الطريق المظلم المهجور

اليكم مع خالص التقدير

متاهات الطريق المظلم المهجور=تعاندني ياوقت وحالتي حاله
انا وشلون اربع والديار دهور=وانا اشوف انها ترسلي رساله
وانا وشلون ابا افرح والفرح منحور=على دربً يبين لي غرباله
ياصبحاً ماتناسب لوكساك النور=ضحاك اليوم من عمه ومن خاله
انا وشلون اصدق قولك المأثور=مدام احلامنا ياصبح مغتاله
مدام اني اسير لحلمي المقهور=وسهوم اصحابي الغالين قتاله
انا ماني على درب العناء مجبور=ولا لي في شعيب الهم واجباله
ولكن واقعي يحجب شعاع النور=عشان الحلم يسهل فيه ترحاله
على قلبي توافد والزمان يدور=هموم الوقت رجليه وخياله
اصارع ويش اصارع والطموح يبور=مدام انه رهين الوقت واغلاله
انا وشوله اجامل عيونً عور=مدام العقد عيا يجيه حلاله
سريت البارحه يوم الرصاص يثور=مابين اقفاية الرجال واقباله
مغامر لاتقدم وان رجع معذور=مدام افعاله اللي كدرت باله
مدام انه غدا في دربها مأمور=لونه ماتعنا بدربها اشواله
رضا بالديره اللي ضلعها ممطور=وقصر وبل الحيا عن جملة اتلاله
ورضا بالناقه اللي ديدها مصرور=وبقا من خلف باب يغازل اقفاله
يقول ان الزمان يجبر المكسور=خصوصاً من ترك درعه وسرباله
وانا اقول الليالي دمها مهدور=مدام عقالها ما زاد عن فاله
خلاص اليوم بان لعيني المستور=وعرفنا ريس الغابه من اشباله
ماهي قصة زعيماً ورطوه سبور=بعد ماكان في وسط الوطن داله
غدا حاله مع الأيام حزن وجور=وصحايفه انطوت من دورة احواله
عليها يلعب المنكوس والمجرور=ليا منه ذكرها جر مواله
غدا حتى كلامه بالزمن محذور= وبعض الناس فال الله ولا فاله

وسلامتكم

صح لسانك ياشاعر

الغالى
والشاعر الكبير
اعاننا الله على الدنيا
ويسر الله لك ماتصبو اليه
ياصاحبي ليت بيدي شى
واحقق لك ماتريد لفعلت
غازى كل بيت يحكى شى كل بيت يبحث عن اجابه
كل بيت فيه لغز
لايعرفه الاانت

الاحترام لسمو مقامك الغالى

داربين

صح بدنك وسلمت يالغالي على المرور.

حياك الله اخي الغالي ابو ريان

سلمت ودمت بخير وانت من الغالين الذين اعتبرهم من سواعدي بالنوازل

لك التقدير والشكر الجزيل اخي الغالي.

قصيده تشرف أن الواحد يقول ان شاعرها بلوي

والله انني من شدة أعجابي بها كتبت ومسحت اكثر من عباره

لان الكلام المستهلكــ ( لا يجوز أمام هذا الابداع وهذه الجزاله )

استاذي غازي السرحاني ... مثل هذا الاسلوب هو عشقي وهو الشعر الحقيقي


اشكركــ وكل فخر بكــ واقف احترام لمثل هذا الشعر

سلمت ودمت :||astes||: