اخواني الأعزاء يسعدني ان انقل اليكم هذه القصيدة النادرة لخادم الحرمين الشريفين الملك فهد بن عبدالعزيز رحمه الله تعالى _ عندما كان مريضاً في لندن في شهر شوال من عام 1385هجري حيث بعثها إلى المرحوم الأمير فهد بن سعد يشكو فيها قساوة المرض :
يابو سعد صارت على أخوك غارات=شهرين أقاسي مـن شديـد الغرابيـل
سو المرض يحمل على أخوك حملات=ما في يدي حيله ولا في يـدي حيـل
والله فزع من فوق سبـع السمـاوات=وأنا احمد الله يوم صـارت تساهيـل
ما ينفع الخايـف والأيـام عجـلات=الخوف ما ينفـع ولا القـول والقيـل
حنا هل العوجـا ولا بـه مـروات=شرب المصايب مثل شرب الفناجيـل
لا شك أنا مشغول في كـل الأوقـات=على الـذي حنـا بظلـه رجاجيـل
ما ني على نفسـي كثيـر الحسافـات=لاسلم راسه روسنـا رفـاع بالحيل
حامـي حمانـا بالليالـي المخيفـات=لو صـار بالعالـم كثيـر الزلايـل
فخر العروبـه بالعـدل والمسـاواة=هذاك هو فيصـل ولا فيـه تشكيـل
يشهد له اللـي شاهـدوا منـه ليـات=ويشهد له التاريخ جيـل بعـد جيـل
فأجابه الأمير فهد بن سعد رحمه الله بهذه القصيدة:
يامرحبـا بكتـاب زبـن المـخـلات=أهـلاً هلا بـه عـد وبـل الهماليـل
حمـدت مـن زال الكـدر بالمسـرات=فكاك مـن صكـت عليـه المحابيـل
فـزع لـك اللـي عالـم بالخفـيـات=مبري جروح أيوب غيـث المراميـل
لعل ما يزعج علـى فقـدك أصـوات=ولعلهـا لـك يابـو فيصـل تماهيـل
الله يجيرك مـن صواديـف الآفـات=عسـاك تسلـم ياعشيـر المشاكـيـل
مانت برخيـص ياربيـع القرابـات=لو هي بالايدي كان دونـك حلاحيـل
ترا لنا بـك يافتـى الجـود هقـوات=في وقتنا الحاضـر وباللـي مقابيـل
يفـداك ربـع قصـروا بالمهـمـات=اللي علـى القـالات ماتنطـح الشيـل
بعض العرب حي ومن عرض الأموات=ما يرتجـي نفعـه بحـل المشاكـيـل
وفيصـل ذرانـا بالسنيـن المخيفـات=هو درعنا الضافي إلى ضدنـا الميـل
نقـل عنـا حمـول ثقـيـلات=راس الحصيـل ان كملـن الحصيـل
