{هيئة المعروف } للشاعر رجا سليمان البلوي

هيئة المعروف
إهداء لكل مسلم غيور على ديننا دين الإسلام دين التسامح والمحبة
وأطلب من الله ثم منكم خالص الدعاء

مانــي مطوع وقدر هيئة المعروف = وأقدر إرجالها وأعز وقفاتها
ماني من اللي عليها يستغل الظروف = ويصطاد بالماء العكر ويعد زلاتها
العلماني اللي بغى يرقى ولا به كتوف = ما حصل إلا رجال الدين والحاتها
الدين في عزة الله رغم كل الأنوف = يا شلة العلمنه موتي بحسراتها
الدين عميان من غيره ولونا نشوف = من عزته عزنا الله في مقاماتها
الشمس ماضرها غيم السماء والكسوف = ساعة زمان تبين وتشوف طلاتها
حتى اليهودي يهودي ملته ومعروف = معروف بين البشر دينه وملاتها
ما هو مسلم على بيض الورق والكشوف = والباقي الله عالم عن خفياتها
الدار لا من تعزوت يوم صفق الكفوف = رجالة الدين معروفه بنخواتها
يا شلة العلمنة يم البغا والنكوف =بدري عليكم تكب الناس عاداتها
اللي تبونه صعيب وحال دون صفوف =شوفوا لكم ديرتن تهنوا بلذاتها
تدعون للإختلاط وتطلبون الكشوف =وحتى العفيفة تبوها تذب غطواتها
وتسعون لجل الفساد وتطلبون السفوف =ماتت بكم غيرت المسلم لحرماتها
الدين منكم بريء ولا عليكم حسوف =وأفعالكم ما تشرفنا علاقتها
الله لا يعزنا فيهم نهار الوقوف =بياعة الدين بالدنيا ولذاتها
الدار عافتهم ومنهم عيوف=ما دام هذه سواياهم وفعلاتها
الدار ما همها حكي الضعا والضعوف= من دونها اللي حماها واحتمى ذاتها
الدار من دونها لطم القنا والسيوف= من دونها اخوان نوره عز هقواتها
والدين في عزة الله رغم كل الأنوف= تشهد لنا مكة وطيبة وجاراتها

رجا سليمان البلوي

تدعون للإختلاط وتطلبون الكشوف *** وحتى العفيفة تبوها تذب غطواتها

صح لسانك

رجا سليمان حياك ربي علي هل الابيات الرئعه

فشكر لك يايوسف علي النقل الرائع

اولاً عسى الله يكتب لك الاجر

ثانياً قصيدة جميلة ومعبره وعسى الله يحمينا

ويحمي ديننا ويدمر كل اعداء الدين

صح للسان الشاعر

وشكرا يوسف على النقل

والله يقوي الهيئة

صح لسان الشاعر والله يعز الهيئه

وفقك الله