بنت في الجامعة

قصيدة حوار مع بنت الجامعة

يوم الخميس إللي مضى لحظة دخولي الجامعه
صادفت قمري جالسه وتراجع كشوف الشئؤن
سلمت وأنا في خجل من هالغزال البارعه
ردت سلامي وأكتفت بالرد بالصوت الحنون
من بعدماردت عليّ خذت سجل تراجعه
وأنا وقفت أمامها مثل المحنط لو ترون
لكن تشجعت وسألت قالت شوي وراجعه
العفو منك ياعلي بأطبع سجلات الزبون
إجلس على الكرسي وأنابشوف حبر الطابعه
قامت وردت في عجل قالت هلا لي وش تبون
قلت الحقيقه يالغلا عندي شهاده ضائعه
وأريد أطلع غيرها من عندكم لو تسمحون
قالت بسيط(ن) مطلبك راجع عميد الجامعه
فالدور الأول مكتبه والناس مثلك يسألون
يأمر جهات الإختصاص بمذكره ونتابعه
قلت الشهاده هي لبنت ماهيب حقي يافتون
قالت لي إنزل للعميد فالدور لأول راجعه
وإلا إنتظر حتى أخلص شغلتي ولاتهون
نزلت في لحظة عجل وأمشي خطى متسارعه
لكن لقيت الباب مقفل قالوا إنهم يفطرون
رجعت لاعند الغلا والنفس فيها طامعه
قلت الإداره يفطروا بأصبر لحتى ينتهون
قالت لي إصبر بالصبر تقضى الأمور النافعه
والصبر مفتاح الفرج دنياك هونها تهون
صبرت لأجلك ياعسل والنار فيني والعه
لو تسمحي لي باوصفك قالت لي الشاعر يمون
قلت العمر يالغاليه يفداش وانابايعه
بأرخص ثمن لوتشتري بالكاش والابالرهون
الروح لأجلك راخصه ياام العيون الواسعه
ياللي سلبتي خافقي الكون لعيونك يهون
طلعت جبينك لاظهر غطى الشموس الساطعه
والخدباقات الورودونفحته ريحة دخون
والخشم من خلف الحجاب سيفٍ بسله لامعه
اماالشفايف حلوها كالتوت للي يشربون
والعنق فيه من الذهب والماس حليه فاقعه
عنق المها في جيدهاعقدالذهب من كل لون
والصدر بستان الفواكه والثمار اليانعه
فيه العنب والمانجو مقطوف للي يأكلون
والبطن ناعم كالحرير سبحان ربي صانعه
والخصر ناحل ياعرب فيه الخلايق يفتنون
عيني عليها بارده وأقرى الحشر والقارعه
عجزت أنا في وصفهاهذي البنيه وش تكون
طالعت فالساعه أشوف الوقت وإنها الرابعه
قالت علامك ياعلي كانك مقيدفالسجون
قلت إسمحي يالغلا فالأسئله متتابعه
بسأل سؤالي وأختصر فالناس فينا ينظرون
لو ترحميني يالغلا شوفي عيوني دامعه
وأسباب دمعي سلهمت عينيك يازين الجفون
ردت عليّ بسلهمه بعيون فيها الواقعه
إسئل تفضل لاتهم الناس مابايسمعون
عندي سؤال عبارته من روح روحي نابعه
بالله يامولى الرموش إللي رمتني بالطعون
قالت سؤالك ياعلي مفهوم وأناسامعه
شكلك مريض وحالتك ياابن العرب فيهاجنون
إسأل سؤالك ياعلي تلقى إجابه قاطعه
قلت أسألك يافاتنه والرد منك وش يكون
سؤال يامولى العيون الساحره والرائعه
هل عندكم فالجامعه دكتور لأمراض العيون
وسلامتكم
http://www.giantup.com/uploads/giant...2263301910.jpg