بنات ماله داعي تحلمون الا لما يجي طويل العمر

السلام عليكم ورحمه الله وبركاته

اسعد الله اوقاتكم بالخير وطاعة الرحمن

ثلاث أرباع أحــــــــــــــــــلام البنـــــــــــات مؤجـــــــــله إلى مابعد الزواج!!!!!!!!!!!!!!!!!!!

إذا تبي تروحين تكملين دراسك <أعرسي أول
إذا تبي تسافرين خارج أو داخل < أعرسي أول
إذا تبي تزورين صديقاتك < أعرسي أول
إذا تبي تحضرين عرس صديقتك< أعرسي أول
إذا تبي تشترين وتكشخين < أعرسي أول

طيب لو ماقسم الله للبنت العرس بيضيع عمرها وهي ماكملت والا راحت والا جت علشان طويل العمر ماشرف والا ماصار لها نصيب

الكثير يعاني من هذا الوضع خاصه البنات في مجتمعاتنا المحافظه

مشاركاتكم تهمني وردودكم تزيد في أهميه الموضوع ومن لديه إضافه فل يكتبها مشكوراً

لا تنسوا الاستغفار والدعاء للجميع بالصحه والعافيه ومغفره الرحمن
اختكم فى الله/////شرووق الأمــــــــل

لا لا لا من يقول هالكلام
بالعكس اموركن طيبه الأيام هذي


البنت عايشه حياته من احسن
مايكون تزور وتحضر عروس وتكمل دراسه بدون ماتعرس وتتزوج,,

عاد اذا فيه عوايل متحجره مره هذا شي ثاني الله يصلح الحال بس

اقتباس:

---

المشاركة الأصلية كتبت بواسطة سعود عقيل بن مظهر السحيمي

لا لا لا من يقول هالكلام

بالعكس اموركن طيبه الأيام هذي

البنت عايشه حياته من احسن
مايكون تزور وتحضر عروس وتكمل دراسه بدون ماتعرس وتتزوج,,

عاد اذا فيه عوايل متحجره مره هذا شي ثاني الله يصلح الحال بس

---

كح كح,,,,,, اللهم لا حسد
هلا ابو محمد المشكله في العقول المتحجره <<وش الحل معهم

إذا تبي تروحين تكملين دراسك <أعرسي أول
إذا تبي تسافرين خارج أو داخل < أعرسي أول
إذا تبي تزورين صديقاتك < أعرسي أول
إذا تبي تحضرين عرس صديقتك< أعرسي أول
إذا تبي تشترين وتكشخين < أعرسي أول

هالعبارات يستخدمها الأب والأم لتسكيت البنت وأنها بمثابة السجين لديهم ويجب عليها الإلتزام بالقوانين المفروضه عليها داخل المنزل وأنها إذا أتها النصيب وتزوجت أصبحت في عهدت زوجها ويكون مسؤول مسؤولية كاملة عنها ......إلخ
فإذا لم يأتيها الفرج والنصيب فستظل سجينة للقوانين المفروضه عليها من قبل الأب والأم ...........

السلام عليكم .. افهم تماما ماتقصدينه .. على الرغم من ان كل هذه الأمور اصبحت ممكنه مثل السفر وحضور المناسبات الاجتماعيه والذهاب للتسوق .. اتفق معكِ ان لدى كل عائله بعض الممنوعات على الفتاه قبل زواجها ، ليس عند بعض العائلات فقط بل ان المجتمع كله لايعترف بالفتيات مالم تتزوج ويصبح لها زوج يشار اليه عند الحديث عنها ( حرمة فلان ) وغالبا لايُعرف عنها اي صفه اخرى الا انها (حرمة فلان ) هكذا دون تسميتها باسمها !
ستختفي كل هذه الامور والمدنيه كفيله بالقضاء عليها ، لازلنا في مرحله قريبه من عهد البداوه ونحتاج بعض الوقت لنتخلص من كل هذا ..
شكراً لكِ

العقول المتحجره والتخلف العقلي والجهل الابدي
هو وراء كل هذه المتطلبات
الله يكون بعونهم هالفئه من البنات والله ماتدري وش تسوي
لكن عليها ان تتاخذ قرارها بنفسها وان تنتصر على الجهل والتخلف والظلم

بالتوفيق للجميع