بسم الله الرحمن الرحيم
ضحيت لك بالحب ضحيت ضحيت
تعبت اضحي والثمن هو حياتي
وانا الذي بالهم اصبحت وامسيت
تعبت اجمع في حياتي شتاتي
انا الذي قربك وحبك تمنيت
وانت الذي تفرح بساعة وفاتي
عنيت تفكيري وقلبي وعنيت
رجلي على درب العنا والمماتي
يا ظالمه في دنيتي ما تهنيت
والله ماحدن بك يسوي سواتي
اسقيتني يا زين مرن وحلتيت
ضيعتني بدروبك الضايعاتي
تقول خاين حب وانا الي اوفيت
تقول تكذب قلت هذي جزاتي
احلف بربن واحدن يحيي الميت
اني احبك واعشقك يا غناتي
اوفيت لك وانته بظلمك تماديت
هدمت حتى بالحياه امنياتي
سالت دموع العين لو عنك صديت
ابكي اشوف ايامنا المقبلاتي
يا بنت شمر لاتقولي تخلـيـت
اظن حبن راح ما عاد ياتي
انا مع همومي وشعري تسلـيـت
مسجون بين احلامي الضايعاتي
عنيت تفكيري وقلبي وغـنيـت
أبيت اغلف وسطها ذكرياتي
تذكر زمان الحب ولا تناسـيـت
تذكر شفاتك يوم تلمس شفاتي
تذكر يوم انك من دفايه تدفيت
يوم الليالي يالغلا موحشاتي
احضنك باحضاني وازيد التناهيت
واقول لك يا نور عيني وذاتي
لو قلت لي ياحمود بالحلم لبيت
افز من نومي وانا في سباتي
واليوم اناادي وانت عني تسليت
وإن كان مات الحب ماتت غلاتي
ياقلب هوجس واصفق البيت بالبيت
مالي جدى كود الخواطر عزاتي
ياليت للتفكير والقلب ديليت
وامسح جميع ايامنا الفايتاتي
أأخوكــم آلشـآآعر / حمود خلف دحل الميهوبي
