على الاقل طيح مثل الدمع وانساني

ياباب الاحلام طل الضيق من شرفه
وضاقت علي من دموعي كل جدراني
:
عاشق وانا الي ينام من التعب طرفه
ويطفّي الوقت نور الشوق ويعـاني
:
ويحن لـ اشواق كانت تسكن بـ حرفه
ويبي يعيش العمر في قلب وحداني
:
احلامي اكثار والتحقيق مااعرفه
ياوقت احسك مع الحزن اتحداني
:
مابيني وبين قنديل الحزن عرفه
هو شب صدري وخلاني لـ حرماني
:
والدمعه الي بـ صف العين محترفه
لها علي حق بـ افراحي و احزاني
:
هذي مدينة غياب وهذي الغرفه
يسكن بها كل برواز وصدر حاني
:
دام الاماني على هـ البعد منحرفه
احسن لي انساك بكره ياخذك ثـاني
:
يالي سكنت بعيوني شوف لك صرفه
على الأقل طيح مثل الدمـع وانساني

الشاعر : سعود الفليح

اختيار موفق يا خيالة

لشاعر جزل

وكلمات معبرة

اقتباس:

---

المشاركة الأصلية كتبت بواسطة القضاعي

اختيار موفق يا خيالة

لشاعر جزل

وكلمات معبرة

---

القضاعي اشكر مروووركم واطلاعكم

يالي سكنت بعيوني شوف لك صرفه
على الأقل طيح مثل الدمـع وانساني


انتقاء رائع رغم ما يحمل النص من معاناة

صح لسان شاعرها

مشكوره خياله

اقتباس:

---

المشاركة الأصلية كتبت بواسطة حامد بن راشد الوابصي

يالي سكنت بعيوني شوف لك صرفه

على الأقل طيح مثل الدمـع وانساني

انتقاء رائع رغم ما يحمل النص من معاناة

---

ابو حمد اشكر مرووركم الكريم