الرجل ماتستره كثر الثياب

الله أكبر كن هالدنيا سحاب=وكننا فيها تحت ظل اشجره
نرزق بمولود وبكره للتراب=ومن دفنه اليوم بكره نقبره
آه من دنيا بها شفت العذاب=والعمر باقيه ما أظن أكثره
جيتها عطشان يطرد له سراب=والشجر لا ظل ولافيه اثمره
جيت شايب ماعرف اسم الشباب=والبخت لو شفت معطيني اظهره
جيتها والكون كله في ضباب=وإن صفالي شوي تلقفني اعثره
جيت وسيوف الفقر فوق الرقاب=والغدر شوفوا بظهري خنجره
جيتها يوم الفرح قفا وغاب=والحزن من فوق خدي يسطره
قلت باب .. وجيت أقفل أي باب=وكل باب..فيه ريح امدمره
آه من جرح(ن)معاه القلب ذاب=وإن كبر جرحي أشوفه مصغره
دام هالدنيا مثل جنح الذْباب=عندي أكبر دمع عيني لأنثره
ايه من حقك تمخطر يالغراب=والطاؤوس إن شاف نفسه إحقره
دام هذا الكون كله اكتئاب=فأنت أكبر من نشوف ونذكره
بنصحك جاسر وأحذر لا تهاب=والأجل يابوك من جاب اخبره
المطر وينه إذا قفا السحاب=والشجر وش زينته دون اثمره
والرجل ماتستره كثر الثياب=دون وجهه كل غالي ينحره
والخطا ما يردعه غير العِقاب=والصبر.. عند الغضب لا تذخره
والحكي في قلته عين الصواب=والكذب وإن طال حبله ماقصره
وصاحبك لا تخسره بكثر العتاب=وإن نصاك إياك وإحذر تخصره
والبحر لو تدخله كله صعاب=والمراجل دونها البحر اعبره
وخير منهن حفظك لذاك الكتاب=مصحفك يابوك واحذر تهجره
وانتبه واحذر ترى يوم الحساب=فيه تلقى كل صحف منشره

جيت شايب ماعرف اسم الشباب=والبخت لو شفت معطيني اظهره



الله عليك فالح ياابن مظهر

جزلة جزلة ومتماسكة وغنية بكل الشعر


صح لسانك

شهادة سلطان بجزالتها تكفي

حياك الله يافالح بن مظهر ابدعت وابدعت
دمت بهذا الشموخ يالغالي

صباح الخير أخوي سلطان وأخوي سعود

شاكر لكم مرورركم الجميل وعبارتكم الجميله

مع أجمل المنى وأرق تحياتي،،،،،،،

تصفحت هذه الأبيات فوجدت الشعر الغني

سلم فكرك وبنانك وقلمك يابن مظهر

سلمت لنا ياستاذنا الغالي

بك وبأمثالك يرتقي الشعر 0

ولك ولأمثالك من المتذوقين نكتب0

فشكرا لك من القلب أيها الأستاذ الشاعر النبيل 000أبو عمر،،،