل ألقصيده على رجال وحال ومال ... الخ
والمفترض ان تكون قافية الشطر الاول تختلف عن الشطر الثاني

محاولة اولى والطريق قدامك مزهر بإذن الله
وأنصحك بحفظ العديد من القصائد ومراجعة طريقة وزن القصائد

بالتوفيق لك


.