الجنه تحت اقدااااام ( الامهات)
على كثر الحروف اللي كتبت وكثر وكثرأشعاري
تعبت ولا قدرت اكتب في حبك شطر يا أمي
لقيت ان الحروف أصغر من إني أوصف أفكاري
لــقيـت ان الكـلام يخـون حب يسـري بدمي
حملتيني العمر كله تحملتي ألم ضاري
تحملتي عذاب الوقت شلتي حزني وهمي
تهلي دمعتك لما تشوفي الحرقه بناري
رضيتي بعيبي وطيشي وضليتي العمر يمي
جرحتي الشوك بعيونك لاجل ما تطلع ازهاري
وكـنتـي الـمـاي لـعروقي وكنت نهري ويمي
يا أمي يا أول أحبابي وآخرهم بانظاري
ياقلب كل ماصلى سجوده بسمي يسمي
ياأغلى عشق يا أمي ياليل بالهوى ساري
يا أول كلمه ألفظها يا أروع مانطق فمي
ياعذري بكل غلطاتي إذا غطا الخطا عذري
يا أكبر مدرسة لمي خطاي وبعثري ذمي
تعلمت القناعه والرضا لو جارت أقداري
تعلمت الصبر منك ومنك كيفي وكمي
مشيت دروب هالدنيا وحبك عزم لاصراري
وكنتي أصدق أصحابي معي في فرحي وغمي
يا أصدق حب في الدنيا يا نور وضي مشواري
عجزت أكتبك ياأمي وحبري عاجز يسمي
يا أمي اعذري حرف كتبته بدمي الجاري
حروفي أدري ماتوفي ولو كان الحبر دمي
ألاياابجدية كل مشـــواري وأشعـــــــاري
أنا بالعمر ما أوفي سهرك بليلة يا أمي
الشاعره (أماني )
