قصيده إهداء إلى العقيد / عيد بن علي السحيمي البلوي ــ مع التحيه .

العقيد / عيد علي فالح السحيمي البلوي من اولئك الرجال الذين يتسمون بفن القياده فقد عرف عنه الحزم وقت الجد ولين الجانب الانساني عندما تستدعي الظروف ذلك . وهنا تبرز معادن الرجال ,,
وما هذه الابيات الا اقل شئ اقدمه له والتمس العذر عن التقصير,,,

أرعد خيال الفكر والشعر همال = سحابته يسبق مطرها رعدها
ينوض بارقها من الجال للجال = نوب أيتقدمها ونوب(ن) بعدها
تنساق طيب ووقعها قدر واجلال = ومن لا يقدمها رجع ماوجدها
واللحيه اللي قدرها فال و عقال = فيها القصايد ترتقي من سعدها
ودام الرجال أزوال . وأقوال . وافعال = الطيبه كل(ن) يقدم سندها
ورد الثناء في سلم الأجواد فنجال = من لايمده نعمة الله جحدها
ودوب أستوى الفنجال من كف رجال = في دلة(ن) ماقالو الناس زدها
من زعفران لهيل لــــ / روقة البال = للصبه اللي ماحد (ن) ينتقدها
أسلم يابو خالد وسم وعلى الفال = تقهو .. والقيفان جتك أبوعدها
لو إن بافعالك مايوفن الأقوال = ومواقفك بالطيب ماحصي عددها
يامحزم اللي باسمك اليا أعتزا نال = ياساس راس المرجله ياولدها
يامزبن اللي حدته ضيقة الحال = يافزعة اللي ليلته مارقدها
ياعيد / ياعقيد / يامتن ماشال = رتبه : وشال هموم من يفتقدها
من يرتفع في رتبته لو وقف مال = ومن يرتفع مثلك بفعله وجدها
كسبتها يامعرب الجد والخال = وأهل الحسد يقضي عليها حسدها
ولاهي غريبه وأنت للجود مدهال = ومن روس قوم (ن) ماخلق من ضهدها
ربع (ن) لهم مجد وفعايل .. ومنزال = ومكانة(ن) مر الزمن واعتمدها
هم ( السحمه ) والفخر ورثة أجيال = كسبو ( نعم ) والبنيه أرسو عمدها
ويا ( عيد علي فالح ) القاف لو طال = الطيبه تبقى ويحفظ سندها
ويرعد خيال الفكر والشعر همال = وسحابته يسبق مطرها رعدها
بحقايق(ن) ماهي رساله بجوال = أقولها وأعيدها إن قلت عدها

* عايد سالم السميري البلوي
23 / 9 / 1432 هــ

.

صح لسانك

ويستاهل الممدوح كل هذا المدح

وفقك الله

صح لسانك يابو زياد

والنعم بالمادح والممدوح

وكل عام وانتم بخير

فنجال شعر يحمل معاني كبيرة مده عايد السميري لمن يستحقه

وسلم فكرك يابو زياد على هذا الابداع

اقتباس:

---

المشاركة الأصلية كتبت بواسطة محمود عيد غبن البلوي

صح لسانك

ويستاهل الممدوح كل هذا المدح

وفقك الله

---

محمود عيد غبن البلوي

صح بدنكـــ وياهلا بكـــ سعدت بمروركــ لمتصفحي

أسعد الله صباحكـــ

صح لسانك يا عايد جزل يالجزل

ويستاهل العقيد : علي السحيمي