نرجسية مشهور و ددسن هايل

الشاعر مشهور يوسف السرحاني

يا هايل الزيدان لا تلجم البــوح=خله يصيغ حروفك الأبجـديـه
خله يسطر غربت الفكر والـروح=وأحلامك اللي كلها نرجسـيـه
تبني أمل وتشيد أمـآل وصـروح=وتهدم بعضها بين صبح وعشيه
مصدوم بالواقع ولا شفت مصلوح=أنت على نية وغيـرك إبـنيـه
فيك الوضوح اللي سطع كنه الضوح=وأعمى عيون أهل العقول الغبيه
الواقعـي دمه مع الناس مسفـوح=لو يختلف بالراي يفسد قـضيه
يا صاحبي و جروحنـا كانت جـروح=تسري مع عروق الخفوق النديه
نكتم مشاعرنا لو السـد مفـضـوح=وجيهنا تفضح طعـونن خفـيه
منها تعافيـنا وبـاقـي لها لــوح=أثارهـا ترسـم خطـوط جليه
باب الأمل خله على الـدوم مفتـوح=تهـب من صوبه نسـايم عذيه
والواقع الحالي محـير ومشفــوح=مـاتفرق الجـلاد عن الضحيـه
عروش مهدومه وذابـح ومذبــوح=ثورات مع ثيرانٍ وسط الرعيـه
صوت الحقيقة يا أبيض الوجه مبحوح=أو صـادروه عصابة البلطجيه
بالشام شبيحـه لهم ظـل وشبــوح=مـن فعلهم تزهق نفوس برئيه
والمجتمع يشـرح ولا هو مشــروح=شوفة نظرك تشاهد المسرحيـه
أبطـالهـا مابين مـادح وممــدوح=وهياطها نغص عليـك وعليــه
مشاكلٍ تعصـا على الحـّل وتــروح=في سلسلة أطماع مع عنصريـه
كتبتها همسـه من الـروح للــروح=وسـطرتها بحروفـي الأبجديـه
يمكن تثير القـاف وتفجـر البــوح=بين الغلا والشـوق والنرجسيـه

رد الشاعر هايل زيدان السرحاني

وين الحمام اللي يغنـي على الــدوح=الـلـي تغـنو بـه هـل الـسـامـريــــه
قبل المساء يشرف على الدوح وينوح=يضفي على جوء المساء شاعريه
واليوم أنا مالي يا ( مشهور ) مصلوح=ألـعـب على معزوفــة الـراعبـيــــه
عزلت نفسـي بين جــدران وسطـــوح=حتى أنشغـل بأمـوري الـداخليـــــه
أخاف يصدف لي مع البيض ممـلـوح=بعديـن كيـف أقــاوم الجـاذبـيـــــــه
نار الغرام إن ولعــت عطــرها يفـوح=يفــوح عطــر الورد بالمزهريـــه
شعر الغزل حسب القوانين مسمــوح=بالـمجتمـع لـه رغــبــه وقــابـليـــه
يوم الشباب أروح من وين مــــاروح=ونـار الـغــرام بــداخــل القلب حيه
إن رحت خط الدرع والإ مع الســوح=كنت أستعــين بروحــي المعنويـه
سيارتـي ددسن بها الشاص مليـــوح=ومعشوقتي كانت فـتاه ابــدويـــه
أنا خطـاي اليوم مـاهــوب مدمــــوح=مسـفـوح دمي دون ذنب وخطيـه
ودي أواصــل بس مــعاد لي شـــوح=أبـلـشـتـنــي بـحـروفك الأبجديه

صح السانك ابو بندر وابو يوسف

ولاهنتم

صح لسانك أبوبندر أنت وأبو يوسف .............

أخـاف يصـدف لــي مــع البـيـض ممـلـوح

بـــــعـــــديــــــن كــــــــيـــــــــف أقـــــــــــــــــاوم الــــجــــاذبــــيـــــه

نـــــار الـــغـــرام إن ولـــعـــت عــطــرهــا يـــفـــوح

يــــــــفــــــــوح عــــــــطــــــــر الــــــــــــــــورد بـــالـــمـــزهــــريــــه

:|for you|: وتقاوم ليه ؟؟؟؟؟؟؟؟؟؟؟؟؟؟:|for you|:
مشكلتك ان قلبك خضر
ومشكلتك انك مقاااااااااااااااوم
والاجمل فيك انك تحول افكارك الى رسم شعري
ووووووووو

لك احترامي وتقديري انت وابو يوسف ومع شكري العميق لابو يوسف الي اجبرك على ذلك

((ياهزاني السراحين))

أخـاف يصـدف لــي مــع البـيـض ممـلـوح

بـــــعـــــديــــــن كــــــــيـــــــــف أقـــــــــــــــــاوم الــــجــــاذبــــيـــــه

نـــــار الـــغـــرام إن ولـــعـــت عــطــرهــا يـــفـــوح

يــــــــفــــــــوح عــــــــطــــــــر الــــــــــــــــورد بـــالـــمـــزهــــريــــه

صح الله السنتكم والله يعطيكم العافيه

اقتباس:

---

المشاركة الأصلية كتبت بواسطة سعود السرحاني

صح السانك ابو بندر وابو يوسف

ولاهنتم

---

سعود السرحاني
صح بدنك
اشكرك على المرور والمتابعة