....
...
..
.
اه يامقسى الجروح الي من اسباب الخيانه
اه يامقسى الجروح الي سببها انسان غالي
الوفا مات الوفا وين الوفا وينه زمانه
عظم الله أجر حبي ماتت أحلام الليالي
كانت معه انسان صادق كنت انا مصدر حنانه
كان هو سبة دموعي يوم دمع العين سالي
علموه اني ابا ارحل عنه واحطم كيانه
علموه اني تعلمت القسى مما جرى لي
لجله ازعلت الهنوف الي تغزل بي عشانه
لجله ازعلت القرايب بنت عم وبنت خالي
ياخسارة حبي الي مات ما للحب خانه
وياخسارة عمري الي راح وانا أرثي بحالي
كان قصدك يوم صديتي تسويها لعانه
والله اني في شموخي من بعيدين المدالي
من يراهني بذلي والله ان يخسر رهانه
يالرياح الموسمية ماتهزين الجبالي
كان غرك زين شكلك ياعويد الخيزرانه
لاتحسب انك بزينك من ملكات الجمالي
فيه غيرك من تصوت للقمر تقعد مكانه
بالجمال وبالعفاف وبالغنوجه و الدلالي
لكن ابا اجزيك بالاحسان ياراع الاهانه
سامحك ربي وسافر خلني تكفى لحال
ألشـآعر.../..حمود.خلـف دحل .ــآلبلوي
