معاناتي مع موبــايلـــي

نزلت فاتورتي 274.18 كما يتضح لكم بالرساله اللي بصورة جوالي

http://www.albluwe.com/mlffat/files/13527.jpg


طلعت من العمل تعبان ومريت الصرافه
وسددتها بالغلط 2741.88 الفين وسبعميه وواحد واربعين ريال كما هو موضح
بالفاتوره التاليه


http://www.albluwe.com/mlffat/files/13528.jpg


اتصلت على موبايلي وشرحت لهم قصتي وقال مر على الفرع الرئيسي اللي بمنطقتك
وراح يعطونك فلوسك كاش ,,
قلت كويس انحلت المشكله مع اني ميس أنها ترجع لأن فيه ناس قالوا لي احلم بفلوسك
كل اللي يسوونه يسددون فواتيرك مقدماً بفلوسك ,,
والموظف رفع معنويتي ررحت للفرع وقال لي رح جب لنا كشف حساب من البنك يثبت انك سددت,
قلت بسيطه ورحت للبنك وجبت لهم كشف حساب بالسداد , قال خلاص بعد خمس ايام تكون بحسابك,,
واستعلمت بعد خمس ايام مانزلت ,, ورجعت لهم قلت لهم مانزل المبلغ على حسابي,,
قالي موظف ثاني بعد عشر ايام تنزل ,, قلت خير نستنا خمس ايام كمان ,, واستعلمت بعد اثنا عشر يوم
ومانزلت ,, ورجعت لهم ,, وقال لي الموظف احسب عشر ايام بدون الخميس والجمعه واحياناً تجلس اربعين يوم
وبعدين تنزل لحسابك ,, قلت للموظف ياخي انا ما أشحذكم انا ابي حقي وحنا برمضان خافوا الله بالمسلمين
وأكل مالهم بغير حق ,, وطلعت معصب واتصلت على موبايلي وكلمتني موظفه وقلت ابي اشتكي على مين
اشتكي الشركه ,, قالت اشتك من عند الفرع اللي في منطقتك ,, قلت اذا كان الحرامي قاضي من تقاضي؟؟
وقفلت الخط ,,

وانا ابي اشتكيهم لله ونعم المعين ,,

وجاري الأنتظاااااار ,,,,,,=======

الله يكون في عونك يالغالي

و هذي مشكلتنا مع الشركات ما فيه نظام يحمي المستهلك

أقول ما لك إلا الإعلام في هذا الزمن هو الى ينفع

و لا غير بتتعب و لا بتشوف شئ

الله يرحمك هوانت اعطيتهم الفاوس تعوض الله وفر باقي بنزيمك ان جت على الفواتير خير

عود كبريت بأقرب فرع وانتهت المشكله

أمزح
ما دامك دافع دافع خلها تخصم من مكالماتك ثلاث اربع اشهر

وحسبنا الله ونعم الوكيل
أشكيهم الى الله

الله يعوضك خير ياسمي


شف وانا أخوك حقك ماراح يضيع


ومثل ماتفضل الاخوان بيبقى رصيد لك

ولتفادي هالامر خيار ( دفع مقدم ) هو النكبه

فيه خيار ( دفع المبلغ المستحق ) وحاول تستخدم

اون لاين البنك اللي فيه حسابك ( مباشر ) الصرافة

ماتنفع بدفع الفواتير

اذا انت مصمل يرجع المبلغ قدم شكوى لهيئة الاتصالات

موقعهم عن طريق قوقل سو بحث لو ماني داخل من جوال جبت لك رابط الموقع

وخل موبايلي يدرون بس هم بنفسهم يجونك

شوف يابومحمد

أنا بقول لك راي وأنت بكيفك

روح لهم وأنت لابس شعار الهلال الرياضي وقول لهم

ياتردون إفلوسي وإلا أترك الهلال// و أشجع النصر وأحول رقمي للإتصالات
واعطهم مهله 72ساعة
ايش رايك